وینیشانداکە بە سەرمەشقایەتی ناوەندو کۆمەڵەو کوردی جە مانچێستەرەنە سازکریابێ، دلێشەنە ژمارێوە گروپێ ئینتر ناسیۆناڵیستێ بەشداربیێنێ.جە وینیشانداکەینە ڕەسمەکێ ڕابەر ئاپۆی و ئاڵاکا یەپەگەی و یەپەژەی بەرزکریێوە.

 وینیشانداکەینە بەردەوام دروشمەکێ "بژیۋۊ مڏرامانو وەرنیشتی"، "بژیۋۆ وەرنیشت"، "ژەنی، ژیوای، ئازادی" واچێنێ و داوا جە بەریتانیای کریا کە وەراوەرو هرووژمەکا دۆڵەتو تورکی پەی سەرو وەرنیشتی هەڵوێس گێرۆنە وەرو و بی جۆرە بەردەوام پێ: "مشۆم ئا هرووژمە نائەخلاقییا مڏرنا و پەشتیوانی جە وەرنیشتی ئەرکێوە ئەخلاقییا". چالاکیەکە بە چەپڵەڕێزان و بەرزکەردەیۆ دروشمی دمایش ئاما.

کاردیف

پایتەختو وێڵز جاردیف بە سەرمەشقایەتی تۆڕەو پەشتیوانی کوردی و گروپە ئینترناسیۆناڵیستەکا چالاکیێ سازکریا. چالاکییەکەنە ئاڵاکا یەپەگەی و یەپەژەی بەرزکریێوە و چنین دروشمێ پەی پەشتیوانی جە وەرنیشتی و شەرمەزارکەردەو هرووژمو و تاوانکارییەکا دۆڵەتو تورکی و چەتەکێ وتریێوە.

جە وتارەکا وینیشانداکەینە داوا جە حکومەتو وێڵزی کریا پرسو پەلامارەکا دۆڵەتو تورکی بەرۆنە پەرلەمانو بەریتانیای.