جانان چالاغانە، قسەکەرەو ئه‌نجوومه‌نوو ژەناو سه‌ر به پارتوو چه‌پی سه‌وزی ئەرەیاوناش، دماو پانێله‌كاو ورچنیەی، كۊبییەیۊ، چەمپەنەكه‌وتەی و سمیناروو ژەنا کریۊ. واتیچش: پەنەوازا خه‌باتی هامبه‌ش کریۊ و هامپه‌یمانیی ژەنا وەش کریۊ.
جانان چالاغانە، قسەکەرەو ئه‌نجوومه‌نوو ژەناو سه‌ر به پارتوو چه‌پی سه‌وزی له چەمپەنەكه‌وتەێوەنە پەی ئاژانسوو فورات (ANF) ئەرەیاوناش، مشۊم ژەنی یۊ گێرا و كۊشیایشا یۊ وزا. پەنەوازا هامپه‌یمانیی ژەنا وەش کریۊ.
چالاغانە ئاماژه‌ش پانەیە كرد، سه‌ڕه‌ڕاو گردوو فشار و كرده‌وه دژه دیموكراسییەکا، ورچنیەیه‌كۍ جە دۊخێوە فرە نایه‌كسان و ناداپه‌ره‌وه‌رانه‌نە لوۍ ڕاوە. به بۍ ئانەیە فاكته‌روو بەری وەرەچەم گێرا و هه‌م وەروو ئانەیە چێوەکا بەساوە بە فاكته‌روو جبەریوە، زنجیره كۊبیەیۊیۍ کەرمۍ، تا بزانمۍ چی ئا ئامانجێما نه‌پێكێنۍ كه دیاریێما كەرڎێبێنۍ.
هەرمانگه و وۊركشۊپوو ژەنا
چالاغانە ئانەیچشە وات، کە پارتوو چه‌پی سه‌وزی، پارتێوە ژەنان و ده‌سما به خه‌باتوو وێڕوه‌به‌ریی ژەنا كەرڎەن. واتیچش: پێسە پارتێوە ژەنا، چەنی كۊبییەیۊی گردینی، ئێمه كۊبیەیۊی تایبه‌تیی وێچما کەرمۍ. چی قۊناغه‌نە كۊبیەیۊكاما یانانە و گه‌ڕه‌كه‌كانە درێژەش بۊ. دماتەر ئێمه كۊنفرانس و كۊنگره‌و وێما بەسمۍ. وەروو ئانەی كۊنفرانسه‌كاما قەوەت کەرمۍ بارەو ئا بابه‌ته سه‌ره‌كییاوە كه كۊبییەیۊ وەڵینەکانە ئاشكرۍ بێنۍ، هەرمانگۍ و وۊركشۊپۍ کەرمێوە ئامانجما ئانەن تا مانگەو ئه‌یلوولی ئی قۊناغەیە تەمامنمۍ. سیمیناره‌كه‌مانە پێسە ناموونیشانێوە سه‌ره‌كی "ڕاو یەرەمەو ژەنا" و "مشکیلەکاو ڕێکوستەیما"، قسەوباسشا باره‌وه کریۊ.
"هەڵای پا ئامانجا نه‌یاوێنمۍ كه دیاریێما كەرڎێبێنێ"
چالاغانە ئانەیچش وات، چا کۊبییەیۊیانە تا ئیساتۍ کریێنۍ، پەرسه‌كاو تایبه‌ت به ژەنا وزیێنۍ وەروو باسی، ئێمه میكانیزم و ڕایۍ خاسێما به ئامانجوو یه‌كسانیی ڕه‌گه‌زی و گێڵنایۊ ئازادی پەی ژەنا نیێرە، چانیشایچ سیستموو نوێنه‌رایه‌تیی یه‌كسانی، هامسه‌رۊكی و هتد. ئیسە فرەو چێوەکما نه‌ك توركیانە، جیهانیچنە بیێنۍ بە نموونه. هه‌رچ‌نده یاونای ئا هەرمانا بنه‌مۍ سه‌ره‌كییۍ ئێمه‌یچ با، مەتاویۊ بوچیۊ كاریگه‌رییه‌كێش جە ئایدئۊلۊژیاو ڕه‌گه‌زپه‌ر‌سی و ئه‌قڵیه‌توو پیاسالاری، كه چوارده‌وروو گلێرگەیش تەنان نەجاتشا بییەن. چا ڕووه‌وه بەرکەوت، هەڵای نەیاوێنمۍ ئا حەددە ڕایەکاو وێما بیاونمۍ. پەی فاڕیای ئی ئه‌قڵیه‌تهیە، چەنی ناستەی كه‌موكوڵییه‌كا جە ڕایەکاو ڕێکوستەی و قەوەتکەرڎەیشا جە کۊڵەکە سه‌ره‌كییه‌كاو قسەوباسەکامانۍ.
ئەرەمەرزنای خەتەی بنه‌ڕه‌تییەو كۊشیای
قسەکەرەو ئه‌نجومه‌نوو ژەنا، بارەو بوارێوە كۊشیای هامبه‌شیوە واتش، كه ژەنی به گردوو جیاوازییه‌كاشاوە وەراوەروو سیاسه‌ته‌كاو ده‌سه‌ڵاتیوە دژوو ژەنا، ده‌وروو یۊینە ك کوۍ کەراوە و وزاشا یۊ و واتش: سه‌رباروو گردوو ئا بوارایچە، پەی یۊوستەی كۊشیای، وەشکەرڎەی هامپه‌یمانیی ژەنا جە قۊناغێوە چینەنە، گرنگیێوە ژیواین. سه‌روو بنه‌ماو ئا پاگێرتەیرەیۊ، كۊبییەیۊ و ئەرەمەرزنای خەتەی سه‌ره‌كییەو كۊشیایمانە پەی قۊناغی ئایندەی، ئینە خاڵێوە تەرەو باسەکەیمانە.
پێوە‌رە درێژه به ڕاپیمایما مدەیمێ
چالاغانە ئەوەخوایچش کەرڎۊ، پێسە ژەنا دژوو گۊشه‌گیری، سیاسه‌ته‌كاو جەنگی و سیاسه‌توو جەنگی تایبه‌تی، كه چا چوارچوەنە کریۊ، جە بنیادنیای دیموكراسی و ئاشتینە دووەدڵۍ مەبیمۍ و واتش: متاومۍ چوارچوەو گردینوو ئا قۊناغه‌ینە پۊرەشرە ویەرمۍ پێسە ورش سەنگنمۍ. هه‌رپاسە وەختۍ هامپه‌یمانیی پیایا وەرەچەم گێرمۍ، كه ئارۊ ده‌سه‌ڵاتی وەش کەرڎەن، ئانە ڕۊشن بۊوە كه پەنەوازا تنڎتنڎۍ ئی قۊناغه‌و گفتوگۊی به کۊشیای گردین بەرمۍ ڕاوە. به هۊشیاری و ئیرادێوە، كه ئێمه ئینایمۍ یاگێوە ڕه‌وێنە پەی ڕێزگێرتەی چا ویر و ئیراده كۊمه‌ڵایه‌تیه‌ییە، كه پارته‌كه‌ما سه‌رشۊ ئەرەمەرزیان، ئێمه نه‌خشه‌ڕێوە كه كۊشیایما قەوەتتەر کەرۊ ئاشكرا کەرمۍ.
س.ز
