ئەنداما پەیەدەی جە هەفتەو ٦٥٥نە ئێشکگیریی ئازادیشا بەردڕاوە و دەسنیشانشاکەرد ڕابەر ئاپۆ پرۆسێوە تازەش دەسپنەکەردەن، چا چوارچێوەنە بانگوازشا پەی بەهێزکەردەو ئەرەکۆشای کەرد.
ئێشکگیریی ئازادی کە بە سەرمەشقایەتی دەس وەڵوستەی ئازادی پەی ڕابەر ئاپۆی بە ئامانجو ئازادی جەسەیی رابەر ئاپۆی جە ٢٥و حوزەیرانی ٢٠١٢نە شارو ستراسبۆرگو فەرەنساینە دەسشپنەکەردەن، بەردەوامیش هەن.
جە ئەنجامداو چالاکییەکەینە هەر هەفتێوە و گروپێوە جیاواز جە شارەکا ئەورووپاینە ئێشکگرییەکەی ئەنجام مرانە. هەفتەو ٦٥٥مینی چالاکییەکەینە ئەنداما پارتو یۆبییەی دیموکراتیکو (پەیەدە)ی عەلی عوسمان، محمەد محمەد و مستەفا حافتارۆ چالاکیەکەشا ئەنجامدا.
سەرۆکو گرووپەکەی عەلی عوسمان مافو قسەکەردەیش هۆرگێرت و دەستنیشانشکەرد ماوەو ١٣ ساڵان ئی چالاکییە بەردەواما پەی ئازادی جەسەیی ڕابەر ئاپۆی، بانگەوازش جە گەلو کوردی کەرد گرڏکەسێ با دەورو وێش گێڵنۆ پەی ئا ئامانجەیە و واتش: "ڕابەرما چی ماوە ویەردەینە پرۆسێوە تازەش دەسپنەکەردەن. گرڏو گەلو کوردی بە هیواوە دەورو ئا پرۆسەیە گلێرۆباوە."
جە بەردەوامی قسەکاشەنە عوسمان بانگەوازش جەگەلو کوردی کەرد جە ١١و کانوونو دووەمینە بە ئیرادێوە گۆرە بەشداری ڕاپیمای مبارەکی بیدێ.
هەر جەقسەکاشەنە بە نامێ گرووپەکەیشاوە عوسمان سڵامش جە جەنگاوەرا ئازادی کەرد کە جە وەرنیشتوو کوردەسانینە ئینێ مڏرامانەنە.
جە دماینە عوسمان جەختش چانەیە کەردۆ تا یاوای بە ئامانجەکاشا بەردەوامێ بانە جە ئەنجامداو ئێشکگیریی ئازادی.
