چالاکی گرووپو هۊرپڕای کوردی بێریتانی جە مۆسکۆ
گرووپو هۊرپڕای کوردی بێریتانی بەشداریش جە فێستیڤاڵو 'یانەو من مۆسکۆ'ینە کەرڎ.
جە ساڵۊو ٢٠١٦یۆ جە مۆسکۆو پایتەختو ڕووسیاینە فێستیڤاڵو 'یانەو من مۆسکۆ'ن ملۆڕاوە و پێشوازیێوە گەرم جە فیستیڤاڵەکەی مکریۆ.
ئێساڵ فێستیڤاڵەکە جە مېیانو کولتووری زیلینە جە مۆسکۆ ئەنجام مڎریۆ و چڼین گرووپۍ جە نەتەوەیی جیاوازی و نوێنەراشا بەشداری فێستیڤاڵەکەی بێنۍ. جە فێستیڤاڵەکەنە ۋەرپەرسو یانەو نەتەوەیی مۆسکۆی ئاماڎەبۍ، وتارەو سەرەتاو فێستیڤاڵەکەیش ۋەناوە و باسش جە ئامانج و گرنگی فێستیڤاڵەکەی کەرد.
گرووپ و هونەرمەڼا جە نەتەوە جیاوازەکا بەشدارۍ فێستیڤاڵەکەی بێنۍ، بەنامۍ ڕێکوزیاو ژەنا کوردیۆ ڤیانە جە گرووپو هۊرپڕای کوردی بێریتانێنە بەشداری فێستیڤاڵەکەیشا کەرد، کە جە شارو سارتۆڤیوە ئامۍ بێنۍ.
