ڕۊو یەکشەممەی ۋېیەردەی  ١٥و کانونو یووەمی (٢٥و سەرماوەز)ی حۆت هاموڵاتیۍ کوردۍ ئەرەنیشتۍ سەرپێڵو زەهاوی جە پارێزگاو کرماشانی جە ئەنجامو هۆرکوای هێزە ئەمنییەکا دۆڵەتو ئێرانی پەی سەرو یانەکاشا و جە ڕاو بەکارئاوردەی تنوتیژیۆ باڵبەسۍ کریۍ.

سەرەڕاو ۋېیەرنای حەفتێوە سەرو باڵبەسکەردەی ئا حۊت هاموڵاتیەیرە و سەرەڕای شۆنیرەلوایەکا بنەیانەکاشا، کاربەدەسا دۆڵەتی جە بارەو شۆنەماو گێرتەیشا و مەڵامەتو دەسبەسەرکەردەیشاوە هیچ زانیاریێوە وەڵا نمەکەراوە.

بەپاو چن زانیاریێوە ئا حۆت کەسە فاڕیێنێوە پەی زینانو دەزگاو هەواڵگری کرماشانی، بەڵام تا ئیسە ڕاشا پنە نەڎریان چەمشا بە پارێزنەری و بنەیانەکاشا گنۆ.

نامۍ ئا حۆت کەسەیە پی جۆرەنە: هێمن پاڵانی تەمەن ٢٥ ساڵ، خالید کەمەری تەمەن ٢٧ ساڵ، ئەیمەن سەفایی تەمەن ٢١ ساڵ، ئومێد ساڵحی تەمەن ١٧ ساڵ، عیرفان مورادی، کۆمار ساڵحی و پەیمان رەنجبەر.