یۆ جە فەرماندەکا هێزەکا سووریای دیموکراتیکو (قەسەدە)ی چاوڕەش کۆبانێ جە کوردیناسیۆنو گرڏی پارێزناو بەنداو تشرینینە یاگێش گێرتە. چاوڕەش کۆبانێ جە دەس پنە کەردەو مدرامانو تشرینینە بە شێوێوە چالاک یاگێش گێرتە و، باسو مڏرامانیش کەرد.

دماو وڕاو ڕژێمو سووریای، دۆڵەتو تورکی ئەرەگیر و چەتەکێش هرووژمشا کەرد سەرو بەنداو تشرینی.  دەوربەرو بەنداوەکەینە ما بەینو جەنگاوەرا قەسەدەی-یەپەژەی و چەتەکانە جەنگێوە قورس ڕووەشڏا. بە سەڏان جەنگاوەرێ پێسەو چاوڕەش جە لە بەرەکا وەڵێ مڏامانینە جەنگ مکەرا.

چاوڕەش کۆبانێ ئاماژەش پانەیە کەرد کە پێسەو فەرماندەی و هەم پێسەو جەنگاوەری پەی مڏرامانو تشرینی بە تەمامەتی ئامادێنێ و واتش: دەقە بە دەقە بەشداری ئۆپراسیۆنەکا هۆڵ-ی بێنمێ. حەجگیز جە پێکئامێ گرڏی جیانەبیێنمێ و بە شێوێوە دیسپلینانە ژیوای سەروازیما درێژە پنەدا. چی پڕۆسەنە یۆبییەو وێما پارێزنا و بەها مەعنەوییەکێما بە شێوێوە بەهێز ئەرەمەرزنا. ئینە بنەماو سەرکەوتەیمانە".

چاوڕەش کۆبانێ ئاماژەش پانەیە کەرد کستێک ئا گەشتەو بەنداو تشرینیشو چنین تەرمێ چەتەکاش وینێ و زەرێ گۆرەشا جە چەتەکا دابێ. چاوڕەش یاڏش وستیمێ کە جە ئەنجامو چالاکییەکانە چەتەکێ تەرمەکێ وێشا جیائاستێ و ڕەمێ و واتش: "هەڵای جە هەرێمەکا جەنگینە تەرمو چەتەکا مەنێنێ".

چاوڕەش کۆبانێ ئەرەیاوناش کە چەتەکێ دۆڵەتو تورکی بە زانایی و پسپۆرییۆ جەنگ مەکەرا و واتش: "جە جەنگەکانە چەتەکێ دەس سەرو یانە و موڵکو خەڵکی گێرا و تالانش مکەرا. ئەر دۆڵەتو تورکی بە فرۆکەی کەشفی و جەنگی هامکاری چەتەکاش نەکەردێ ئانە دەمێ بێ جە تەمامو سووریاینە بەرشا کەرێنمێ".