چەتەکۍ داعشی کە گەرەکشانە ئاژەو جەنگی چنی دۆڵەتو تورکی و چەتەکاش قۆزاوە، جە دەیرەزۆرەنە هرووژمشا کەرڎ سەرو هێزەکاو ئاسایشو دلێینەی. جە هرووژمەکەنە ٢ ئەندامۍ هێزەکاو ئاسایشی زامڎارۍ بیۍ.
فەرماندەو گرڎی هێزەکاو ئاسایشو دلېینەو هەرێمو سەرنیشت و ۋەرکۊتوو سوریای ئەرەیاۋناش شانە تیرۆریستییەکۍ داعشی هرووژمشا کەردەن سەرو ترۆمبێلێوە هێزەکاشا.
ئەرەیاۋناکەی پی جۊرەنە:
"دما نیمەڕۆ، سەرو ڕاو ناوچەو موحەیمیدەو ۋەرنیشتوو دەیرەزۆری شانەکۍ سەر بە ڕێکوزیاو تیرۆریستی داعشی بە ماتۆڕسکیل هرووژمشا کەرد سەرو ترۆمبێلێوە بەشو وەرەنگاربیەیۆ ماددەو هۆشبەری. جە ئاکامەنە دووۍ ئەندامۍ هێزەکاما زامڎارۍ بیۍ. هەردوویشا چارەسەریشا پەی کریان و ئیساتۍ تەندروستیشا خاسا.
چی دماییەنە بە مەڵامەتو بۆشایی ئەمنییوە چالاکیی شانە تیرۆریستییەکا جە بڕۍ هەرێمۍ ۋەرنیشتوو فوراتینە زیاڎشا کەردەن. هێزەکێما بەردەوامێنۍ جە هەوڵەکاشا پەی ماڕای ئا هرووژما. هێزەکێما جەخت مکەراوە چانەی کە بەردەوامێنۍ جە ماڕای ئا گروپە تیرۆریستیا، و ئاسایش و سەقامگیری هەرێمەکەی مسۆگەر مکەرا. جگە چانەیچ هێزەکێما بەپاو ئا بەڵگا کە ئینۍ دەسشانە بەردەوامێنۍ جە ئەوەکۊڵیاکاشا پەی باڵبەسکەردەی ئا تاوانبارا".
