پەرلەمانتارو بازنەو وانو دەم پارتی سینان چیفتیورەک باسش چانەیە کەرد، کە نیایرەو قەیومەکا و هجومەکێ سەرو وەرنیشتی ئەرەبڕیۍ نیەنۍ جە یۆترینی و جەختش کەردۆ کە ئانە کۆنسپێپتێوە جەنگین.
حکومەتو تورکیای کە سیاسەتو دەس سەرەرەگێرتەی شارەوانیەکا جە مەنتیقەو مسکی وانی درێژە پنەمڎۆ، وێش پەی کردەوێ تازەو زەوتکەردەی ئاماڎە مکەرۆ. پەرلەمانتارو بازنەو وانی سینان چیفتیورەک قسێش پەی ئاژانسو هەواڵو فوراتی کەردێ باسش چانەیەکەرد، نیایرە و سەپناو قەیومی، تەنیا سزاو هامشاریا نییا، بەڵکووم سزاو گەلین.
چیفتیورەک باسش چانەیە کەرد کە دەسەڵاتداری گۊش بە ئیرادەو گەلی نمەڎۆ، بە شێوێ نایاسایی قەیومی سەپنۆ و ئاماژەش بە دۆخو هامسەرۆکو شارەوانی مسکی ئایڤاز هازری کەرد.
چیفتیورەک ویرش ئاردۆ کە جە دژو ئایڤاز هازری ٩ ساڵۍ چێوەڵی دۆسیەکریابێوە، دۆسیەکە مردابۍ و واتش، " چن مانگێ دماو ئانەی هورچنیەیی کریا، سەرجەنۆ دۆسیەکە کریاوە و جە یووەم ئەرەنیشتەو دادگاینە سزا بڕیاوە. ئانەشا پەی نیارەو قەیومی پێسەو پاساوێ نیشانەدا، بەڵام دەسپنەکەردەیۆ دەعوێش هەن، پرۆسەو دادگاو باڵایش هەن. نەمردای و چەمەڕانەکەردەی پەی تەمام بییەو ئا پرۆسەیە وێش جە وێشەنە پاشێلکەردەو یاساین".
هەم دلێینەنە و جبەرۆ ئیرادەو گەلو کوردی بە ڕەسمی نمەشناسۆ
چیفتیورەک ئانەیچش وستڕووە کە دەسەڵاتداری ئاکەپە-مەهەپەی جە دلێ و بەرۆ ئیرادەو گەلو کوردی نمەشناسۆ و واتش، "مانگێوەن باسو ئاشتی، چارەسەری، هامکاری و نەرمبییەی جە سیاسەتی مکەرمێ. ئانەی بە گەلو کوردی ماچا. باخچەلی و ئەردۆغان کە ئانەی ماچا، جە دلێو جبەرۆ گەرەکشانە دەسکەوتەکا گەلو کوردی دلێنە بەرا. قەیوم و سیاسەتو وەرنیشتی جە یەکتری نەبڕیێنێ. ئینە کۆنسێپتێوە جەنگیا. ئانە هەڵوێستێوە بە بنبەس یاوناین نەک هەر کورد، بەڵکم زەرەر بە گردو گەلا میاونۆ".
