داڎگاو هۊلېری به‌تۆمه‌تو "هۊرخەڵەتنای" سزاو ٤ ساڵا زینڎانیش سەرو شێروان شێروانی-رە سەپنا. شێروانی سەرو دۆسیه‌و چالاكا بادینانی داڎگایی كریان‌.

كامه‌ران سارمه‌می، پارێزنه‌رو شێراوان شێروانی ئەرەیاۋناش، چا قەناعەتەنە بېنۍ، بەمەڵامەتو نەبیەی حیچ به‌ڵگېۋە سەرش، ئەرەنیشتەو ۋەڵتەرو داڎگای جە مەسڵەحەتو شێروان شێراونینە بیەن، به‌ڵام پۍ ئانەی دۆسیه‌كه‌ پا جۆره‌ یه‌كلایی نەکریۊۋە، ئەرەنیشتەکەیشا هۊرپەسېرنا. ئینە دۆزێۋە سیاسین‌.

جە مانگەو ته‌مووزو ساڵەو ٢٠٢٠ی جە لایەنو هێزه‌كا په‌ده‌كه‌یۊ زیاتەر جە ٨٠ ڕۊنامەنۋیسۍ، چالاکۍ مه‌ڎه‌نی و مامۆسۍ جە مەنتیقەو بادینانینە گیریېنۍ. دماو ماۋېوە بڕېشا ئازاڎ كریۍ، به‌ڵام هەڵای كه‌سانێۋە فرۍ جە زینڎانه‌كا په‌ده‌كه‌ینە مەنېنۍ.

هـ . ش