داعش بیابانوو سوریاینە هجومېوەش کەرڎ: ٣٤ سەروازۍ شامی کوشیۍ
ئەنجومەنوو چەمڎاری مافەکا مرۆڤی جە سوریانە ئەرەیاۋناش کە: چەتەکۍ داعشی هجومشا کەرڎ سەروو هێزەکا حکومەتوو شامی و جە ئاکاموو جەنگەکەینە ٣٤ سەروازۍ کوشیۍ.
بەپاو ئەرەیاۋناکەو سۆهەری، هجومەکە جە بیابانوو ڕەسافینە ئەنجامدریان کە گنۊ سېکوچکەو ڕەققە – حومسی و دێرەزۆری.
ئەرەیاۋیا کە چا هجومەنە ٣٤ سەروازۍ حکومەتوو شامی کوشیېنۍ. جگە چانەیچ فڕۆکەکۍ ڕوسیای چەتەکۍ داعشیشا دەشتەو ڕەسافەینە کەرڎېنۍ ئامانج.
باس چانەیچ کریان کە ژمارېوە فرە جە ئەنڎاما چەتەکا کوشیېنۍ، بەڵام ژمارەو کوشیېکا داعشی نەزانیېنۍ.
