جەمەو ڕۆنامەوانا دیجلە و فوراتی (دەفەگە) پەیوەس بە گێرتەو هەردووە ڕۆنامەوانا نوورجان یالچنۍ و دەریا ئوسۍ جە تەرەفوو پۆلیسیوە جە ئۆپراسیۆنوو قڕکەردەی سیاسینە گیریۍ،  ئەرەیاۋنێوەش وەڵاکەردۆ و جە ئەرەیاۋناکەینە ئامان: " سەرەڕاو ئانەی مەڵامەتوو گێرتەی هەردووە ڕۆنامەوانا ئاشکرانەکریان، مزانمۍ ئی ئۆپراسیۆنە پەی تاوانبارکەردەی پیشەو ئێمەی ڕۆنامەوانان. دەسەڵاتداری ئاکەپە-مەهەپەی چی ساڵا دماییەینە، جە ڕاو دادگاکایچۆ فشارش سەروو ڕۆنامەوانا کوردی زیاتەر کەردەن."

جە بەشێوە تەروو ئەرەیاۋناکەینە ئامان: "جە ماوەو ئی دووە ساڵە دماییەینە نزیکەو ٤٠ ڕۆنامەوانا کوردی و خەباتکارا چاپەمەنی ئازاڎیی، جە ڕاو ئۆپراسیۆنی جیاوازیوە گیریێنۍ و ئامانجشا بێدەنگکەردەی ڕۆنامەوانا کوردین. داوا جە گرڎوو ڕێکوستەی پیشەیی و هامپیشەکاما مکەرمۍ پەی خاوەنداریکەردەی جە پیشەو رۆنامەوانی جە یۆگێرتەینە با. ڕۆنامەوانی تاوانە نیەنە. ڕۆنامەوانا ئازاڎیی وەردەیدۍ."