دەسەو ڕاوەبەری مییانو دەم پارتی سەبارەت بە ئۆپراسیۆنو قڕکەردەی جە دژو هەدەکەی ئاماژەش پانەیەدا دەسەڵاتو ئاکەپەی گرڏ ڕوێ ئاسو نایاسایی، هرووژمی دووژمنایەتی جە دژو گرڏو هێزەکا گلێرگەی و سیاسی زیاتەر مکەرۆ. ئی ئۆپراسیۆنە کە جە دژو هەدەکەی ئەنجام دریا و بەینشانە ئەنداما (MYK) سەمیحا شاهین، محەمەد سالتۆغلۆ، ئەندامو وەڵینو (MYK)، هامواتەواچوو هەدەکەی ئەسەنگول دەمیریش ئینا دلێنە ٥٠ کەسێ دەسشا سەرەرە گیریا و ٣٠ کەسێشا زینانیێ کەردێ. جە ئەنجامو ئۆپراسیۆنەکەینە ١٣ کەسێ بە قەراو زینانی کەردەی جە یانەنە و ٧ کەسێچ بە مەرجو چەمدێری کەردەی دادگا ئازاڏێ کریێ.

دادگا پی ئۆپەراسیۆنەیە جارێوە تەر نیشانەش دا کە بە نامێ دەسەڵاتیۆ چالاکیی سیاسی ئەنجام مڏۆنە و گرڏو ڕێسا و  یاساییەکا پەشکۆش وزانە. پاساوەو باڵبەسکەردەی، مەرجو دادگای و زینانو یانەی پاساوەی یاسایی نییا، پاساو دەسەلاتیا گەرەکشا بە فرت و فێڵ ئۆپۆزسیۆنی تاونۆوە. مەڵامەتو بنەڕەتی ئا بانگەشێ کریانە ئانەن کە ماچا شمە "چی جە دژو دەسەڵاتی وێتا بە ڕێکوزتەی مکەردێ".

دادگا ئۆپۆزسیۆنش جە دژو دەسەڵاتی بەتاوانبار شناسا. هەرپاسە بانگەشەو ئانەی کە هەدەکە جە هورچنییەینە قەرارو 'ڕێکەوتەو شار'دان دروێوەوە  وەرچەما. جارێوە تەر ماچمێنە کە تاوانبارکەردەی 'ڕێکەوتەو شاری' بە ماناو ئانەی مێ کە 'جە دژو دەسەلاتی مەبیمێ بە یۆ، ئەوەکۆشایێ هامبەش مەکەرمێ، پێوەرە هەڵوێس هورنەگێرمێ'. گەرەکشانە پێوەرە بییەو کوردی و تورکی پارچە پارچە بکەرا.

قەرارو 'ڕێککەوتەو شار' جەلایەنو پارتو ئێمەوە دریان، ئێمەچ بە شانازییۆ وەرگریما چی قەرارەیە کەردەن. ئی قەرارە بییەن مەڵامەتو فاڕییای جە ئیدارەو دلینەی جە فرەو بوارانە. پۆکەی ئی هرووژمێ هرووژمو حەق کەردەینۆ.

بەڵام ویرتا مارمێوە کە گرڏ دەسەڵاتێوە سەرکوتگەر بە دەسو وێش و با جۆرە دمای وێش دەس نیشان مکەرۆ. حکومەت بە سەپناو ئێش و ئەشکەنجەی سەرو گلێرگەیرە وڵاتی بەرەو دلێنەشییەی بەرۆنە. ئێمە ڕا مەرەیمێ وڵاتما بەرەو قەراخو دلێنە شییەی بلۆنە. پارتیما دمای پی پرۆسەیە مارۆنە.

دیسان ماچمێ: دمای بە کەیسەکا پیلانگێڵی مارمێنە. "ئا هەڤاڵێما بە شێوێوە نایاسایی زینانیێ کریێنێ دەمو دەس ئازادێ کەردێ."