دۆسیەو ئەشکەنجەدای نەوجوانە ١٤ ساڵانەکەو خەڵکوو لیجەی دەسش پنەکەرد
جە ئەرەنیشتەکەو دۆسیەو ئەشکەنجەدای نەوجوانە تەمەن ١٤ ساڵەکەینە بەنامۍ، ی.د. جە مەنتیقەو لیجەی ئامەدی، داواکاری گردین داواو سزادای پۆلیسە تۆمەتبارەکاش کەرد.
مەنتیقەو لیجەی ئامەدی، دماو مبارەکباییەکاو نەورۆزو ٢١و ئادارو ٢٠٢٣ۍ، هێزەکاو پۆلیسی نەوجوانۍ تەمەن ١٤ ساڵان بەنامۍ ی.د. بڕفانا و ئەشکەنجەش مڎا. سەروو ئا ڕەفتەیە دۆسیە کریاوە و خولی چوارەموو دادگاییەکەی لوواڕاوە.
بنەیانەو ی.د. و پارێزنەرەکەشا مەهدی ئۆزدەمیر جە ئەرەنیشتەکەینە بەشداریشا کەرد. پۆلیسە تۆمەتبارەکۍ ئایکوت ئۆراڵ، ئیسماعیل ئاککوش، ئەمرە ئۆزجان، گۆکهان بای و خەیرەدین چاکماک چنی پارێزنەراشا جە ئەرەنیشتەکەینە ئاماڎۍ بێنۍ.
جە ئەرەنیشتەکەینە داواکاری گردین، بە تاوانەو " ئازادیی نەوجوانەکەی پاشێل کریان" و "زەرەر یاوان بە یانە و مەنزڵیش" سزاو ١٤ ساڵا و٦ مانگا سەروو تۆمەتبارارە سەپنا.
سەروو داواو پارێزنەروو تۆمەتبارەکا دادگا، وەختوو پۆرەرە لوایۆیش پەی وەختێوەتەری قبوڵ کەرد و ئەرەنیشتەکەیش پەی ٥و حوزەیرانی درێژ کەردۆ.
