بەپاو ئا زانیارییا کە جە سەرچەمە دلېینەکاوە دەسکۊتېنۍ، دەزگاو هەواڵگری دەوڵەتو تورکی (میت) جە دەگاو دادینای سەر بە مەنتیقەو ڕاجۆی کانتۆنو عەفرینی، کە جە ساڵەو ٢٠١٨یۊ ئەرەگیر کریان. ٢ دەگا نشینېشا بە نامەکا حەمید حەمید کێنجۆی و سەعید عەبدۆ عوسمان -یۊ بڕفانېنۍ.

حەرپاسە ھێزە میلیشیاکۍ دەوڵەتو تورکی بەنامۍ "پۆلیسی سەروازی" ۊ جە مەنتیقە ئەرەگیرکریاکانە، ڕۊو ٣١و تەمووزی جە دەگاو چۆلاقای سەر بە جندرێسی کەمال مەحیەدین (عمر ٢٢ ساڵ) و جە دەگاو ماراتی عومەر عەلی (عمر ٢٥ ساڵ)یشا ئەڕفېنۍ.

حەر بەپاو ئا زانیاریا، جە ۋەران ۋەر بە ئازاڎکەرڎەی ئا دۋە کەسەینە داواو ٧٠٠ دۆلارا فیدیەیشا جە خانەواڎەکەیشا کەرڎەن.

هـ . ش