دەوڵەتو تورکی دەگېوە ئامێدی بۊمبۋاران کەرۊ
دەوڵەتو تورکی ئەرەگیری دماو هجومەکەو ڕۊو یەکشەممەی جە گارە کە چنەشەنە ترۊمبېلېوە مەڎەنی کریا ئامانج، ئیجارە دەگېوە ئامێدیش تۆپۋاران کەرڎ.
هجومەکۍ دەوڵەتو تورکی ئەرەگیری جە پانیشتوو کوردسانی پۍ سەرو مەڎەنیەکا بۍ مرڎای و سەرەمڕە ۋەردەوامېنۍ. دماو ئانەی ڕۊو یەکشەممەی جە گارەنە هاموڵاتیېوە مەڎەنیش گەشمەرڎە کەرڎ، ئیجارە دەگاو گوهەرزی ئامێدیش تۆپۋاران کەرڎ.
گولـلە تۆپێوە سوپاو دەوڵەتو تورکی ۋەرو بانو یانەو هاموڵاتیېوە کۊتە و بە مەڵامەتشۊ زەرەرۍ فرە ۋەرو یانەکەی کۊت.
دەوڵەتو تورکی ئەرەگیری بە شێۋېوە سیستماتیک هجوم کەرۊ سەرو یاگۍ ئەرەنیشتەبیەی مەڎەنییەکا و تاوانەو جەنگی ئەنجام مڎۊ.
٦و ئابی جە دەگاو بلندباسای گارەی ترۊمبېلېوە مەڎەنی بۊمبۋاران کریا.
جە ئاکاموهجومەکەینە دەگانشینۍ بە نامۍ ئالان ئیسماعیلی گەشمەرڎە کریا، هاشم شاکریچ بە سەختی زامڎار بی.
هـ. ش
