دەوڵەتو تورکی کەسێوەتەرش جە عەفرینەنە بڕفانا
دەوڵەتو تورکی ئەرەگیری، کەسێوەتەرش بڕفانا، کە خەڵکو مەنتیقەو شەرای سەر بە عەفرینین.
سەرچەمېوە جە کانتۆنو عەفرینی ئەرەگیرکریایۊ ئەرەیاۋناش، هاموڵاتیېوە بە نامۍ "ڕەشید عەبدۆ داود"ی خەڵکو دەگاو دێرسوانی سەر بە مەنتیقەو شەراین، وەختۍ جە تورکیاوە گېڵانۊ پۍ دەگاکېش، چەتەکۍ تورکیای ئەڕفانشا.
ئا سەرچەمە ئانەیچش وستەن ڕووە، ڕەشیڎ وەڵۍ ئانەی گېڵۊوە پۍ دەگاکېش، پۍ ماوەو ٦ مانگا تورکیان گیریان.
دماو ئەرەگیرکەرڎەو کانتۆنو عەفرینی، جە لایەنو دەوڵەتو تورکی و گرووپە چەتەکاشۊ، ئەڕفای و بێسەروشۊنکەرڎەو ھاموڵاتیا کورڎی بیەن بە دیاردېوە ڕۋانە و ژمارېوە فرەشا چېرو ئەشکەنجەینە گیانشا جە دەسدان و بەشێوەیچشا جە ۋەران ۋەرو هۊرگېرتەی جزیەینە ئازاڎۍ کریېنۍ.
هـ . ش
