دووۍ کۆڵبەرۍ و کاسبکارۍ تەرۍ کورڎی بە تەقەو هێزەکا ئێرانی زامڎارۍ بیۍ
جە ئاکاموو تەقەو هێزە سەروازییەکا ئێرانی، دووۍ کۆڵبەرۍ و کاسبکارۍ کورڎی جە مەنتیقە سنووریەکا بانەینە زامڎارۍ بیۍ.
بەپاو هەواڵێوە جەمەو مافوو مرۆڤوو کورڎەسانی، ڕۊو دووەشەممەی جە مەنتیقە سنووری بڕوێشکانی جە بانەنە هێزەکاو دەوڵەتی تەقەشا جە جەمۍ جە هاموڵاتیا و کاسبکارا کەردەن و پا مەڵامەتۆ نەوید حەسەنی تەمەن ٢٢ ساڵ زامڎاربیەن.
هێزیچ جە مەنتیقە سنووری هەنگەژاڵەو بانەینە هێزەکاو دەوڵەتی تەقەشا جە جەمۍ جە کۆڵبەرا کەردەبۍ، پا مەڵامەتۆ کۆڵبەرێوە بە نامۍ رێبوار رەشیدی گوللێوە ۋەروو پایش کەوتێبۍ.
هەر هێزی وەڵاکریاوە جە مەنتیقەو سنووری نەوسوڎێنە جە پاڕێزگاو کرماشانی هێزەکاو دەوڵەتی تەقەشا جە ژمارێوە جە کۆڵبەرا کەردەن و پا مەڵامەتۆ کۆڵبەرێوە بە نامۍ ئەیوب محەمەدی کوشیا و شش کۆڵبەرۍ تەرۍ زامڎارۍ بیۍ.
