دیاردەو کۆچی؛ جە ١٠ ساڵی دماینە ١٤٨ هەزار کەسۍ کۆچشا کەرڎەن پەی ئۊروپای
جەمەو پەنابەرە گێڵیایۆکا ئۊروپای ئەرەیاۋناش جە ١٠ ساڵی ۋېیەردەنە جە گرڎو ناوچەكا پانیشتوو کوردەسانیوە ١٤٨ هەزارې و ٤٠٠ كەسې کە ئەغلبیەتشا جوانێنې، کۆچشا پەی ئۊروپای کەردەن.
جەمەو پەنابەرە گێڵیایۆکا ئۊروپای جە باڵەخانەو شارەوانی ڕانیەینە، بەمەڵامەتو ٧٤ ساڵەو ڕۊو جەهانی پەنابەراوە كۆنگرێوە ڕۆنامەنوویسیشا بینا. جە کۆنگرەکەنە پېوەس بە دیاردەو کۆچی و ژمارەو ئا کەساوە کە جە پانیشتوو کوردەسانیوە کۆچشا پەی وڵاتا ئۊروپای کەردەن زانیاریش وست ڕووە.
بەکر عەلی سەرۆکو جەمەو پەنابەرە گێڵیایۆکا ئەرەیاۋناش: جە ١٠ ساڵی ۋېیەردەنە جە گرڎو ناوچەكا پانیشتوو کوردەسانیوە ١٤٨ هەزارې و ٤٠٠ كەسې کۆچشا پەی ئۊروپای دلێشانە وڵاتو بەریتانیای کەردەن، کە ئەغلبیەتشا جوانێنې.
ئاماژەش پانەیچ کەرڎ، چا ماوەنە ٤١٤ کەسې بیێنۍ بە قوربانی و تا ئیساتۍ چڼین کەسېچ بێ سەر و شۊنێنې، پېسە جەمەکەیشا بەردەوام ئینۍ سۆراغو ئا کەسانە.
بەکر عەلی نیگەرانیش جە بارەو هەڵوێسو ئیدارەو پانیشتوو کوردەسانیوە پېوەس بە دیاردێوە کۆچبەری بەربڕی، ئانەیچش ئاشکرا کەرد، جە دە ساڵی ۋېیەردەنە ٣٣ هەزارۍ و ٨٠٠ کەسۍ جە سنوورو ئیدارەو ڕاپەڕینینە کۆچشا کەردەن و چانیشا ١١٢ کەسێشا بیێنۍ قوربانی.
