جە کۆپنهاگنو پایتەختو دانیمارکی جە چوارچێوەو پێشئامایەکا ئی دماییەو کوردەسانی و ۋەرکۊتوو مېیامینینە، بە سەرمەشقایەتی مېیانو گلېرگەو دیموکراتیکی کوردا دانیمارکی و ئەنجومەنو ژەنا سێڤێ دیدارو گەلی لواڕاوە. ڕۆنامەنوویسا، نوویسەرا، ڕامېیاریمەدارا و بەسەڎان کوردۍ ئاماڎۍ دیدرەکەی بێنۍ.

جە دیدارو گەلینە ڕامېیاریمەدار ئیدریس باڵوکەن بەشدار بۍ  و ئەرەیاۋناش، ڕابەر ئاپۆ ڕابەرێوەن کە متاوۆ بە سەرکۊتەیی ستراتیجێوە جابەجێ بکەرۆ کە سەرو مێزەو ئەرەنیشتەینە سەرکۊتەی بەدەسبارۆ و پا مەعنۍ ئاسایشو گەلەکەیش لاوە فرە گرنگا و پارېزنۆش.

باڵوکەن ئەرەیاۋناش، بە قۆناغێوە چارەنوویسسازەرە موېیەرا و واتش: "زیاتەر جە گرڎ کاتێ پەنەواز بە پەشتیوانی تەڤگەری ئازادیی کوردی و ڕامیاری کوردی و ڕابەر ئاپۆی هەن. جە پرۆسېوە چامنە پەڕ جە ریسکی و ۋەرپرسیارینە، پەنەوازا گرڎ کەسۍ بە شێوێوە چالاکانە بەشداری بکەرا و بە گرڎو هەرەکەتیشاوە پەی یاگەگیرکەردەی ئاشتی ئەوەکۊشای بکەرا."