دیمەنوو هجومەکا سوپاو تورکی ئەرەگیری بە چەکی کیمیاۋیی و بۆمبی ئەتۆمی تاکتیکی، وەڵاکریێوە، کە جە مېڎانوو مەتینای و هەڕێمەکاو پارێزنای مەدیاینە دژوو گەریلای بەکارئامێبێنۍ. چا هجومانە چوار گەریلۍ گەشمەرڎۍ بیێبێنۍ.
سوپاو تورکی ئەرەگیری گرڎ ڕووۍ تاوانێوە تازۍ جەنگی کەرۆ. دیمەنوو هجومەکا بە چەکی کیمیاۋیی و بۆمبی ئەتۆمی تاکتیکی وەڵۍ کریێوە، کە سوپاو تورکی ئەرەگیری جە مېڎانوو کەش و ئۆرتێینە جە هەڕێموو مەتینای دژوو گەریلای بەکارش ئاردێبێنۍ.
کاریگەری هجومەکا بە چەکی کیمیاۋیی و بۆمبی ئەتۆمی تاکتیکی پۍ سەروو سەنگەرەکاو مدرامانی، جە دیمەنەکەنە بەدی کریۆ.
چا هجومەنە ٤ گەریلۍ گەشمەرڎۍ بیۍ.
ناوەنڎوو ئەرەیاۋنای و چاپەمەنی هەپەگەی ١٨ و ٢٠/١١/ ٢٠٢٣ ێنە جە بارەو هجومەکاوە ئی زانیارییەشە ئەرەیاۋنابۍ:"١٤، ١٥ و ١٦/١١/٢٠٢٣ جە مېڎانوو مدرامانوو کەش و ئۆرتێنە جە هەرێموو مەتینای سەنگەرەکۍ جەنگیما ٤١ جارۍ بە تەقەمەنی قەڎەغەکریا و گازی کیمیاۋیی بۆردومان کریۍ. حەرپاسە جارێوە بە بۆمبی ئەتۆمی تاکتیکی بۆردومان کریۍ.
١٨/١/٢٠٢٣ جە مېڎانوو مدرامانوو کەش و ئۆرتێنە جە هەرێموو مەتینای، سەنگەرەکۍ جەنگیما دووۍ جارۍ بە تەقەمەنی قەڎەغەکریا و گازی کیمیاۋیی بۆردومان کریۍ".
