پیلانگێڵنیی میاننەتەوەیی سەر ڕابەروو گەلوو کوردی عەبدوڵا ئۆجالانی ٩ شوباتوو ١٩٩٨ دەسش پەنە کەرد و ٢٥ ساڵێش ویەرنا. پیلانگێڵنیی میاننەتەوەیی سەروو ڕابەروو گەلوو کوردی عەبدوڵا ئۆجالانی چند شارێوە سەرنیشت و وەرکەوتوو سوریاینە شەرمەزار کریا.

کۆبانێ

کۆنگرەو ستاری و یۆبییەی ژەنە گەنجاو مەنتێقەو قینۍ ڕاشا پیما.

ئەندامەو کۆنگرەو ستاری فەتوم عوسۆ، واتش: " وەختۍ پیلانیشا دژوو ڕابەر ئاپۆی گێڵنا، واتشا ئێمە کوردی دلێنە بەرمێ. ئی پیلانگێڵنییە دژوو ڕابەر ئاپۆی لاو دەوڵەتە دەسەڵاتداراوە کریا. ئا وەخت واچێنۍ پێسە چەنی دۆڵەو زیلانینە و جەنگوو دێرسیمینە ئەرمەنۍ و سریانەکێما دلێنە بەردێ، چی سەدەیچنە کوردی دلێنە بەرمێ. وەلێم بەپێچەوانەوە پارتەکەما ڕابەرایەتیی پارتێوە قەوەتی و مدرامانێوە گەورەیش کەرد".

ئاخرۆ فەتومە واتش: " ئێمە هێزما جە ڕابەر عەبدوڵا ئۆجالانیوە ورگێرتەن، ئەرەمەنەی و فەلسەفەما جە لە ڕابەر ئاپۆیۆ ورگێرتەن، هەمیشە کۆشیای گەورە کەرمۍ تا ئازاڎیی ڕابەر ئاپۆی مسۆگەر کەرمێ".

عەین عیسا

 عەین عیسانە پەیەدە سیمینارێوەش کەرد.

هامسەرۆکەو پەیەدەی گرێ‌سپی-ینە بێریڤان ئیسماعیلە واتش: "تێگەو ڕابەرێتی دووروستەیوە تێگەو ستەمی و گێڵنایۆ نەریتوو ڕەسەنیی واڵەوبرایی و فرەیی گەلان. جە سایۍ ئادینە و جە ڕاو تەڤگەروو ئازاڎیی کوردستانیوە، پڕۆسەو ڕزگاریی فیکری دەسش پەنە کەرد".

هەرپاسە مەجلیسوو کانتۆنوو گرێ‌سپی-ینە هەمان سیمینارشا کەمپەکاو کۆچبەراو گرێ‌سپی-ینە کەرد.

قامیشلۆ

مەجلیسوو مەنتێقەو تربەسپی- بە هەمان مەبەس سیمینارێوەش ڕێک وست.

بەنامۍ مەجلیسوو تربەسپییوە، حوسێن عومەر واتش: "دەوڵەتی ئەرەگیرکەروو تورکی گەرەکش بۍ جە ڕاو کەسێتیی ڕابەر عەبدوڵا ئۆجالانیوە تەڤگەروو ئازاڎیی دلێنە بەرۆ. وەلۍ جە سایۍ فیکر و فەلسەفەو ڕابەر ئۆجالانینە ئارۆ سەروو پایاوە مردێنمێ".

دمایی سینڤزیۆنێوە سەروو پیلانگێڵنی میاننەتەوەیی و مدرامانوو ڕابەروو گەلوو کوردی عەبدوڵا ئۆجالانی نیشانە دریا.

چا چوارچوەنە کۆنگرەو ستاری مەنتێقەو تربەسپیینە بە ئەرەیاوناێوە پیلانگێڵنییش شەرمەزار کەرد.

هەرپاسە ڕێکوزیا مەدەنییەکاو مەنتێقەکەی دەسشیان بە چالاکیی وانایوە کتێبوو ڕابەروو گەلوو کوردی عەبدوڵا ئۆجالانی کەرد. چالاکییەکە تا ٨ ئاداری بەرڎەوام بۆ.

مەنبەج

هەرپاسە مەنبەجنە ڕاپیماێوە بە بەشداریی ئەرەنیشتا و ڕێکوزیا و ئەرەمەرزیایەکا کریا.

ئەنداموو تەڤگەروو گەنجە شۆڕشگێڵنا، حەسەن ئەل بەگاری واتش پەی ئازاڎیی ڕابەروو گەلوو کوردی عەبدوڵا ئۆجالانی کوۍ بیێنێوە و و واتش: "بە جیهانی ماچمێ، ئێمە دیوارەکاو ئیمراڵی ماڕمۍ و ڕابەر ئاپۆی ئازاڎ کەرمێ".

تەبقە

لە ناوەندوو چاند و هونەروو شارەکڵەو جەرنیەینە نیشانگاێوە کریاوە، دلێشنە و کتێبەکاو ڕابەروو گەلوو کوردی عەبدوڵا ئۆجالانی نیشانە دریێ.

ئەنداموو ڕاوەبەریی یۆبییەی ژەنە گەنجا، ڕەوزە ئەل عەلییە واتش: "پیلانگێڵنی ڕەت کەرمێوە، حەرچی پێویس کەرۆ کەرمێش پەی ئازاڎیی ڕابەر ئاپۆی. تا ئازاڎیی جەسەیی ڕابەری، ئێمە سەروو وەعدەکەیما بەرڎەوامێنمێ".

شەهبا

مەجلیسوو داڎوو عەفرینی و شەهبای پەی شەرمەزارکەرڎەی پیلانگێڵنیی میاننەتەوەیی و گۆشەگیریی ڕابەروو گەلوو کوردی عەبدوڵا ئۆجالانی کۆبییەیوێوەش دەگاو تەل سوسنینە کەرد.

کۆبییەویەوکەینە بێدەنگیی ڕێکوزیایەکاو مافوو ئینسانی و گلێرگەی میاننەتەوەیی وەراوەروو گۆشەگیریی سەروو ڕابەروو گەلوو کوردی عەبدوڵا ئۆجالانی شەرمەزار کریا.