سیلا فەراشینە (حەمدیە تەکبوداک)ە جە دەگاو خاڤشتانی مەنتیقەو کەشو وانی جە خانەواڎە و دەوروبەرېۋە ۋڵاڎپارێز بە هۆگرو رەسەنایەتی و کولتورو گەلەکەیشا جە ئەڎۍ بیېنە. سیلا فەراشینە حەر جە زارۊڵەیۊ جمیەری ئازاڎیی و ڕابەرو گەلوو کورڎی عەبدوڵا ئۆجالانیش ئشناسا. سیلا فەراشینە کە رۊ دماو ڕۊی وەشەۋیسیەکەش پۍ گەریلای زیاتەر بۍ، ساڵەو ٢٠١٠ ی مەجالو ئامای دی وەرمەکەیش پۍ رەخسیا و جە بۊتانۊ بەشڎاریش جە ریزەکا گەریلاینە کەرڎ. سیلا فەراشینە کە جە بۆتانۊ دەس بە ڕاپیمای درێژ مەوڎاو ئازاڎیی کەرۊ، جە ژیای گەریلایەتینە پەیوەنڎییە هامڕاییەکېش سەرو بنەماو ۋەشەویسی و رێزگرتەی کاریگەریش سەر منیۊرە و جە تەمامو ژیۋایشەنە ئا پەیوەنڎییە هامڕاییا پۍ ۋېش بە ئەساس گېرۊ.

بە پێچەوانەو ئا دەورەی کە گلېرگە بە ژەنېش بەخشان و ئا شکڵەو ژیای کە سەرشەرە سەپنانش، ئاڎە پەکەکەی ۋینۊ کە ژەنی دلېشەنە سەرجەنۊ ۋېشا بنیاڎ منیاۋە، پۍ ئانەی لایەقەو ئا ژیایە بۊ قەرار مڎۊ کە جە گرڎ ڕۋانگېۋە ۋېش ۋەڵۍ وزۊ. سیلا فەراشینە زوو فێرەو ژیای گەریلایەتی بۊ و میاۋۊ بە ئاستێوە بەرزی سەروازی.

سیلا فەراشینە درک پانەی کەرۊ کە جە گەریلایەتی پرۆفیشناڵەنە تەنیا ۋەڵۍ کۊتەی جە رووی سەروازییوە ۋەسۍ نییا، پۊکاتی جە روو ئایدۆلۆژیکیوە ۋېش وەڵۍ وزۊ. سەرو ئا بنەمۍ جە ساڵەو ٢٠١٤ینە بەشڎارەو پەروەردەو ئەکادیمیاو ژەنۍ ئازاڎیی گەشمەرڎە بێریتانۍ بۊ. سیلا فەراشینە جە ڕاو ئا پەروەردەیۊی کە ۋینانش، زیاتەر سەرو خەتەو ژەنۍ ئازاڎۍ قووڵە بۊۋە، دماو تەمام بیەو مەرحەلەو پەروەردەی بۊ بە گەریلېۋە پرۆفیشناڵەو یەژاستاری.

بەشڎاری جە چنڎین چالاکیۍ بەقوەتېنە کەرۊ

جە گرڎ ۋڵاتێنە چنڎین سوپۍ سەروازیۍ هەنۍ. گرڎیچشا چەکڎارۍ و جەنگ کەرېنۍ. بەڵام جە تاریخو گرڎو جەنگەکانە تەنیا یەک سوپا هەنە کە پەی تەمامو مرۆڤایەتی ئەرەکۊشۊ، ئاڎیچ سوپاو ژیای ئازاڎی ڕابەر ئاپۆین. وەختۍ حەر کەسۍ پۍ ئاڵێۋە، نەتەۋېوە و گەلێوە کۊشیۊ، پەکەکە پەی تەمامو گەلا جەهانی ئەرەکۊشۊ. ئا تایبەڎمەندیەو پەکەکەی کاریگەری فرەش سەرو سیلا فەراشینۍ نیارە. پۍ ئاڎۍ ژیای تەنیا هەناسە دای نەبۍ. لاو سیلا فەراشینېۋە ژیای بە ماناو شکۆمەنڎی، ئازاڎی، هەڤاڵیەتی راسەقینە و ئاشتییا. پېسە گرڎو کادرەکا جمیەری ئازاڎیی، سیلا فەراشینەیچ پۍ هۊرچنیەو وشۍ پۍ گېڵنایۊ هەڤاڵێتی دلۍ پەکەکەی ۋەرەن ڕوو سەختی بۊوە و بە پوختی پی جۊرە ماچۊ، 'هامڕا گۊرەکام'. سیلا فەراشینە بە بەشڎاربیەی بەقوەتو و سەرمەشقانەو ۋېش جە ژیاینە، جە گرڎو مېڎانەکانە کە چنەشەنە بەشدارەبیېنە، بە بەقوەتی پەشتیوانیش جە ۋەڵۍ وستەی سەروازی و بیردۆزو هامڕایاش کەرڎەن.

سیلا فەراشینە کە سازشش سەرو خەتەو ژەنۍ ئازاڎۍ نەکەرڎ و پەی ئارڎەی دی پرەنسیپەکاش دلۍ کۊشیاینە بۍ، بۊ بە فەرمانڎېۋە یەژاستاری سەرو رێبازو زیلانۍ و ملۊ پۍ مېڎانو بۆتانی. سیلا فەراشینە جە ماوەو مەنەیۊیشەنە جە بۆتان بە نزیکەی تەمامو مەنتیقەکا کار و خەباتی ڕاۋەبەرکەرۍ، جە فرەو چالاکیەکانە گورزۍ قورسېش ئەو ئەرەگیرا ئەشۍ و دەورو سەرمەشقیش گېڵنا.

سیلا فەراشینە کە جە بۆتان فەرمانڎۍ تیمە گېڵاکا یەژا ستاری بۍ، بە هەڵۋێسەکاش جە جەنگ و ژیاینە بیە بە یۊ جە نوێنەرە دیارەکا ژەنە قارەمانەکا بۆتانی. بە ورېۋە بەرزۊ بەشڎاریش جە گرڎ هەڵمەتېۋەنە کەرڎ. جە ٢١و کانونو دوۋەمو ٢٠٢٣ېنە چنێ چۋار هامڕایا ۋېش چېرو فەرمانڎەیی رۆژبین دێرسیم-ېنە دژ بە هجومە ئەرەگیریەکا دەوڵەتو تورکی پۍ سەرو هەرێمو بەستای مدرامانۍ گۊرەشا کەرڎ. سیلا فەراشینە و هەڤاڵەکېش جە ٢٢ۍ کانونو دۋەمینە بە چالاکی نیشانەگېرتەی جە جاشېۋەشا دا بە نامۍ نیعمەت ئەنجوی گورزۍ گۊرېشا ئەو دوژمنی ئەشا. سیلا فەراشینە تا دما هەناسەش ۋەران ۋەر بە دوژمنی ئەرەگیری جەنگش کەرڎ و چنی رۆژبین دێرسیمۍ، دەلیلا گۆییۍ، نودا ئارینۍ و دیرۆک سەرحەدی جە ٢٢ۍ کانونو دۋەمینە لۋۍ قافڵەو گەشمەرڎاۋە.

هـ . ش