بە هەزارا کەسێ جە ئەرەنیشتا کانتۆنو فراتی پەی شەرمەزارکەردەو هرووژمەکا دۆڵەتو تورکی و چەتەکێش سەرو بەنداو تشرینی و بە ئامانجو گێرتەی کارەوانەکا گەلی مچیێ مەیانەکە.
بە ڕاپیمێوە جەماوەری وەرفراوان هەزارا کەسێ جە ئەرەنیشتا کانتۆنو فراتی پەی شەرمەزارکەردەو هرووژمەکا دۆڵەتو تورکی و چەتەکێش سەرو بەنداو تشرینی و بە ئامانجو گێرتەو کارەوانەکا گەلی مچیێ مەیانەکا. ڕاپیماکەی جە مەیانو ژەنی ئازادە بە بەرزکەردەیۆ درووشمەکا "مڏرامان ژیواین"، "بژیو مڏرامانو قەسەدە" یو "حەق زانایۆ قەولمانە" دەسش پنە کەرد و تا مەیانو گەشمەرڏە عەگید بەردەوام بێ.
جە ڕاپیماکەینە ئاڵێکێ قەسەدەی و یەپەژەی بەرزکریێوە و ژەنی بە هۆرگێرتەو لافیتەکا 'مڏرامانو گەلو وەرنیشتی هرووژمەکا ماڕانە' سەرمەشقایەتی ڕاپیماکەیشا کەرد.
جە مەیانەکەنە دماو مدراو دەقێوە پەی گەشمەرڏا ڕاو ڕزگاری، یاگەگیرو هامسەرۆکو ئەنجومەنو جێبەجێکارو کانتۆنی فراتی، مزگین خەلیل قسێش کەردێ و سەرەتاو قسەکاشا بە شەرمەزارکەردەو هرووژمە ئەرەگیرەکا دۆڵەتو تورکی و چەتەکاش پەی سەرو بەنداو تشرینی و کارەوانەکا گەلی دەسش پنە کەرد و واتش: "تاوانەو جەنگی و کۆمکوژی ئەنجام مڏریۆنە. ئی وەرو بە چەمو گرڏو جەهانیۆ ئەنجام دریانە، بەڵام گەل بەوپەڕو مۆراڵی بەرزییۆ بەردەوامێنێ سەرو مڏرامانو ئازادی وێشا و هرووژمەکێ دۆڵەتو تورکی بەتاڵکەراوە."
بانگەواز پەی پشتیوانی جەنگاوەرا
جە قسەکاشەنە مزگینە بانگەوازش جە گرڏی کەرد شان بە شانو جەنگاوەرا جە ئەوەکۆشاینە با و واتش: "مشۆم گەلەکەما خاوەنداری جە هێزو وێسا کەرانە، جەوەراوەرو هرووژمە ئەرەگیرییەکانە با ڕاگیرێ و گرڏ کاتێ بە هێزو وێماوە وڵاتما جە ئەرەگیری پارێزنمێ."
ڕاپیماکەی بە واتەیۆ درووشمەکا دمایش ئام.
