لوقمان گۊرگون تاتەو هەشت زارۊڵان، کە بە تۊمەتو 'ئەنڎامبیەی جە جمیەرو پەکەکەینە و جەنازەو واڵەزاکەیش گەریلاو هەپەگەی موسا قارەمان (چیاگەر) جە دەگاو جناتانی جە مەنتیقەو ئۊمەریانو مێردینی جە لایەن و سەروازەکا دۊڵەتو ترکیۊ گەشمەرڎۍ کریێبێنۍ، خانەۋاڎەکېشا پۍ ھورگېرتەیۊ جەنازەکاشا دەسشا بە حەوڵەکاشا کەرڎ. جەنازەکۍ ھېزی شەوۍ دێرۍ دماو ۋشکنای لاشەکاشا جە نەۋەشخانەو فێرکەرڎەو مێردینی ورگیریێۋە و بە ئیسعاف بەرڎێشاۋە پۍ جناتانی.

جەنازەکۍ گۊرگونی و قارەمانی دماو جابەجێکەرڎەو ئەرکە دینیەکا جە دارەمەیتەنە وزیۍ سەرو شانی و بەرەو قەبرسان بریۍ و بە دروشمو "گەشمەرڎۍ مەمرا" ئەسپەرڎە بە خاکیشا کەرڎۍ. دماو ئەسپەرڎەکەرڎەیشا ئەرەیاۋیا، جە دەگاکېنە پەرسە پۍ گۊرگونی و قارەمانی منریۊرە.

هامۋەخت پارێزنەرەکۍ گۊرگونی و قارەمانی بە گومانەو ئانەی بۍ مەڵامەت جە لایەنو سوپاو تورکیەیۊ گەشمەرڎۍ کریێبا جە لقو جەمەو مافەکا مرۊڤی (ئیهەدە)ی و جەمەو پارێزنەرا ئازاڎیی (ئۊهەدە)ی جە مێردین دەعواشا تۊمارە کەرڎە.

ھ.ش