گەریلاو یەژا ستاری بەرفین کۆبانێ واتش، پېسە گەریلاو ژەنۍ، بە فیکر و فەلسەفە و ئایدۆلۆژیاو ڕابەرایەتی مژیومۍ، پیلانگێڵنای میان نەتەوەیی بە تەمامی دلێنەبەرمۍ و گۆشەگیری ماڕمۍ.

گەریلاکۍ سەبارەڎ بە پیلانگێڵنای میان دەوڵەتی و گۆشەگیری پۍ ئاژانسوو هەواڵی فوراتی (ANF) ی قسێشا کەردۍ.

گەریلاو هەپەگەی دیجوار سیزیر دەسنیشانش کەرد کە، ١٥و شوباتی ڕووێوە سیاوا پۍ خەڵکوو کوردسانی و ئاڎێچ دژژ گژیا. دیجوار سیزر واتش، هێزە دەسەڵاڎدارەکۍ گەرەکشانە جە چوار دیوارێنە ڕا جە وەڵابیەیۆ فکروو ڕابەروو گەلوو کوردی گێرا و ئەرەیاۋناش، "پېسە گەریلاکاو ئازاڎیی کوردسانی، ڕەنگە ڕابەر ئاپۆ جە ڕوو جەسڎەییوە چنیما نەبۆ، بەڵام بە ڕۆح ، ویرکەردەیۆ و ئایدۆلۆژیا هەمیشە ئینا چنیما". ئێمە جە مەتینا، ئاڤاشین، زاپ، حەفتانین و خواکورک بە ڕۆحوو ڕابەر ئاپۆی جەنگ کەرمۍ، ئازاڎیی جەسڎەیی ڕابەر ئاپۆی بەدەس مارمۍ."

فکروو ڕامانەکێش جە سەرانسەروو جەهانینە وەڵۍ بیێنێوە

گەریلا سەردەم ئامانۆس دەسنیشانش کەرد کە پارادایموو ڕابەروو گەلوو کوردی عەبدوڵڵا ئۆجالانی پۍ گەلی و مرۆڤایەتیا و واتش، "ڕەنگە ڕابەر ئاپۆ جە ڕوو جەسڎەییوە گیریا بۆ، بەڵام فکروو ڕامانەکێش ئارۆ گرڎوو جەهانیرە وەڵۍ بیێنێوە، ڕابەر ئاپۆ سەرمەشقوو  چێردەساو گردیمانە". بەمەڵامەتوو هەڵوێسەکەیشۊ بۍ بی بە ئامانجوو هێزە میان دەوڵەتییەکا، حۆڵەکێما پۍ شکسپنەئاردەو ئا پیلانگێڵنییەینۍ کە پایۍ وزۆ ساڵەو ٢٥ەمینیۆ. ئاڎیچ جە ڕاو دمایی ئاردەی بە گرتەی ڕابەر ئاپۊی بۊ، کۊشیای گەریلای نیشانەش مڎۆ کە ئینە فرە دوور نیا. "

پەرە بە کۊشیای مڎەیمۍ و گۆشەگیری ماڕمۍ

گەریلۍ یەژاستاری بەرفین کۆبانێچ واتش، "پێسە گەریلایۍ یەژاستاری ماچوو؛ تا ئا وەختەی تەنیا یەک گەریلای ژەنی مەنۆ، تا گەلوو کوردی مەنۆ ئەندێشە و فەلسەفەو رابەر ئاپۆی مەنۆ. یەرۍ ساڵێن بە حیچ نەوعۍ خەبەرما جە رابەر ئاپۆی نییا. گەرەکشانە کە نازا دەنگوو رابەرایەتی بیاوۆ بە ئێمە. دەوڵەتا دەسەڵاڎداری و هەژمونگەرای هەڵای چا راسیە نەیاوێنێنە؛ ئێمە پېسە هێزەکاو گەریلای و ژەنە گەریلاکا بە فەلسەفە و ئایدۆلۆژیاو رابەرایەتیەوە مژیومۍ. ئێمە ویستما هەن و پا گیرینمۍ؛ بە کۊشیای و حۊڵەکاما ئا پیلانگێڵنیەیە هۊرشێونمێوە. پەرە بە کۊشیایما مڎەیمۍ و ئا گۆشەگیرییە ماڕمۍ".