پارتو ئازادی 'پەڤەڤە' ی کە وایڵدەر سەرۆکایەتیش مکەرۆ ئەرەیاوناش بەمەڵامەتو ناکۆکییەکا پەیوەس بە  سیاسەتو پەنابەریی و کۆچبەریی جە وڵاتەکەشەنە جە حکومەتی کیشیۆوە، با مەڵەمەتۆ وڵاتەکەش رووبەڕوو هورچنیێوە وەڵێ وەخەتی بۆوە.

وایڵدەرس جە هەژمارو وێشەنە سەر و دیجیتاڵ میدیایی ئێکسی پەیامێوەش وەڵاکەردۆ و ئەرەیاوناش، "پلانەکێما سەبارەت بە یاساو پەنابەریی هەرمانەشا پنە مەکریۆ، پەڤەڤە جە حکومەتی کیشیۆوە."

وایڵدەرس سەبارەت بە سیاسەتو پەنابەرێتی جە وڵاتەکەشەنە پلانە و بەرکەردەو چن یاسێوە تنی بێ، کە جە ١٠ خاڵا پێکئامابێ، دای پنە و مافو پەنابەرێتی بەتەمامەتی مدریۆ، کەردەیۆ مییانی تازەی پەنابەرێتی مدریۆنە و خانەوادەکێ جە یۆتری جیا کریاوە.

وایڵدەرس یەکشەممەی ویەردە ئەرەیاونابێش ئەر لانیکەم شش خاڵێ جە داواکارییەکا جابەجێ نەکریانە، پارتەکەش جە هامپەیمانی پەی پێکئاردە و حکومەتی کیشیۆوە.