گەشمەرداو مدرامانوو ١٤و تەمووزی ئانتوەرپنە یادێ کریێوە
بە سەرمەشقایەتیی تەڤگەروو گەنجە شۆڕشگێڵنا (تەجەشە)ی شاروو ئانتوەرپوو بەلجیکاینە بە چالاکیێوە گەشمەرداو ١٤و تەمووزی یادێ کریێوە.
چالاکیی یادکەردەیوەکەی بە دەیەقێوە ڕێزنییای وەنەو گەشمەردا دەسش پەنە کەرد. دمایی بە نامێ کۆمسیۆنوو بنەیانەو گەشمەرداوە، ئەداو گەشمەردە سوڵتانی هۆنیێوەش سەروو گەشمەرداو ١٤و تەمووزیەرە وەناوە.
جە چالاکییەکەنە نویسەر فواد کاڤ باسوو قۆناغەکاو زیندانوو ئامەدیش کەرد. مدرامانوو ڕۆچێ مەردەی گەورەیش هورسەنگنا و سەرنجەش وستە سەروو گرنگیی کۆشیای دژوو دەوڵەتی ئەرەگیرکەروو تورکی.
دماتەر ڕەمزی کارتال هامسەرۆکوو کۆنگرەو گەلی دەربارەو کودەتای فاشیستیی ١٩٨٠ دوا و ئاماژەش پانەیە دا، کودەتاکە بە پلانسازیی ناتۆی بێ و بەتایبەت دژوو تەڤگەروو ئازادیی بێ.
درێژەو قسەکاشەنە ڕەمزی کارتال ئاماژەش پانەیە دا کۆشیای ئازادی خەتەی سوورەو گەلوو کوردینە و واتش: "دەوڵەتوو تورکی گردوو بنەماکاو وێش سەروو نکۆڵیکەردەی و دلێنەبەردەی کوردی بونیات نیان، کودەتاو ١٢و ئەیلولیچش پی ئامانجەوە وەش کەرد."
ئاخروو قسەکاشنە ڕەمزی کارتال ئاماژەش بە دەوروو گەنجا کەرد و واتش: "پێویسا ژەنی و گەنجێ فرە خاس وێشا ڕێک بوزانە پەی ئەرەمەرزنای مۆدێرنێتەی دیموکراتیکی."
چالاکیەکەنە بەڵگەفیلمێو دەربارەو گەشمەرداو ١٤و تەمووزی نمایش کریا و چالاکییەکە بە دروشمەکاو "بژیوۆ سەرۆک ئاپۆ"ی و "گەشمەردێ نمەمرا" دماییش ئاما.
