هامسەرۊکاو شارەوانیی ئاکدەنیزی زینانیۍ کریۍ و قەیوم یاگېشانە نریارە
دماو ئانەی هامسەرۊکاو شارەوانی ئاکدەنیزی مێرسین هۊشییار سارییەڵدز و نوریە ئاسلانە کە شەوەی ۋېیەردۍ قەرارو زینانیکەرڎەیشا پەی بەرشی، ئارۊ قەیوم یاگېشانە نریارە.
هامسەرۊکاو شارەوانی ئاکدەنیزی مێرسین هۊشییار سارییەڵدز و نوریە ئاسلانە کە جە ١٠و کانونو دوەمیوە جە هۊرکوای سەرو یانەکاشانە باڵبەسۍ کریێبېنۍ، هېزی بریۍ ۋەردەمو دادوەری و دماتەر ئەمرەو زینانیکەرڎەیشا پەی بەرشی. شالیارو دلېینەی ئەرەیاۋناش، کە قەیوم پەی شارەوانی ئاکدەنیزی نریانەرە.
شالېیارو دلېینەو دۆڵەتو تورکی ئانەیچش وست ڕوە کە قائیمقامو ئاکدەنیزی زەید شەنەر پېسە قەیومی هەرمانەکا شارەوانی ئاکدەنیزی ڕاوەبەر مکەرۊ. هەرپاسە جە ئەرەیاۋناکەینە ئانەیچ وزیان ڕوە کە یەرۍ ئەندامۍ ئەنجومەنو شارەوانیچ جە ئەرکەکەیشا لادریێنۍ.
