مدرامانو گه‌ریلای دژ بە هجومە ئەرەگیریەکا بۍ مرڎای و سەرەمڕە ۋەردەواما. هه‌په‌گه‌یچ ئەرەیاۋناش، جە چالاكییه‌كانە گورزە جە دۋۍ هه‌لیكۆپته‌را سكۆرسكی شنیا و ٤ ئەرەگیرېچ سزادریۍ، حەرپاسە سیستمێۋە كامێرەی چەمڎاری و كۆگېۋە تەقەمەنیچ دلېنەبریا.
ناوه‌نڎو یاۋنەری و چاپه‌مه‌نی هه‌په‌گەی ئەرەیاۋنېوەش جەبارەو هجومە ئەرەگیریەکا ده‌وڵه‌تو توركی و چالاكییه‌كا گه‌ریلای ۋەڵاکەرڎۊ.
جە یاۋنەریەکەنە ئامان، "هێزه‌كېما جە مېڎانو کەشو جودی به سەرمەشقی تیمه گېڵیارەکاما، به تاكتیكی جەنگی، گورزەشا جە سوپاو توركی ئەرەگیری ئەشا. شه‌ۋەو ٢٤ سەرو ٢٥و ته‌مووزی، سوپاو توركی ئەرەگیری ده‌یان کەرەتۍ جە زه‌مین و ئاسمانۊ بۊمبۋارانو مېڎانو کەشو جودی و هه‌رێمو گەشمەرڎە ده‌لیلو ۋەرنیشتوو زاپیش کەرڎ. دماو ئا بۊمبۋارانە قورسەیە حۊڵشدا كه به هه‌لیكۆپته‌ر هێزه‌كاش جە مەنتیقە جیاجیاكا مېڎانو مدرامانو کەشو جودینە بنە وزۊ".
جە به‌شێۋەتەرو ئەرەیاۋناکەو هه‌په‌گه‌ینە ئامان، هێزه‌كېما به ورېۋە به‌رزۊ، ١٩ کەرەتۍ چا هه‌لیكۆپته‌را ئامۍ ده‌سۍ و گورزەشا جە دۋۍ هه‌لیكۆپته‌را سكۆرسكی ئەشا. جە ئاکامو چالاكی هێزه‌كامانە، ٤ ئەرەگیرۍ سزادریۍ، ئەرەگیرېۋەیچ زامڎار بی. هاموەخت سیستمێۋە كامێرەی چەمڎاری و كۆگېۋە تەقەمەنیچ دلېنە بریا.
هه‌په‌گه زانیاری وردش جەبارەو چالاکییەکا هێزەکا گەریلای و هجومەکا سوپاو توركی ئەرەگیری پی جۊرە وستەن ڕووە:
جە هه‌رێمو گەڤەری،
٢٤و تەمووزی، سەعاڎ ٠٦:٠٠ سوپاو توركی ئەرەگیری جە مېڎانەکا پاگۍ، تلۆرای و توچه‌یانی گەڤەری دەسشا به ئه‌نجامدای ئۆپەراسیۆنېوە کەرڎ. ئا ئۆپەراسیۆنە هەڵای ۋەردەواما.
جە هه‌رێمو گەشمەرڎە ده‌لیل و ۋەرنیشتوو زاپی،
٢٤و تەمووزی جە مابەینو سەعاڎ ٠١:٢٠ پۍ ٠١:٥٠، دەیەقا چوار کەرەتۍ بە چەکی قورس هېزەکېما جە هه‌لیكۆپته‌ره‌كا ئامۍ ده‌سۍ، کە حۊڵدېنۍ هێزەکاشا جە مېڎانو مدرامانو کەشو جودینە بنە پنەوزا. گورزەشا جە هه‌لیکۆپتەرێوە جۆرو سکۆرسکی ئەشا و به‌بۍ ئانەی بتاۋۊ هێزه‌كاشا جە مېڎانەکەنە بنە پنەوزۊ، ناچار بی مەنتیقەکەی جیابازۊ.
٢٤و تەمووزی، سەعاڎ ٠٦:٠٠ جە مېڎانو مدرامانو کەشو جودی گورزە جە ئەرەگیرا شنیا و جموجوڵو ئەرەگیرا مرڎا.
٢٤و تەمووزی، سەعاڎ ١٠:١٠ دەیەقۍ جە مېڎانو مدرامانو کەشو جودی، تیمە گېڵیارەکېما جە یه‌ژاستاری به چالاكی نیشانەماڕۍ جە ئەرەگیراشا دا، كه حۊڵدېنۍ چەمڎاری و وشکنای جە مەنتیقەکەنە کەرا. جە ئاکامەنە ٢ ئەرەگیرۍ سزادریۍ. هاموەخت سیستمێوە کامێرەی چەمڎاری و كۆگېوە تەقەمەنیچ دلېنەبریا. ٢٤و تەموزی سەعاڎ ١٤:١٠ دەیەقۍ جە دژوو ئا ئەرەگیرا کە حۊلدېنۍ جە مېڎانو مدرامانو کەشو جودینە بنە وزا، چالاكیېۋە نیشانەماڕۍ ئەنجامدریا و جە ئاکامەنە ئەرەگیرېۋە سزا دریا.
٢٤و تەموزی سەعاڎ ١٩:٣٠ دەیەقۍ جە مېڎانو مدرامانو کەشو جودی بە چەکی نیمچە ئۆتۆماتیک، خێمېوە ئەرەگیرا كریانە ئامانج. جە ئاکامەنە ئەرەگیرۍ سزادریا و ئەرەگیرېۋەیچ زامڎار بی.
٢٥و تەموزی، جە سەعاڎ ٠٠: ١٥ پۍ ٠٣:٠٠، سوپاو توركی ئەرەگیری حۊڵشادا جە ڕاو هەلیکۆپتەریۊ هێزەکاشا جە مېڎانو مدرامانو کەشو جودینە بنەپنە وزۊ. هێزەکېما ١٥ جارۍ چا هەلیکۆپتەرا ئامۍ ده‌سو، گورزەشا جە کۆپتەرێوە سکۆرسکی شانا و كۆپته‌ره‌كه بەبۍ ئانەی بتاۋۊ هێزەکاشا وەزنۊرە ناچار بی مېڎانەکەی جیابازۊ.
هجومەکۍ سوپاو توركی ئەرەگیری
٢٤ و ٢٥و تەمووزینە، ١١ جارۍ مېڎانو مدرامانو کەشو جودی جە هه‌رێمو گەشمەرڎە ده‌لیلو ۋەرنیشتوو زاپی، و ١٠ جارۍ مېڎانو مدرامانو کەشو ئامێدی و ٦ جارۍ مېڎانو مدرامانو کەشو وەهاری، جارێوەیچ مېڎانو مدرامانو کەشو هەکاری جە مەتینا به گرڎی ٢٨ جارۍ به فرۆكه‌ی جەنگی بۊمبۋاران کریۍ.
٢٥و تەمووزی مېڎانو مدرامانو کەشو جودی جە هه‌رێمو گەشمەرڎە ده‌لیلو ۋەرنیشتوو زاپی ١٧ جارۍ بە هه‌لیکۆپتەری هجومکەر بۊمبۋاران کریا.
٢٤و تەمووزی سەعاڎ ١٦:٢٠ دەیەقۍ مېڎانو مدرامانو کەشو ئۆرتۍ جارێوە جە لایەنو فڕۆکېوە بێفڕۆکەوانو سوپاو توركی ئەرەگیریۊ بۊمبۋاران کریا.
هه‌رێمه‌كۍ زاپی، گەشمەرڎە ده‌لیلو ۋەرنیشتوو زاپی و مه‌تینای دەیان جارۍ تۆپبۋران کریۍ.
هـ . ش
