هێلسینکی پایتەختوو فینلەنداینە، نوێنەراو پارت و رێکوزیاکا ۋەرکەوتوو کوردسانی کوۍ بیێوە و دماو ڕاپیمای گلېرۆبیەیێشا سازکەرد.

جەماوەرەکە جە مېڎانوو سێناتینتۆرینە کوۍ بیێوە و بەرەو ناوەنڎوو شارەکەی ڕاپیمایشا کەرد. جە دلېڕاسەو شارینە پارتەکۍ و رێکوزیاکۍ ئەرەیاۋنا و پەیامشا ۋەناوە.

جە ئەرەیاۋناکەینە داواکریا جە راو گرڎیی میان نەتەوەیی کە جە ۋەران ۋەروو کردەوە نامرۆڤانەکا و جە قەنارەدای چالاکا سیاسینە بێدەنگۍ نەبا.

حەرپاسە پەشتیوانی ۋێشا پۍ مدرامانوو "ژەنی، ژیۋای، ئازاڎیی" بەربڕی و پەی یۊگێرتەی و وۍ بە رێکوستەکەردەی گەلا بانگەواز ئەرەیاۋییا.

چالاکیەکە بە واتەیۆ دروشمەکا دژوو کردەوەکا دەوڵەتوو ئێرانی دمایش پنەئاما.