گەریلاکاو ئازاڎیی کورڎسانی دژوو هجوومە ئەرەگیرییەکاو سوپاو تورکی، چالاکیێوە کاریگەرشا کەرد. جە زاپ و مەتینانە ١٦ ئەرەگیرۍ سزا دریۍ. هەلیکۊپتەرێوە سکۊرسکییچ کریا ئامانج، سەنگەرێوە، چەکێوە بۊمبشان و کامێرێوە چەمڎارییچ مەڕیۍ و تێکۍ دریۍ.
هجوومە ئەرەگیرکارییەکاو سوپاو تورکی کە دەسش پەنە کەرڎێنۍ، بەرڎەوامێنۍ. گەریلاکاو ئازاڎیی کورڎسانیچ بە چالاکی کاریگەر وەرپەرچوو هجوومەکا مداوە.
ناوەندوو ئەرەیاونای و چاپەمەنیی هەپەگەی ئەرەیاوناش: " دژوو سوپاو تورکی ئەرەگیری، کە هەوڵۍ مدۊ بەهەلیکۊپتەر مەیدانوو مدرامانوو کەشوو جودینە، هەرێموو گەشمەرڎە دەلیلوو وەرنیشتوو زاپینە بنۍ وزۊ، هێزەکێما چالاکیی کاریگەرشا کەرد. ڕۊو ٢١ تەمووزی مەیدانوو مدرامانوو کەشوو جودینە بە سەرمەشقایەتیی تیمە گێڵیەرەکاما چالاکی کریا. چا چالاکییانە ١٤ ئەرەگیرۍ سزا دریۍ، ئەرەگیرێوەیچ بریندار بی و گورز جە هەلیکۊپتەرێوە سکۊرسکی دریا. هاموەخت سیستمێوە کامێراو چەمڎاری، چەکێوە بۊمبشان، کەلوپەلی سەروازی و پێویسیۍ ڕوانەو ئەرەگیرا دلێنە بریۍ. جە چالاکییەکاو ١٩ تەمووزینە مەتینانە ٢ ئەرەگیرۍ سزا دریۍ و سەنگەرێوەیچ وڕنیا.
هەپەگە سەبارەت بە چالاکیی هێزەکاو گەریلای و هجوومەکاو سوپاو تورکی ئەرەگیری ئی زانیاریێشا بەروستێ:
"هەرێموو گەشمەرڎە دەلیلوو وەرنیشتوو زاپی؛
تیمە گێڵیەرەکاو یەژاستاریما ٢١ تەمووزی سەعات ٠٨:٠٠ بە چەکی ئۊتۊماتیک جە ئەرەگیراشا دا جە مەیدانوو کەشوو جودیینە.
تیمە گێڵیەرەکاو یەژاستاریما سەعات ٠٨:٣٠ بە تاکتیکی گەریلایی هەماهەنگ جە دووۍ قۊڵێوە جە ئەرەگیراشا دا، جە مەیدانوو مدرامانوو کەشوو جودینە. چا چالاکییەنە ٢ ئەرەگیرۍ سزا دریۍ.
٢١ تەمووزی سەعات ٠٨:٥٠ بە چەکی نیمچە ئۊتۊماتیک، جە مەودێوە نزیکۊ جە ئەرەگیراشا دا جە مەیدانوو مدرامانوو کەشوو جودینە. چا چالاکییەنە ٣ ئەرەگیرۍ سزا دریۍ.
تیمە گێڵیەرەکێما ٢١ تەمووزینە سەعات ٠٩:٣٠ جە مەودێوە نزیکۊ داشا وەنەو ئەرەگیرا، کە گەرەکشابۍ مەیدانوو مدرامانوو کەشوو جودینە بنۍ وزا. هەردووە سەنگەرەکۍ کریۍ ئامانج و دلێنە بریۍ، بەگردیوە ٦ ئەرەگیرۍ سزا دریۍ. هاموەخت جە سیستمێوە کامێراو چەمڎاری، چەکێوە بۊمبشانی و کەلوپەلی سەروازی دریا و پێویسیی ڕوانەو ئەرەگیرا دلێنە بریا.
٢١ی تەمووزی بەینوو سەعات ١٢:٢٥ و ١٢:٤٠ بە تاکتیکوو نیشانەماڕۍ جە ئەرەگیرا دریا، کە تەمادارۍ بێنۍ مەیدانوو مدرامانوو کەشوو جودینە بنۍ وزا. چا چالاکییەیچنە ٣ ئەرەگیرۍ سزا دریۍ.
تیمە گێڵەرەکاو یەژاستاریما ٢١ تەمووزی سەعات ١٣:٢٠ بە چەکی قورس جە هەلیکۊپتەرێوە سکۊرسکییشا دا، کە ئامابۍ کوشیایەکا و بریندارەکا فاڕۊوە، هەلیکۊپتەرەکە کە گورزش وەرکەوتەبۍ، ناچار کریا مەیدانوو مدرامانەکەینە، دوور گنۊوە.
٢١ تەمووزی سەعات ١٧:٥٠ ئەرەگیرۍ جە مەیدانوو مدرامانوو کەشوو جودینە هەلیکۊپتەرێوە کەلوپەلی سەروازی و پێویسیۍ ڕوانەی نیێرە، کەلوپەلەکێش دلێنە بریۍ.
تیمە گێڵیەرەکاو یەژاستاریما جە ٢١ تەمووزینە سەعات ١٩:٠٠ بە تاکتیکی نیشانەماڕۍ داشا وەنەو ئەرەگیرا، کە تەمادارۍ بێنۍ مەیدانوو مدرامانوو کەشوو جودینە دارۍ بڕاوە. چایچ ئەرەگیرێوە سزا دریا.
هەرێموو مەتینای؛
تیمە گێڵیەرەکێما ١٩ تەمووزی سەعات ١١:٠٠ داشا وەنەو بارەگاو سوپاو تورکی ئەرەگیری کانی ماسیینە. جە مەودێوە نزیکۊ کاریگەرانە جە سەنگەرێوەشا دریا. سەنگەرەکە بەتەمامەتی کاول کریا و دووۍ ئەرەگیرۍ دلێشنە سزا دریۍ.
هجوومەکاو سوپاو تورکی ئەرەگیری:
٢١ و ٢٢ تەمووزی هەرێموو گەشمەرڎە دەلیلوو وەرنیشتوو زاپی ٢١ جارۍ، مەیدانەکاو مدرامانوو کوڕەژارۊ ٢ جارۍ، بەگردی ٢٣ جارۍ بە تەیارەی جەنگی بۊردومانۍ کریۍ.
٢١ و ٢٢ تەمووزی مەیدانوو مدرامانوو کەشوو جودینە جە هەرێموو گەشمەرڎە دەلیلوو وەرنیشتوو
زاپی و هەرێموو گەشمەرڎە دەلیلوو وەرنیشتوو زاپی بە دەیان جارۍ بە کاتیوشا، تانک و چەکی قورس بۊردومانۍ کریێ".
س.ز
