ناوەڼو ئەرەیاۋنای و چاپەمەنی هەپەگەی سەبارەت بە چالاکیەکاو گەریلای و هرووژمە ئەرەگیریەکاو دەوڵەتو تورکی ئەرەیاۋنێوەش وەڵاکەردۆ.

ئەرەیاۋناکەی پی جۆرەنە:

"هەرێموو خواکورکی؛

١٤و تەمووزی سەعات ٢١:٠٠ هێزەکېما ۋەرا ۋەر بە هەلیکۆپتەرێوە سکۆرسکی ئەرەگیرا دەستوەردایشا کەرد کە نیازش بۍ جە کەشوو شەکیف-ینە سەروازەکاش وەزنۊرە. دماو دەسوەرداکە و هێزەکاما هەلیکۆپتەرەکە ناچاربی جە مېڎانەکەنە دوور گنۆوە.

١٧ و تەمووزی سەعات ١٠:٤٠ دەیەقۍ ئەرەگیرا جە کەشوو شەکیفینە بە چەکی قورس کریۍ ئامانج.

هەرێموو گەشمەرڎە دەلیلی جە ۋەرنیشتوو زاپی؛

١٥ و تەمووزی سەعات ٠:٣٠ دەیەقۍ کارەوانێوە سوپاو تورکی ئەرەگیری کە کەلوپەلی سەروازی و ئەرەگیرا فاڕێوە پەی مېڎانوو مڎرامانوو سەرگەلێ جە دووۍ قۆڵېوە بە شێوێوە کاریگەر کریۍ ئامانج. چی چالاکیەنە ٢ ترۊمبێلۍ زرێپۆشۍ جە جۆرو کیرپی کریۍ ئامانج و دووۍ گەڵابێچ دلېنەبریۍ. ژمارەو ئا ئەرەگیرا کە دلۍ ترۊمبێلە کیرپییەکانە سزادریێنۍ و زامڎارۍ بیێنۍ ڕۆش نەبیەنۆ. ئەرەگیرەکۍ دماو ئا چالاکیە بە کرێن و گەڵابە ئەوەمەڼەو ترۊمبێلە مەڕیایەکاشا جە یاگۍ چالاکیەکەینە دوورۍ وستۍ.

١٧ و تەمووزی سەعات ١٦:٤٥ دەیەقۍ ئا ئەرەگیرۍ کە گەرەکشابۍ جە مېڎانوو مڎارامانوو کەشوو ئێف ئێمینە بەیا وەڵۍ، بە تاکتیکوو سابۆتاژی دریاشا ۋنەو جموجۆڵو ئەرەگیرا مردا.

١٧ و تەمووزی سەعات ١٨:٠٠ ئەرەگیرەکۍ جە مېڎانوو مڎارامانوو کەشوو وەهارینە بە چەکی نیم ئۆتۆماتیک کریۍ ئامانج و مۆڵگەکێچشا گورزەشا ۋنە شنیا.

هرووژمەکۍ سوپاو تورکی ئەرەگیری بە تەقەمەنی قەڎەغەکریا:

١٧ و تەمووزی مەڕەکۍ ئێمە جە مېڎانوو مڎارامانوو کەشوو جودینە یەرۍ جارۍ بە تەقەمەنی قەڎەغە بۆردومان کریۍ.

١٧و تەمووزی مەڕەکېما جە مېڎانوو مڎارامانوو کەشوو ئێف ئێمینە ٨ جارۍ بە تەقەمەنی قەڎەغە بۆردومان کریۍ.

هرووژمەکۍ سوپاو تورکی ئەرەگیری؛

١٧و تەمووزی مېڎانەکۍ گەشەرڎە شەریفی و کۆلیتی خواکورکی ٣ جارۍ، مېڎانوو دەشتەو کافیای جە هەرێموو گارەینە جارێوە، مېڎانەکۍ مڎرامانوو کەشوو وەهاری و کەشوو ئامێدی جە هەرێموو گەشمەرڎە دەلیلی جە ۋەرنیشتی و زاپی دووۍ جارۍ، بە گرڎی ٦ جارۍ؛ بە فڕۆکەی جەنگی بۆردومان کریێنۍ.

١٨و تەمووزی مېڎانوو مڎارامانوو کەشوو وەهاری هەرێموو گەشمەرڎە دەلیلی جە ۋەرنیشتوو زاپی بە هەلیکۆپتەری هرووژمکەر بۆردومان کریۍ. دماو بۆردومانەکەی ئێر چا مېڎانەنە کۊتۆ."