هەپەگە ئاستو یاڎئاوردەیۆ گەشمەرڎا سەرمەشقۍ شۆڕشینە واتش: "جە کەسایەتی سەرمەشقی گۊرەیما هەمڕا حەقی کارەرینە گرڎو گەشمەرڎا شۆڕش و مانگۊو گوڵانی بە ڕێزۆ یاڎۍ مکەرمېوە و قەول مڎەیمۍ یاڎکەردەیۊشا جە ئەوەکۊشایمانە بە سەرکۊتەی تاجدار بکەرمۍ."
مېیانو ئەرەیاۋنای و چاپەمەنی هێزەکاو پارېزنای گەلی-هەپەگە بە ئەرەیاۋنێوە نویسیا یاڎو گەشمەرڎا سەرمەشقۍ شۆڕش و مانگۊو گوڵانیش کەرڎۆ و قەولو بە سەرکۊتەی تاجدارکەردەی یاڎئاوردەیۆ گەشمەرڎاش دا.
ئەرەیاۋناکەو هەپەگەی ئینەن:
"ئەوەکۊشای ئازادیما پەی ئانەی گەلەکەما جە ئایندێوە شکۆڎار و ئازادەنە بژیۋۆ، جە ئەستۆو فیداییە قارەمانەکامانە بیەن، کە بەبێ دووەدڵی بە گەشمەرڎە دایۆ ڕاوەبەر کریان. تەڤگەرو ئازادی ئاپۆیی جە گرڎ ساڵێوە ٥٢ ساڵەو ئەوەکۊشاینە، جە گرڎ مانگ و ڕوێنە گەشمەرڎێشا دێنۍ و سوپای نەمرەو گەشمەرڎا، هێڵۊو گەشمەرڎا و پیرۆزتەرین بەهاشا پەی گەلو کوردی وەشکەرڎەن. سەرمەشقی شۊڕشگێڵنما حەقی کارەر کە ڕابەر ئاپۆ پنەش ماچۆ 'پېسە ڕووحی شاراوەو من بۍ'، جە ١٨و گوڵانو ١٩٧٧ینە گەشمەرڎەبی. پۊکەی ئی ڕووە پېسە 'ڕۆو گەشمەرڎا'، مانگۊو گوڵانیچ پېسە 'مانگۊو گەشمەرڎا' پەسینیان. گەشمەرڎەکێما سەرچەمەو هێزی بنەڕەتیمانۍ کە ئێمە زیڼە ڕاگێرا، بەبێ ئانەی گۊش بە هیچ ئاستەنگیێوە بڎا پەی بەهاکاما هێزو هەنگامنیایش وەشکەرڎ. گەلو کوردەسانی فرە عال ئی حەقیقەتەشە ئشناسا و چنەش یاوانە، گرڎ وەختۍ بە شکۆیێوە گۊرۆ پێشوازیشا جە گەشمەرڎا کەرڎ و بە گیانو ۋێشا خاوەندریشا جە گەشمەرڎا کەرڎ. جە مانگۊو گوڵانینە چڼین بازنۍ شەهادەتۍ گۊرۍ وەشۍ بیۍ کە بە مڎرامانی داستان ئاساوە تاریخشا تۆمار کەرد.
ڕۆو ١ـو گوڵانی لوبنانەنە عەبدولقادر چوبوکچوو، گارزانەنە فەرماندەو ئەیالەتی، ڕەمەزان کاپلان (جەلان هۆجا) و هەڤاڵەکەش و فەرماندەی ئێژا جودی حەمزە و هەمڕایاش؛ ٢ۍ گوڵانی فەرماندەی سەرەتاییما محمەد قەرەسونگور و ئیبراهیم بیلگین و فەرماندەکۍ مېڎانو مېیامینی ئازاد سیسەر و چەکڎار ئامەد؛ ٤و گوڵانو ١٩٣٧ چنی دەسپنەکەردەو کۆمکووژی دێرسیمی بە هەزاران کەسۍ جە گەلو دێرسیمیما؛ ٦و گوڵانی دەنیز گەزمیش، یوسف ئاسڵان و حەسەن ئینان و هامکات جە شۆڕشگڕی ئەنتەرناسیۆنالیستی جەهانی ئەرنەستۆ گیڤارا؛ ٩و گوڵانی جە میلیتانا ئێژا پەژاکی؛ فەرزاد کەمانگەر، شرین عەلمهۆلیە، عەلی حەیدەریان، فەرهاد وەکیلی و جە فەرماندە سەرمەشقەکا هەبەدەهەی ئولاش بایراق‌تارئۆغلوو؛ ١١و گوڵانی غوربەت ئایدنە (مزگین)ە؛ ١٢و گوڵانی لەیلا قاسمە و چوار جە هەمڕایاش؛ ١٦و گوڵانی هەولێرەنە چنی هەمڕا هێلینۍ، ساڵەح و ئۆزاندا دەیان و هەزار هەمڕێما جە لایەنو پەدەکەیۆ گەشمەرڎۍ کریۍ، ١٨و گوڵانی چوارەکە (فەرهاد کورتای، ئەشرەف ئانیاک، مەحموود زەنگین، نەجمی ئۆنەر) و شۆڕشگێڵنی سەرمەشق ئیبراهیم کایپاک‌کایە؛ ١٩و گوڵانی خەلیل چاڤگون و موسلوم باران؛ ٢٢ۍ گوڵانو ٢٠٠١ی شانزە هەڤاڵێما جە لایەنو سوپاو تورکیوە جە هەرێمو یەدیسوو چەولیکینە بە چەکی کیمیاوی گەشمەرڎۍ کریۍ؛ ٢٥و گوڵانی هەمڕا ئەحمەد قەسیپ (جەمشید) و فیدایا سەرمەشقۍ تابوورو نەمرا، ئاندۆک و هێرش؛ ٢٧و گوڵانی هەمڕاما ئیسماعیل نازلکول (قاسم ئەنگین)؛ ٣١و گوڵانی جە نورحاکا جە سەرمەشقا شۆڕشگێڵنۍ تورکیای، سینان جەمگیل و هەڤاڵەکاش گەشمەرڎۍ بیۍ
بە ڕێزدارییۆ هەمڕێما فوئاد و ڕەزای یاڏۍ کەرمێوە
١٢هەمین و کۆنگرەو پەکەکەی جە ٥-٧و ئایارو ٢٠٢٥ ئەنجام دریا، کرا بە دیاری هەمڕا فوئاد-عەلی حەیدەر قەیتان و ڕەزا ئاڵتون و گەشمەرڏەبییەیشا ئەرەیاویا. هەمڕاو سەرەتاو دەستپێکو ڕابەر ئاپۆی، هەمڕاو حەقیقەتی، سەرمەشقو ئەوەکۆشایما، پیری زاناما هەمڕاو فوئاد کە دڵش پەڕپێ جە عەشقو ڕابەرایەتی و پەرەپنەدای، پێسەو ئەندامێوە بە هێزو هێڵەو ئاپۆیی مۆرە و وێش دا ئەوەکۆشایما. هەمڕا ڕەزا وێش و گرڏ و بنەیانەکەیش بەبێ دوو دڵی بەشداری دلێ ئەوکۆشای ئازادیشا کەرد، بێ مردای کۆششا کەرد، بەبێ ئانەی بزانا تەرسی چێشەنە، بە هەڵوێسو وێش بی بە مۆنۆمێنتێ گۆرە و ئازای، چەکداری شارەزاو ساڵەکا سەرەتاو ئەوەکۆشای، ڕەنجدەری گۆرە و هێڵەو وێ پارێزنای، قارەمانی زینانی و دیپلۆماتکارێ بە هێزو سیاسەتو دیموکراتیکی نامێ وێش جە گرڏ و جەهانینە ئشناسا. گەشمەرڏە بییە و ئەنداما ئەرەمەزنارە و پەکەکەی ،سەتمەشقی گۆرەما هەمڕا فوئاد و ڕەزا ئاڵتون کە جە مانگەو ئایاری، جە مانگە گەشمەرڏا پێشوازی جە یاڏکەردەیشا مکەرمێ، بە ڕێزداری و پنەزانای و وەشەویسیۆ یاڏشا مکەرمێوە.
وەرو ئانەی بە هەزاران قارەمانێ چی مانگەنە بە شێوێ داستان و مڏرامانیشا کەرد و گەشمەرڏێ بیێ، مانگە و ئایاری بی بە مانگە و گەشمەرڏا و مانێوە گۆرێش هورگێرتە. جە ٤٨هەمین ساڵ ڕۆو ئاڏشانە، جە کەسێتی سەرمەشقو گۆرە و حەقی کارەینە گرڏ و گەشمەرڏا شۆڕشی و مانگەو ئایاری بە ڕێزداری و پنەزانای یاڏمکەرمێوە و قەولمڏەیمێ کە ئاڏکەردەئۆ گەشمەرڏا جە ئەوەکۆشایمانە بە سەرکەوتەی تاجدار بکەرمێنە."
