هەپەگە بە ڕێزۊ یاڎوو گەریلایۍ گەشمەرڎەیش کەرڎۊ کە ساڵەو ٢٠٢٠ی جە کاتۆ مارینۆسەنە گەشمەرڎەبیەبۍ و واتش: "هامڕاما ئەرداڵ بە ئازاڎیی، فیڎاکاری و هەرمانەکاش یاگۍ ۋېش جە دڵوو گرڎوو هامڕاکاشەنە کەرڎە بېوە".
جە بەیاننامەو ناوەنڎوو ئەرەیاۋنا و چاپەمەنی هەپەگەینە ئامان کە، جە مانگەو ئەیلولوو ٢٠٢٠ ینە گەریلا ئەرداڵ تۆڵهەلدان جە مەنتیقەو کاتۆ مارینۆسینە گەشمەرڎە بیەن و سەرەوەشی ۋېش ئاراسەو بنەیانەیشا و گەلی ولاتپارێزی کەرڎ.
ئەرەیاۋناکەو هەپەگەی پی جۊرەنە:
" ٢٦و ئەیلولوو ٢٠٢٠ینە جەئاکاموو هجوموو دوژمنی پۍ سەروو مەنتیقەو کاتۆ مارینۆسی، پەشڕاسکریاوە کە هەڤاڵما ئەرداڵ تۆلهەڵدان گەشمەرڎە بیەن. هەڤاڵما ئەرداڵ جە دڵوو ۋېشەنە درکش پا فشار و کۆکوشییە کەرڎ کە ساڵانێوەن سەروو گەلەکەیمارە ملۊڕاوە؛ پۍ ئانەی کە حەقەو گەلەکەیما جە ئەرەگیرا کەرۊوە، بە باوەڕێوە حېقم و ئیراڎېوە بەقوەتۊ بەشڎاروو دلۍ کۊشیای ئازاڎیی بی، جە یوۋەم ڕۊدیاروو بەشڎار بیەیش پۍ دلۍ کۊشیای ئازاڎیی تا ئا وەختەی کە گەشمەرڎە بی، ۋېش فیداو خەتەو کۊشیای کەرڎ، بی بە جەنگاوەرێوە نموونەیی ئاپۆیی. هەڤاڵما ئەرداڵ فرەو یاگا کوردسانینە بە قارامانانە دژوو ئەرەگیرا جەنگش کەرڎ پۍ ئانەی بتاوۆ بۊ بە جوابېوە پې کۊشیای ئازاڎیی گەلەکەیما. بە ئازاڎیی، فیڎاکاری ۋېش جە دڵوو گرڎوو هەڤاڵەکاشەنە یاگۍ ۋېش کەرڎۊ.
سەرەتا سەرەوەشی ۋېما ئاراسەو بنەیانەو ئازیز و وەشەویس و هامڕایما ئەرداڵی کەرمۍ، سەرەو گەلی وڵاتپارێزی، ئەلباکی و گرڎوو کوردسانی سلامەت بۊ.
زانیاری سەروو ئشناسنامەو هامڕایما ئەرداڵ تۆڵهەڵدانی پی جۊرەنە:
ناسنامۍ / ئەرداڵ تۆلهەلدان
نامۍ و دمانامۍ / موراد شاکرەک
شۊنماو جە ئەڎابیەی / وان
نامۍ ئەڎۍ و نامۍ تاتەی /بەدریە - یەعقوب
شۊنماو ڕۊدیاروو گەشمەرڎەبیەیش / ٢٦و ئەیلوول و ٢٠٢٠ /کاتۊ مارینۊس
