ناوەندوو ئەرەیاونای و چاپەمەنیی هەپەگەی ئەرەیاوناش: "مدرامانی کاریگەروو هێزەکانما دژوو هجوومە ئەرەگیرییەکاو سوپاو تورکی بەرڎەواما. هێزەکێما گرد فرسەتێوەنە بە تاکتیکی ئارڎەینەرانە وەنەو ئەرەگیرا مڎا و نمازا ئەرەگیرۍ مەیدانەکاو مدرامانینە بنۍ وزا. ئەرەگیرۍ وەراوەروو چالاکیی هێزەکامانە بێچارۍ و دەسمرڎۍ بیێنی پەوکای زەمین و عاسمانۊ مەیدانەکاو مدرامانی بۊردومان کەرا. دەوڵەتوو تورکی کە نەتاواش ئامانجەکاش بپێکۊ و گورزی قورسش وەرکەوت، ئا ڕاسییا شارۊوە و پەی ڕای گردینی ئاشکراشا مەکەرۊ. بارەو زەرەرە گیانییەکاو گەریلایچۊ زانیاریی دروینۍ پەی ڕای گردینۍ وەڵا کەرۊوە. جە هەرێمەکاو پارێزنای مێدیایچنە جە هجوومەکاو ٢٠ تەمووزیوە پەی سەروو کەشوو جودی تا ئیساتۍ هیچ زەرەرێوە گیانیما نەبییەن، ئیسەنە تەنیا پەیوەندیما چەنی هامڕێوەما پڕچیان. ئەرەیاونای جەنگی تایبەتوو دەوڵەتوو تورکی ئا زەرەرە گیانییە نەبییاو  گەریلای پاسە  نیشانە مڎۊ، کە زەرەری گیانی بییەن و گەرەکشا زەرەرە گیانییەکۍ وێشا نەوینیا، مەبۊ بڕوابە درواو ئەرەیاونای سوپاو تورک کریۊ. بارەو هجوومەکاو دوژمنی و مدرامانوو گەریلاکاو ئازاڎیی کورڎسانیوە پیسە گردوەختێوە زانیاریی ڕۊشن پەی گەلەکەیما و ڕای گردینی وەڵا کەرمێوە".

زانیاری سەروو چالاکیی هێزەکاو گەریلای و هجوومەکاو سوپاو تورکی:

هەرێموو گەشمەرڎە دەلیلی رۊژئاوای زاپ؛

٢٣ تەمووزی سەعات ٠٦:٢٠دا وەختۍ ئەرەگیرۍ گەرەکشابۍ جە مەیدانوو مدرامانوو کەشوو جودینە بنۍ وزا، تیمە گێڵیارەکاو یەژاستاریما دێشا وەنە و ئەرەگیرێوە بریندار بی.

٢٣ تەمووزی سەعات ٠٩:٢٥ ئەرەگیرۍ کە گەرەکشابۍ جە مەیدانوو مدرامانوو کەشوو جودینە بنۍ وزا، بە تاکتیکوو نیشانەماڕۍ کریۍ ئامانج و ئەرەگیرێوە سزا دریا.

 ٢٣ تەمووزی سەعات ١٤:٤٠ ئەرەگیرۍ کە گەرەکشابۍ جە مەیدانوو مدرامانوو کەشوو جودینە بنۍ وزا، بە تاکتیکوو نیشانەماڕۍ ئەرەگیرۍ کریۍ ئامانج ئەرەگیرێوە سزا دریا و سیستمێوە کامێرای چەمڎاری حەراری مەڕییا.

 ٢٣ تەمووزی سەعات ١٧:٢٠ هێزەکاو یەژاستاریما دژوو ئەرەگیرا، کە گەرەکشابۍ مەیدانوو مدرامانوو کەشوو جودینە بنۍ وزا، گورزی قورسشا دا وەنەو سەنگەرەکاشا. سەعات ١٩:٠٠ و ١٩:٣٠ گورزی قورس جە ئەرەگیرا شنییا.

٢٤ تەمووزینە سەعات ٠١:٣٠- ٠١:٥٠ وەختۍ هەلیکۊپتەرەکۍ هەوڵۍ دێنۍ ئەرەگیرەکا مەیدانوو مدرامانوو کەشوو جودینە وەزنارە، ٤ جارۍ جە هەلیکۊپتەرەکا دریا و ڕا نەدریا هەلیکۊپتەرەکۍ بنیشاوە. هەلیکۊپتەرەکۍ ناچارۍ بیۍ مەیدانەکەی جیا بازا.  

هجوومەکاو سوپاو تورکی ئەرەگیری؛

٢٤ تەمووزینە مەیدانوو مدرامانوو کەشوو جودی جە هەرێموو گەشمەرڎە دەلیلوو وەرنیشتوو زاپینە ٤ جارۍ، مەیدانوو مدرامانوو کەشوو وەهاری ٤ جارۍ، هەرێمەکاو دەگایەکاو شێلازۍ و گۊلکاو مەتینای ٣ جارۍ، گردیوە ١١ جارۍ ئا یاگۍ بە فرۊکەی جەنگی بۊردومانۍ کریۍ. 

٢٤ تەمووزینە مەیدانوو مدرامانوو کەشوو جودی، جە هەرێموو گەشمەرڎە دەلیلوو وەرنیشتوو زاپی ٢١ جارۍ بە هەلیکۊپتەری هجوومبەر بۊردومانۍ کریۍ.

هەرێموو زاپی و گەشمەرڎە دەلیلوو وەرنیشتوو زاپی بە دەیان جارۍ تۊپواران کریا".

س.ز