ناوەنڎوو ئەرەیاۋنای و چاپەمەنی هەپەگەی بە ئەرەیاۋنێوە ئاماژەش پانەی کەردەن کە گەریلا بەرچەم ئوموت (سوزان دومان)ە، رۆستەم ئارپێت (ئۆرهان یاقوت)، شاهین نودا (بەدران گۆکدەمیر)، جوان منبج (ساڵح تۆفیق) و دیلان تونچ (ژیان تیمۆقی)ە جە مەتینانە جە هجومۍ دەوڵەتوو تورکی ئەرەگیرینە گەشمەرڎۍ بیۍ.

جە ئەرەیاۋناکەینە ئی زانیاریۍ ئەرەیاۋیێنۍ:

"دەوڵەتوو قڕکەروو تورکی تا شکسوو ۋێش ۋەران ۋەر بە گەریلاکاو ئازاڎیی کوردسانی شارۊوە، گرڎ جۆرە ڕێوە گێرۊنەوەر، جە ۋەران ۋەروو ئیراڎەی بەقوەتوو جەنگاوەری ئاپۆیینە مەیاوۆ بە ئامانجەکاش. دەوڵەتوو قڕکەری چەکی کیمیاۋیی و بۆمبی ئەتۆمی تاکتیکی بەکارمارۆ و پی جۆرە تاوانەو جەنگی کەرۆ. هامڕێما بەرچەمە و ژیانە و ڕوستەم و شاهین و جوان جە هجوم و چەکی کیمیاۋیی و ئەتۆمی تاکتیکینە گەشمەرڎۍ بیۍ. هامڕێما ژیانە جە جەنگ دژوو دوژمنینە، بە ئازایێوە گۊرۆ جەنگش کەرد و گەشمەرڎۍ بیە. ۋەروو ئانەی سوپاو ئەرەگیری ۋەران ۋەر بە ئازاڎیی و تاکتیک و پسپۆڕی جەنگی و پێرفۆرمانسوو بەرز و غیرەتوو گەریلاکا ئازاڎیی کوردسانینە گیرش کەردەن، ئەنجام بەدەس نمارۆ و جە ڕاو بەکارئاردەی چەکی کیمیاۋیی و بۆمبی ئەتۆمی تاکتیکیوە تاوانەو جەنگی ئەنجام مڎۆ. ئینەیچ بەڵگەی حاشاهۊرنەگیروو بێچارەیی سوپاو تورکی ئەرەگیریا.

هامڕێما بەرچەمە و ڕوستەم و شاهین و جوان و ژیانە شۊنکۊتۍ ئا میراتوو مدرامانە داستانئامێزەیە بێنۍ کە جە هەرێموو مەتینای و جە مەڕەکا جەنگینە بە سەرمەشقایەتی ڕابەری و هەژاری و نوری و ئاماراکا خوڵقیا. هامڕێکێما جارێوەتەر جە مەڕەکا جەنگینە جە کەش و ئۆرتێ تاریخشا نوویستۆ. ئی جەنگاوەرە ئاپۆییە قارەمانۍ، بە هەڵوێسی پاگیرانەشا سەروو

خەتەو پەکەکەی و پاژکی جە دژوو هجومەکا دوژمنی، ئامانجشا سەرکۊتەی بۍ و بە باوەڕوو ئازاڎیی گەلەکەیما ئەرک و ۋەرپرسیاری ۋێشا بەیاگۍ یاونا.

سەرەتا سەرەوەشی جە بنەیانە قارەمانەکاشا کەرمۍ کە جەنگاوەرۍ قارەمانۍ پېسە بەرچەمۍ و ڕۆستەمی و شاهینی و جوانی و ژیانێشا بەخشۍ بە کۊشیای ئازاڎیی گەلەکەیما، حەرپاسە سەرەوەشی جە گەلی وڵاتپارێزوو کوردی و عەرەبیما کەرمۍ.

زانیاریەکۍ سەروو ئشناسنامەو هامڕا گەشمەرڎەکاما پی جۆرەنە:

ناسنامۍ / بەرچەم ئوموت-ە

نامۍ و دما نامۍ / سوزان دومان-ە

شۊنماو جە ئەڎابیەی / جولەمێرگ

نامۍ ئەڎۍ و نامۍ تاتەی / پەرێشان-محەمەد تاهیر

شۊنماو وەختوو گەشمەرڎەبیەی / ١٥/١١/٢٠٢٣ / مەتینا

*****

ناسنامۍ / ڕۆستەم ئارپێت

نامۍ و دما نامۍ / ئۆرهان یاقوت

شۊنماو جە ئەڎابیەی / وان

نامۍ ئەڎۍ و نامۍ تاتەی / فازیڵە-فەیزوڵا

شۊنماو وەختوو گەشمەرڎەبیەی / ١٨/١٢/٢٠٢٣ / مەتینا

*****

ناسنامۍ / شاهین نودا

نامۍ و دما نامۍ / بەدران گۆکدەمیر

شۊنماو جە ئەڎابیەی / موش

نامۍ ئەڎۍ و نامۍ تاتەی / سەلیمە-ئیلهامی

شۊنماو وەختوو گەشمەرڎەبیەی / ١٨/١٢/٢٠٢٣ / مەتینا

*****

ناسنامۍ / جوان مەنبەج

نامۍ و دما نامۍ / ساڵەح تۆفیق

شۊنماو جە ئەڎابیەی / مەنبەج

نامۍ ئەڎۍ و نامۍ تاتەی / خاڵسە-تۆفیق

شۊنماو وەختوو گەشمەرڎەبیەی / ١٨/١٢/٢٠٢٣ / مەتینا

*****

ناسنامۍ / ژیان تیمۆقی

نامۍ و دما نامۍ / دیلان تونچ

شۊنماو جە ئەڎابیەی / ئێلح

نامۍ ئەڎۍ و نامۍ تاتەی / تورکیا-شەمسەدین

شۊنماو وەختوو گەشمەرڎەبیەی / ٢٦/١٢/٢٠٢٣ / مەتینا

*****

بەرچەم ئوموت-ە

هامڕێما بەرچەمە جە شاروو جولەمێرگی دلۍ بنەیانێوەنە دلۍ عەشرەتی وڵاتپارێزوو مارینۆسینە جە ئەڎۍ بیە. هامڕا بەرچەمە چنی چاندی قەڎیمی کوردایەتینە گەورۍ بیێنە، کە بنەیانەکەش جە هەزاران ساڵا چێوەڵتەریۆ پۍ ڕۊزگاروو ئارۊی ئاردەنش. کەسایەتیێوەش بەپاو جەوهەری ۋێش بەدەسئارد. دماو ئانەی ۋێش ئشناسا، خۊتانکەردەیش جە گرڎوو ئا بەهایا کەرد کە خوڵقناشا. هامڕاکێما پېسە گرڎ گەنجێوە تەروو کوردسانی شایەتۍ ڕاسی دەوڵەتوو تورکی بۍ. جە ۋەران ۋەروو دەوڵەتوو تورکی قڕکەرینە، خۊتانکەردەی زیاتەرش جە زۋان و چاندی و ئشناسنامەکەیش کەرد.  هامڕا بەرچەمە جە شارێوەنە کە گەلی کۊششکار و کۊشیای ئازاڎیی چنەشەنە زاڵا، ژیۋا. ئینەیچ مەڵامەتێوە بۍ پۍ ئانەی جمیەرەکەیما بشناسۆ و پېسە ژەنێوە کۊششکارەو کوردی کەسایەتی بەدەسبارۆ. هامڕا بەرچەمە حەجگیز ئا قاڵبە تەقلیدیێشە قبوڵ نەکەردۍ کە گلېرگە بە ژەناش بەخشۍ و هەمیشە شۊنەو ئازاڎیرە گێڵۍ. ۋەران ۋەر پا دڕندەییا کە جە تەرەفوو دەوڵەتیوە ۋەران ۋەر بە ژەنا ئەنجام مڎریا، توڕەیێوە گۊرەش بۍ. هامڕا بەرچەمە دماو ئشناسای ڕاسی ژەنۍ کە سەروو بناغەو پێکئامەرەکا ئازاڎیی ڕابەر ئاپۆی ۋێش ڕێکوستەن و دژوو پیا سالاری سەرشهۊردا، باوەڕش پانەی ئارد کە هیوا جە کەشەکا کوردسانینە سەوز بیەن. بنەیانە و کەسە نزیکەکێش لووۍ دلۍ ڕیزەکا گەریلای و گەشمەرڎاوە. ئینەیچ مەڵامەتێوەبۍ پۍ بەشداربیەو هامڕێما چی کۊشیاینە. هاوڕێما بەرچەمە پېسە ژەنێوە کە باوشی پۍ ژیۋایۍ ئازاڎیی کەرۊوە، ساڵەو ٢٠١٤ ڕووەشکەردە کەشەکا کوردسانی و ئاما دلۍ ڕیزەکاو گەریلایۆ.

هامڕا بەرچەمە پەروەردەی سەرەتاییش جە خواکورکەنە هۊرگێرتەن و پېسە ژەنێوە کەشی جە ماوێوە کوڵەنە فێرەو ژیۋای کەشی بیێنە. هامڕێکێما فرە کاریگەرە بیێنە بە هامڕایی گەریلای، بەتایبەتی پانەی کە گرڎوو هامڕاکا هەس بە یۊترینی کەرا و جە یۊترینی میاوانە و جە گرڎ چێوۍ زیاتەر بەها بە یۊترینی بەخشا. پۍ ئانەی بۆ بە هامڕێوە پی جۊرەیە، حۊڵێوە گۊرەش دا. هامڕێکێما یاوانە کە پۍ ئینەی مشۊم کەسایەتیێوە ئاپۆیی بەدەس بارۆ و پۊکەی زیاتەر سەرنجش وست سەروو پەروەردەو ئایدۆلۆژیی. حەرچنڎە وەڵتەر ئاشناو ڕاسی ڕابەر ئاپۆی بۍ، بەڵام فرە دڵوەشە بۍ وەختۍ پۍ یووەمجاری دەنگوو ڕابەرایەتیش جە پەروەردەنە ئەژنی و ساڵانێوەبۍ ئی وەشیەشە جە ویر نەکەرڎ، هەمیشە پېسە بەقیمەتتەرین ساتوو ژیۋایش جە ویرش بۍ. هامڕێما بەرچەمە ماوێوە فرە جە مێڎانەکا خواکورکی و قەندیلی و مەتیناینە خەباتش کەرد و دماتەر ڕووەش کەردە شەنگال پۍ ئانەی بەشداری جە هەڵمەتەو شۆڕشگێڵنی پەی ڕزگارکەردەی گەلی ئێزیدیما جە ستەموو داعشینە کەرۆ. چالاکانە بەشداریش جە جەنگوو چەتەکانە کەرد و پۍ ڕزگارکەردەی گەلی ئێزدیما کۊشیا. هامڕا بەرچەمە تەجروبێوە وەرچەمش جە بواری سەروازینە جە مېڎانوو شەنگالینە بەدەسئارد، پۊکەی وەختۍ هجومەکۍ دەوڵەتوو تورکی پۍ سەروو هەرێمەکا پارێزنای مەدیای زیاتەرۍ بیۍ، پاگیریش کەرد سەروو لووای پۍ هەرێمەکا پارێزنای مەدیای. دماو ئانەی پێشنیازەکەش قبوڵکریا، هامڕێما بەرچەمە بە جۆش و خرۆشێوە فرۆ لووا پۍ کەشەکا کوردسانی، پۍ فێربیەی پراکتیکی جەنگی قورسی و پسپۆڕبیەی جە تاکتیکی و شێوازوو گەریلای هامچەرخی، لووا پۍ ئەکادیمیاو گەشمەرڎە ئیبراهیمی پۍ هۊرگێرتەو پەروەردەی سەروازی و ئایدۆلۆژی. هامڕێکێما جە وەختوو پەروەردەی تاکتیکی گەریلای هامچەرخینە، ئانڎەی تەر باوەڕش قووڵتەر بی پانەی کە گەریلا پا تاکتیکە تازا سەرگنۆ. هامڕێکێما گەرەکش بۍ باوەڕەکەیش جە ڕاو خەباتی پراکتیکیوە تاجدار کەرۆ و بۆ بە جەنگاوەرۍ سەرکۊتۍ، گەرەکش بۍ بۆ بە ساحیب دەور و ئەرکی پۍ بەدیئاردەی ئازاڎیی گەلی و دمایی ئاردەی بە گێرتەو ڕابەرایەتی. جە هەمانوەختەنە هامڕێکێما قەرارشدا سەروو خەتەو ئازاڎیی ژەنا زیاتەر قووڵە بۊوە و گەرەکش بۍ بە پاو ئەرکوو سەرمەشقی گەریلاکا یەژاستاری بەشداریش بۆ. هامڕێما بەرچەمە پەروەردەش چی بوارەنە وست پراکتیکۆ، بە هامڕایی بەقوەت و کەسایەتیە بەقوەتەکەیش، بیە بە گەریلێوە یەژاستاری کە گرڎوو هامڕاکاش گەرەکشابۍ هامشانش خەبات کەرا. واڵە گۊرەکێش، هامڕێما خویندا مارینۆس (ئایسەل دومان)ە ٢٠/٣/ ٢٠١٨ ی جە گابار گەشمەرڎۍ بیە، ئی گەشمەرڎەبیەیە بی بە مەڵامەتوو تووڕەبیەی زیاتەروو هامڕێما بەرچەمۍ ۋەران ۋەر بە دوژمنی.

هامڕا بەرچەمە کە بە سەرکۊتەیی پەروەردەش تەمام کەرد، دماو پەروەردە سەرەتاییەکا، ئەرکێوەش جە تیمە گێڵیارەکا گەریلاینە هۊرگێرت، کە یۊن جە کۊڵەکە سەرەکییەکاو تاکتیکوو گەریلای هامچەرخی. هامڕا بەرچەمە چنی تیمەکەیش جە فرەو مېڎانەکانە کە هجومی ئەرەگیری چنەشەنە زیاڎش کەردەبۍ، بەشداری پراکتیکیش کەرد. بەشداری فرەو چالاکییاش دژ بە دوژمنی کەردۍ و حۊڵ دۍ ئەرک و بەرپرسیاری ۋێش بە شێوێوە ڕێکوپێک جابەجێ کەرۆ. هامڕێکێما بە ئازایەتی جە چالاکییەکانە بیە بە مایۍ هێزی پۍ هەڤاڵاش. جە هەمان وەختەنە توڕەیی ۋێش ۋەران ۋەر بە دوژمنی بە سەرکۊتەیی جە چالاکییەکانە نیشانە دا. دماو پراکتیکە سەرکۊتەکاش جە تیمە گێڵیارەکا گەریلاینە، ڕووەش جە هەرێموو مەتینای کەرد. هامڕێکېما لووا دلۍ مەڕەکا مدرامانی جە مېڎانوو کەش و ئۆرتێ. چا میراتوو مدرامانوو مەڕەکا جەنگیش گێرت ئەستۆ، ئا میراتەی جە تەرەفوو فرێوە جە هامڕایا فیداکاریماوە بە ڕەنج و فیداکاری خوڵقیا. ئاڎە هەم پېسە پەنەوازیۍ دڵسۆزی پۍ یاڎوو هامڕاکاما و هەم بە باوەڕەکەیش کە "مەڕەکۍ جەنگی کرێڵوو سەرکەوتەینۍ" بەشداریش جە مدرامانی تاریخینە کەرد. هامڕا بەرچەمە چنی هامڕاکاش جوابوو گرڎ جۆرە هجومېوە دوژمنیش داوە پۍ سەروو مەنتیقەو کەش و ئۆرتێ و مدرامانێوەش نیشانەدا کە جە تاریخوو مەڕەکا جەنگوو ئێمەنە یاگۍ گێرۆ. دەوڵەتوو قڕکەروو تورکی کە ۋەران ۋەروو مدرامانوو هامڕایامانە جە کەشوو ئۆرتێ بێچارەن و گرڎ ڕووۍ زیاتەر جە شکسی نزیکتەر بۊوە، جارێوەتەر ڕاسی دڕندانەو ۋێش ئاشکرا کەرد و بە چەکی کیمیاۋیی و بۆمبی ئەتۆمی تاکتیکی هجومش کەرد سەروو مەڕەو جەنگی هامڕایاما. چی هجومە نامەردانەنە، هامڕا بەرچەمە تا دما هەناسە لکە دریاو میراتوو مدرامانی بۍ، چنی گەشمەرڎەبیەیش، کۊشیای ۋێش یاونا بە قولەپۊپە.

ڕۆستەم ئارپێت

هامڕاما ڕۆسەم جە مەنتیقەو وەستانی وانی دلۍ بنەیانێوە وڵاتپارێزی و دڵسۆزینە جە ئەڎۍ بیەن. پا ئەخلاقە گلېرگەییەی کە جە بنەئانەکەیشۆ هورش گێرت گەورە بی، جە تەماموو ژیۋای لکەدریایشەنە پا چاند و ئەخلاقۆ مەنۆ. هامڕا ڕۆسەم جە ساڵەکا نەوەڎەکاوە چنی ئاماولووای گەریلاکاو ئازاڎیی کوردسانی جە دەگاکێشانە، پارتەکەما، پەکەکەش ئشناسا. هامڕا ڕۆسەم چی ساڵانە تەعاجوب کەرۆ بە گروپە گەریلاکا و شێوازوو ژیۋای گەریلاکا و هامسۆزیێوە گۊرەش  پۍ پەیڎا بۆ ۋەران ۋەر بە گەریلای. حەر چا ساڵانە واڵە گەورەکێش کە هامڕێما بەهارە بۍ، پەیوەندیش بە ڕیزەکاو گەریلایۆ کەرد. ئینەیچ مەڵامەتێوەبۍ پۍ ئانەی هامڕا ڕۆسەم بە گرڎوو بیەو ۋێشۆ دڵسۆزوو گەریلای بۆ. ئیتر پۍ هامڕا ڕۆسەمی گەریلابیەی بی بە ئامانجێوە پیرۆز و مشۊم پنەش بیاوۆ. چنی ویەرنای ساڵەکا وەشەسیایی هامڕا ڕۊسەمی پۍ گەریلای پەرەش سانا. ژیۋای و کۊشیای گەریلایش کەرد بە ڕۆژەڤی سەرەکی ژیۋای ۋێش. پېسە گرڎ کوردێوە کە کوردسانەنە مژیوۆ، شایەتوو ڕاسی دوژمنی بۍ. هامڕا ڕۆسەم فرە بەخێرایی جە سیاسەتوو قڕکەردەی یاوانە کە دوژمن دژوو گەلەکەیما بەرۊس ڕاوە. پۊکەی پێش بەرکۊت کە وەننگەکۍ تورکی حیچش پنە مەبەخشا و وەننگەکەش جە نیمەنە جیائاست. جە تەمەنێوە گولانەنە دەسش بە هەرمانۍ کەرد جە شارە گەورەکا تورکیاینە پۍ ئانەی هامکاری خێزانەکەیش کەرۆ. هامڕاکەما چۍ عالتەر چانەی یاوانە کە ئا کەسۍ بە زیهنیەتوو دەوڵەتوو تورکی گەورۍ بیۍ، چنی تەماشەو گەلوو کوردی کەرا. بەڵام هامڕاکەما حەجگیز تەسلیموو فشار و ئەشکەنجەو دوژمنی نەبی و گرڎوو فشارەکا دوژمنی بیۍ بە مەڵامەتوو ئانەی کە زیاتەر کۊشیۊنە. واڵە گۊرەکێش کە هامڕێما بەهارە بۍ، ساڵەو ٢٠١١ جە هەرێموو ئامەڎینە گەشمەرڎۍ بیە، ئینەی کاریگەری فرەش سەروو هامڕا ڕۆسەمی بۍ. ساڵانێوە وەرمش ئانەبۍ کە واڵە گۊرەکێش بوینۆ. گەشمەرڎە بیەی واڵەکېش جە جەنگوو دوژمنینە، هامڕا ڕۆسەمش ئانڎەیتەر جە دوژمنی توڕە کەرد. ئا هجومە قڕکەریۍ کە چەتەکۍ داعشی بە هامکاری دەوڵەتوو تورکی جە ساڵەو ٢٠١٤ ینە دژوو گەلەکەیما جە ۋەرنیشت و شەنگال ئەنجامشا دا و جە هەمان وەختەنە گەشمەرڎە بیەی هامڕایاما و گەلەکەیما، مەڵامەتوو بەشداری کەردەی هامڕا ڕۆسەمی بۍ. هامڕا ڕۆسەم بە ڕشدبیەی قووڵۆ لووا پۍ کەشەکا کوردسانی و تفەنگوو واڵە گۊرەکێش هۊرگێرت و دەورش جە کۊشیاینە دی.

هامڕا ڕۆسەم کە جە هەرێموو فەراشینی پەیوەندیش بە ڕیزەکاو گەریلایۆ کەرد، چېوە یاوا بە هەرێمەکاو پارێزنای مەدیای. هامڕاکەما پەروەردەی سەرەتاییش جە هەرێموو مەتیناینە هۊرگێرت و پا پەروەردەی کە هورش گێرت، جە ماوێوە کوڵەنە گرڎ زانیارییە پەنەوازییەکا پۍ ژیۋای کەشی و گەریلای فێربی. هامڕا ڕۆسەم حیچ کێشێوەش نەبۍ جە فێربیەی ژیۋای کەشینە، چونکی چنی ڕووبەڕووبیەیۆ سرووشتی گەورە بیەن. بەشداریێوە پەڕ جە جۆش و خرۆشیش بۍ. جە هەمان وەختەنە هامڕاکەما فرە هەرمانەش کەردە پۍ ئانەی هامڕاکا تەریش فێروو ژیۋای گەریلیا با و هەر جە سەرەتاو گەریلایەتیشۊ بە دەسوەڵېوستەی چالاکانەی سەرنجوو گرڎیش کێشت. جە قۆناغەو پەروەردەینە هامڕا ڕۆسەم توخمەکۍ جەنگی گەریلای و فەلسەفەو ڕابەرایەتی فێربی. تاوەکو ئانەی فێرش بیەن کەرۊش بە پراکتیک، هەمیشە ڕەنج دۍ. چی ڕوۆ ڕەنجێوە گرنگش دا. دماو تەمامبیەی قۆناغەو پەروەردەی، دیسان لووا ڕیزوو پراکتیکیوە جە هەرێموو مەتیناینە. هامڕاما ماوێوە فرە چا مەنۆ. جە مەتینانە پۍ گرڎوو هامڕاکاش بی بە نموونەو جەنگاوەری. گرڎ ڕووۍ ۋێش وەڵێوست و گەرەکش بۍ بەشداری جەنگی کەرۆ. دلۍ خەباتوو پارتەکەیمانە پەکەکەی یاگێش گرتە. جە سایەو زانای و خولیا و ئایدۆلۆژیاکەیشۆ، چی خەباتانە بەشداریێوە سەرکۊتەش بۍ. جە چنڎین هەرێمێنە ئەرکش ویەرنا.

جە ساڵەو ٢٠٢١ینە دەوڵەتوو تورکی قڕکەری بە ئامانجوو پاکتاوکەردەی هجومش کەرڎ سەروو هەرێمەکاو پارێزنای مەدیای، هامڕا ڕۆسەم پۍ ئانەی جە دژوو ئا هجوما بۆ بە جوابدەرۆ ڕووەشکەرڎە هەرێموو مەتینای و چا بەشداریش جە چالاکیەکانە دژوو دوژمنی کەرد و دماو چالاکیە سەرکۊتەکاش ڕووەش کەردە مەڕەکا جەنگی جە کەش و ئۆرتێ و چا درێژەش بە چالاکیەکاشدا.

دەوڵەتوو تورکی قڕکەری کە سەرەڕاو گرڎوو تەکنەلۆژیاو ۋێش نەتاوۍ ئیراڎەو هامڕا ڕۆسەمی و هامڕایاش ماڕۆ، بە شێوازێوە نامەردانە بە چەکی کیمیاۋیی و ئەتۆمی تاکتیکی بە چڕی مەڕەو جەنگی هامڕایاماش بۆردومان کەرد. هامڕا ڕۆسەم جە بۆردومان و ئەوەتەقۊیەکانە، تا دما هەناسەش سازشش سەروو کولتوروو مدرامانی نەکەرد و بە قارەمانی گەشمەرڎە بی.

شاهین نودا

هامڕاما شاهین جە مەنتیقەو گمگمی موشینە جە بنەیانێوە وڵاتپارێزینە جە ئەڎۍ بی. بە مەڵامەتوو وڵاتپاڕێزی بنەیانەی و دەوروبەرەکەیش، هامڕاما شاهین جە تەمەنێوە کەمەنە پارتەکەما پەکەکەش ئشناسا . هامڕاما کە بە ڕازەو قارەمانێتی گەریلاکا گەورەبی، گەریلاش پێسە قارەمانی زارۊڵەیی ۋێش پێناسە کەرد و ئانەش بە ئامانج گرت کە ۋێش بیاونۆ ئا ئاستە. هامڕاما شاهین کە گرنگی گەریلایش پۍ ئازاڎیی گەلەکەیما جە ڕازەکاوە ژنیەبۍ و درکش پنەکەردەبۍ، پا مەڵامەتۆ گرڎ وەختۍ گەریلای پېسە پیرۆزیێوە وینۍ. چنی گەورەبیەیش عالتەر راسی دوژمنیش ئشناسا، بە تایبەتی جە وەننگەو دەوڵەتینە ئا راسیەشە ڕۊسنتەر وینا. هامڕاما کە یاوانە یووەم ئەرکوو وەننگەو تورکی جە کوردسانەنە تاونایۆ زارۊڵاو کوردی و دووروستەیۊیش جە جەوهەروو ۋێشا و چا ڕێوە ئاڎیشا جە کۊشیای ئازاڎیی گەلەکەیشا دووروزاوە، سەروو ئا بنەمۍ دەسش جە وەننگەی هۊرگێرت. هامڕاما شاهین کە فرەو وەختەکاش جە هامکاریکەردەی بنەیانەکەیش جە دەگاکێشانە بەسەر بەرد، گرڎوو تەجروبەو ژیۋایش کۆکەردۆ. هامڕاما جە تەمەنوو هەرە گەنجینە ئیتر نەتاواش ۋەران ۋەر بە هجومەکا دوژمنی پشوودرێژ بۆ و کۆت دلۍ پەیجوورییوە. هامڕاما شاهین کە پېسە گەنجێوە کوردی درکش بە جابەجێکەردەی ۋەرپرسیاریی ۋێش ۋەران ۋەر بە گەلەکەیما کەرد، قەرارشدا کە بەشدار بۆ جە کۊشیاینە. بەشداربیەی هامڕا و کەسا دەوروبەریش پۍ دلۍ ریزەکاو گەریلای کاریگەریش سەر نیارە و پاسەش کەرد کە قەراروو ۋێش بڎۆ. سەروو ئا بنەمایە ساڵەو ٢٠١٥ینە چا وەختۆی دوژمن جە دژوو گەلەکەیما و جمیەرەکەیما پلانەو 'وڕنای و دلېنەبەردەیش' وست بواروو جابەجێکەردەیۆ، هامڕاما شاهین پۍ ۋەرپەرچدایۆ دوژمنی قەرارشدا کە بەشداری جە ریزەکا گەریلاینە کەرۆ. سەروو ئا بنەمۍ هامڕاما جە مێڎانوو بۆتانینە بەشداریش جە ریزەکا گەریلاینە کەرد.

هامڕاما کە پەروەردەی سەرەتایی و تەجروبەو سەرەتایی گەریلایەتی ۋێش جە هەرێموو بۆتانی هۊرگێرت هەر ئا ساڵۍ پڕاوە پۍ مېڎانوو هەفتانینی جە هەرێمەکاو پارێزنای مەدیای. هامڕاما شاهین کە هەفتانینەنە جە روو ئەکادیمیوە پەروەدەو جەنگەوانی تازەیش وینا، چا پەروەردەنە کە دیش جە پارتیبیەینە، جە ژیۋای کەشی و هونەروو گەریلاینە تەجروبەی گرنگش بەدەسئارڎ. سەرەراو ئانەی وەڵتەر ئەندێشەکۍ رابەر ئاپۆیش ئشناسێبێنۍ، بە پەروەدەو ۋێش جە کەشەنە زیاتەر جە فەلسەفەو رابەر ئاپۆینە قووڵبیۆ. پا هێز و ورۆ کە جە قۆناغەو پەروەردەینە هورشگێرت بەشداریش جە خەباتی پراتیکینە کەرد، جە فرەو مېڎانەکا هەفتانینینە خەباتش بەردڕاوە. هامڕاما شاهین کە چنی دەسپنەکەردەو هجومەکا دوژمنی بەشداریش جە چالاکییەکانەکەرد، کە جە هەفتانین ئەنجامدریا. هامڕاما بە بەشداربیەی ئازایانەو ۋێش پاسەش کەرد کە گورزەی قورسە جە دوژمنی بڎریۆ، بی بە جەنگاوەرێوە کە گرڎوو هامڕاکاش بەمەڵامەتوو پراتیکی سەرکۊتانەی بە نمونە هۊرگێرا.

شاهین کە یەرۍ ساڵۍ هەرێموو هەفتانینینە پراتیکنە بۍ،  بە ئەزموون و هەڵوێستی ڕۊشنش هاڕمانە دژوو دوژمنی بۍ و گەریلێوە چەنەئاما بێ. هامڕاما کە فرسەتوو ئشناسای گردوو هەرێمەکاو هەفتانینیش بەدەس ئارد، بۊنەو زاڵبییەی سەروو ئشناسای هەرێمەکەیرە، زانابییەی و ئەزموونی پێویسش پەی گەریلایەتی پەی گەریلایەتیێوە کاریگەر بەدەس ئارد. دماو ساڵەو ٢٠١٨ هامڕێما کە چوارچوەو پڕۊژەو واوەی ڕێکوستەیوە گەریلاینە بەشدارییش قۊناغوو پەروەرڎەینە کەرڎەبۍ، ئەکادیمیاو سەروازیینە، کە ماوەو دووۍ ساڵا چاگە بۍ، وێش بەتەمامەتی پەی گەریلایەتیی سەرڎەمی تازەی ئامادە کەرد. هامڕێما کە فرەو ڕواوە وێش پەروەرڎە کەرد، تاکتیکوو گەریلاییوە تا قۊناغەکاو بەکرڎەوەکەرڎەی ئا تاکتیکە و بەکارئارڎەی ئا چەکا چا قۊناغەنە بەکارۍ مەیا، پێسە گەریلاێوە پسپۊڕی و شارەزای جارێوە تەر ڕووەش کەرڎۊ مەیدانوو کرداری. هامڕاما شاهین کە نزیکەو ساڵێوە زاگرۊسنە گەریلایەتییش کەرد، چەنی هەستەربییەیۊ هجوومەکاو دوژمنی پەی سەروو هەرێموو هەفتانینی، جارێوە تەر دیکە ڕووەش کەرڎۊ هەفتانینی، سایۍ زاڵبییی و ئشنای هەرێمەکەی، ڕاستەوخۊ بەشدارییش جە چالاکیی کاریگەرنە دژوو دوژمنینە کەرد  و سەرمەشقایەتییش کەرد. هامڕاما شاهین بە چالاکییەکاش پەشتڕاسش کەرڎۊ، کە ڕۊحوو مدرامانی هەرێموو هەفتانینینە، کە هجوومەکاو دوژمنیش دلێنە هەسۍ بیێوە بەزیندەیی مەنێنیوە و گرنگیی تاریخییش هەفتانیننە پەی کۊشیایی ئێمە جارێوە تەر کیتر وزیا ڕووە.

هامڕاما شاهین کە گەرەکش بۍ باروو سەروو شانەو هامڕایاش دژوو هجوومە وەرفراوانەکاو دەوڵەتوو تورکی قڕکەری تونێلەکاو مدرامانینە هەرێموو ئاڤاشین، زاپ و مەتیناینە سووکۍ کەرۊ، پا ئامانجیوە پڕاوە پەی هەرێموو مەتینای. هامڕاما شاهین کە میراتوو هامڕایاما ڕابەر، هێژار، سەما، نوری و ڕۊژهاتیش ورگێرتەبۍ، کە بە ڕەنج و قوربانیدای گەورە ئامابۍ دی، پەی خاوەنداری جە  یادوو گەشمەردا هەوڵێش دۍ زیاتر پەرە بە مدرامان بدۊ. هامڕاما چەنی ئا تیمە گێڵیارا بەشدار بی دژوو دوژمنی چالاکیی کاریگەرشا کە و باروو هامڕایاشا تونێلەکاو جەنگینە سووک کەرد، هامڕاما شاهین کە هەستش پانەیە کەرڎەبۍ، کە چەنی هەر گورزدایوەنێوە وەنەو دوژمنی، زیاتەر جە سەرکەوتەی نزیک بۊوە، بەرڎەوام جە شۊنیرەلواینە بۍ تا گورزی دماین وەنەو دوژمنی بدۊ. دماتەر پڕاوە پەی تونێلەکاو جەنگی کەشوو ئۊرتێنە و چایچ بەرڎەوام بی بوو سەروو پەیجورییەکاش. هامڕاما پەی وەڵێوەلوای جەنگی تونێلەکانە ڕەنجی فرەش کێشا و ئا ڕەنج و مدرامانە گەشکەرڎەی مدرامانینە یەکلاییکەرەوە بێ. هامڕاما شاهین و هامڕێکێش  دژوو گرد چەک و تاکتیکێوە دوژمنی ئۊرتێنە  تونێلەکاو جەنگیشا فاڕۍ پەی قەڵایەکاو مدرامانوو ئی سەرڎەمەیە و تارێخوو کۊشیایمانە چیرۊکێوە تازۍ قارەمانانێشا نویستۊ.

سوپاو تورکی ئەرەگیرکەری، کە وەرڎەموو مدرامانی ئەفسانەیی هامڕاما بێچارە مەنەنۊ، فرەو جارا بە چەکی کیمیایی و بۊمبی ئەتۊمی تاکتیکی هەوڵێش دۍ بیاوۊ ئەنجام. هامڕاما شاهین چا هجوومانە گەشمەرڎە تا دما هەناسەش داکۊکییش وەنەو دڵسۊزی یوێش پەی ڕابەر ئاپۊی و پەکەکەی ئرمانا. هامڕاما شاهین کە هەم بە دەنگی ناوازەش و هەم بە گەریلایەتیی شارەزایانەش پەی هامڕایاش بی سەرچەمەو هێزی و ورەی، ئا کۊشیایما بەرڎەوام یادش کریۊوە و وەعد مدەیمۍ کە بەدڵنیاییوە کۊشیایش  بەرەو سەرکەوتەی بەرمێ. 

جوان منبج 

هامڕێما جوان منبجە بنەیانێوە وەڵاتپارێزنوو گەلوو عەرەبیمانە پەیدۍ بیێنە. بە کولتوور و ئەخلاقی قووڵوو گەلوو عەرەبی جە بنەیانێوەنە ورگێرۊ و پا بەهایا گەورۍ بییە. هامڕێما ماوێوە فرە چێروو ئەرەگیرکاریی چەتەکاو داعشینە شاروو مبنجینە ژیوێنە، ڕوخساری هەقەتینوو ئا چەتاشە ئشناسان، کە چی پرۊسەنە ئیسلامی پێسە دەمامکێوە بەکار مارا. هامڕێما حەر زوو ئانەش دی، کە چەتەکاو داعشی حیچ جە بەها ئینسانییەکا نەیاوێنێنە، چێروو نامۍ ئیسلامینە خەریکوو چەواشەکارینێ. پەوکایچ پێسە گردوو ئا کەسا، کە ناچارۍ بیۍ چێروو ئەرەگیرکاریی چەتەکانە بژیوا، هامڕا جوانە و بنەیانەکەش چەمەڕۍ ئا ڕوەیە بێنۍ،  کە پا زوانە ئازادیی وێشا خۊیان بەدەس بارا. هامڕا جوانە و بنەیانەکەش بە گردوو هێزیشاوە، ئازادیی وەرنیشی سەروو  بنەماو ویرۊکەکاو ڕابەر ئاپۊی پەی ئازادیی گردوو گەلاو سوریای کۊشیۍ، بە گردوو توانایشاوە باوڕشا پاسنە بۍ، کە ساڵەو ٢٠١٦ینە مەنبەج ئازاد کریۊ، ئا هێز شێکس بە داعشی مارا. دماو ئانەیە  هێزەکاو ئازادیی وەرنیشتی بە بەدیلی فرەوە منبجشا ڕزگار کەرد و خەڵکوو منبجیشا تاریکیینە بەرئارد، هامڕا جوانە دەرفەتوو ئانەیش پەی ڕەخسیا، کە نزیکۊ ڕێبەر ئاپۊی بشناسۊ. دماو ئا یاواینەنە، ئیتر چا باوەڕەنە بێنا  گردوو گەلا تەنیا دەوروو ئی ویرۊکەینە ئازادیی هەقەتینوو وێش دەس وزۊ. پی ویرۊکەرڎەیە هامڕا جوانە بەشدارییش هێزەکاو ئازادیی وەرنیشتینە بۍ، هامرێما دماو ویەرنای پەروەرڎەی خاستەری ڕابەر ئاپۊش ئشناسا، حەر ئەوەڵۊ هەستش پانەیە کەرد، کە قەرارێوە دروسش دان. داوە. حەر وەروو ئینەیە هامڕا جوانە بە گردوو توانایەکاشۊ کۊشیا و بە ویەرڎەی وەختی فاڕیای گرنگ جە کەسایەتیی هامرێمانە ئاما ئاراوە.

هامڕا جوانە سەرسامە بۍ بە هامڕایەتی و دۊسایەتیی شۊڕشگێڵنانەی ئاپۊیی، فرە هەوڵێش دۍ تا بۊ بە هامڕێوە خاسە و دروسەو هامڕایاش. دماو ئانەی جە ڕووەو ئایدیۊلۊژی و سەروازیوە پەرەش بە وێش دا، گنۍ قسەوباسەکاوە پەی وێستەیۊ ڕاگێری سەروو هجوومەکاو سەروو گەلەکەیما. پێسە گەنجێوە جەنگوانۍ عەرەبۍ خەڵکوو سەرنیشت و وەرکەوتوو سوریای، هەمیشە چالاکانە بەشدارۍ چالاکانەش بۍ پەی جوابدایۊ هجوومەکاو دەوڵەتی ئەرەگیرکەروو تورکی وێزێوە، کە دوژمنی هامبەشوو گردوو گەلا. هامڕێما پەی بەیاگەیاونای و وەرپەرسییەکا بەرڎەوام هەوڵۍ و مانیای فرە وزۍ سەروو شانەی. بۊنەو هجوومەکاو دەوڵەتوو تورکیوە پەی سەروو گەلەکەیما سەرنیشت و وەرکەوتوو سوریاینە، کە ڕۊ دماو  ڕۊی جیددیتەر بۊ، تووڕەیی فرەش لاو هامڕا جوانێوە وەش کەرڎەبێ. گەرەکش بۍ ئی تووڕەییەی کەرۊ بە ئامیانوو کۊشیایێوە کاریگەرتەری. هامڕا جوانە کە بە ئیرادێوە بەرزۊ قەرارش دا کەشەکاو کوردستانینە درێژە بە کۊشیای وێش بدۊ، ڕووەش کەرڎە کەشەکاو کوردستانی، بەتایبەت قۊناغێوەنە کە هجووموو دوژمنی پەی سەروو هەرێمەکاو پارێزنای مێدیای دەسش پەنە کەرڎەبێ.  

هامڕاما جوانە دماو یاوایش بە کەشەکاو کوردستانی سەرسامە بۍ بە سروشتی و کەوتە چێروو کاریگەریی پەیوەندییەکاو هامڕایاوە و دڵسۊزیی قووڵش پەی هامڕایاش بۍ، هەمیشە هەوڵۍ دۍ بۊ بە میلیتانۍ خاسەی ئاپۊییە و هامڕێوە خاسەو هامڕایاش. پەوکای لاو هامڕایەکاشۊ وەشەسیۍ و بەهاش دریۍ پەنە. هامڕا جوانە کە بە ئاستێوە بە وانایۊ بەدەسش ئارڎەبۍ تاواش بۊ بە ملێتانێوە ئاپۊییە و بەتەمامی وێش فیدایی کۊشیای شۊڕشگێڵنانەی کەرڎە. فرە خاس هاگادارەو سیاسەتەکاو دەوڵەتی ئەرەگیرکەروو تورکی بۍ، چانەیە یاوانە کە هجوومەکۍ پەی سەروو هەرێمەکاو پارێزنای مێدیای جە چوارچوەو ئا سیاسەتانە کە کریا. هامڕاکێما، کە زانۍ ئەگەر دەوڵەتوو تورکی بە ئامانجەکەیش بیاوۊ، ئینە ماناش ئانێنە گردوو گەلاو وەرکەوتوو دلێڕاسەی ئازادیی وێشا جەدەس مدا و وەروو ئینەیچە پێسە قارەمانێوە گەلوو عەرەبی قەت ئینەی قبووڵ نەکەرێ. جە مەیدانوو جەنگینە پەرەش بە کۊشیای دا و بییە بە شارەزاو تاکتیکی گەریلایی سەرڎەمی تازەنە. ڕووە کەرۊ مەتینای ئا وەختە هجوومەکاو دوژمنی قورسۍ بێنۍ، تونێلەکاو مدرامانوو کەشوو ئۊرتۍ بەشدارەو مدرامانی و کۊشیای بۊ.

هامڕاما جوانەما کە شان بە شا چەنی هامڕایەکاش تونێلەکاو جەنگینە، کە هجوومەکاو دوژمنی تەنانەت پەی دەیەقێوەیچ نەمردا، مدرامانی تارێخییش نیشانە دا؛ بە کەسایەتیی گەنج و دینامیکی زیندەوە، دەورێوە گرنگش جەنگوو تونێلەکانە بۍ، پێسە هەرمانەوهامڕایاش یاونا یاگێ. دەوڵەتی ئینسانکوشوو تورکی، کە سەرەڕاو بەکارئارڎەی گرد جۊرە چەکێوە، نەتاوانش ئیرادەو هامڕایاما ئۊرتێنە ماڕۊ، جارێوە تەر گەرەکش بۍ بە چەکی کیمیاوی و بۊمبی تاکتیکی ئەنجام ورگێرۊ. هامڕا جوانە کە گیانوو وێش چانە  بەخت کەرد و ناستش دوژمن ئیرادەش ماڕۊ و کەسایەتیی وێشنە نوێنەرایەتیی هەڵوێستی شۊڕشگێڵنانەی ئاپۊیی کەرۍ، تا دما هەناسەش بە دڵسۊزی پەی فەلسەفەو ڕابەر ئاپۊی و یادوو هامڕیا گەشمەرڎەکاش کۊشیا. هامڕا جوانە گەنجێوە بەڕێزە و قارەمانەو گەلوو عەرەبوو ئێمەنە، هەمیشە بە پاکی و ڕاسواچی و پەیوەندییش بە بەهاکاو ئازادییوە یادش کریۊوە و یادەوەرییەکەش کۊشیایی شۊڕشگێڵناناینە بەزیندەیی مەنۊوە.

ژیان تیمۊقییە

هامڕاما ژیانە ئێلیحنە پەیدا بییە. هامڕاما عەشیرەتوو تیمۊقینە کە یۊ چا عەشیرەتە بەنرخانە، کە ڕۊو ئەرەمەرزنای پەکەکەیۊ بەرڎەوام پەشتیوانییش جە کۊشیای کەرڎەن و چندین ڕۊڵۍ وێش کیانێنۍ دلۍ ڕیزەکاو پەکەکەیۊ. وەروو ئانەی هامڕاما ژیانە زارۊییوە کۊشیایی ئێمەس ئشناسا. وەرووئانەی جە دەوروبەرشنە و جە عەشیرەتەکەسنە چندین کەسۍ بەشدارۍ ڕیزەکاو گەریلاینە  کەرڎەبۍ و دلێشانە گەشمەردۍ بێنۍ،  ئانەیچ کاریگەریێوە گەورەش سەروو هامڕێما نیارە و بییە بایسوو ئانەی وەشەسیای گەریلای دڵشنە پەیدا بۊ. هامڕێما جە گەنجیی وێشنە دەسش بە خەباتوو گەنجە وەڵاتپارێزناوە کەرد و لاێوە گەرەکش بۍ وەاوەروو  ئەقڵیەتی قڕکەروو دوژمنیوە گەلەکەما وریا کەرۊوە و لێوە  گەرەکش بۍ و دەوروبەرەکاش و ڕاسییی دوژمنی  نزیکۊ بشناسۊ. هامڕێما وەختۍ چانەی یاوانە، کە دوژمن بە شێوێوە سیستماتیک هجوومی قڕکاری سەروو گەلەکەیماوە پەیڕەو کەرۊ، یاوا ئا بڕوۍ کە هجوومەکاو دوژمنی تەنیا بە وەڵێوەبەرڎەی هۊشیاریی وێپارێزنای کۊمەڵایەتی مسۊگەر بۊ. چا ڕووەوە جە خەباتەکانە داراو ڕەنجێوە گەورەی بێ. حەرچندە پارتەکەما پەکەکە دلۍ گلێرگەینە هۊشیاریی تازەبییەیۊ و هۊشیاربییەیۊش ساز کەرڎەبۍ، هەڵای جە ڕووەو تندوتیژیی دژوو ژەنا و قبووڵنەکەرڎەی ئازادیی ژەنانە کەموکوڵی بەرۍ گنێنێ. پەرسەو ئازادیی ژەنا چەنی کرڎەوەکاو دەوڵەتوو تورکی ئەرەگیرکەری دلۍ گلێرگەینە کێشۍ گەورێنێ. ئانەیچ بۍ مایۍ ئانەی هامڕاما ژیانە سەروو ئانەیە قووڵتەرە بۊوە، ئانەیچش پێسە  سەرەکیتەرین کۊشیایش پەی وێش دەسنیشان کەرد. بە قووڵبییەیۊ و شێوازوو کۊشیای وێش  سەروو ئا بنەمۍ ئەزموونی گرنگش بەدەس ئارد.  هامڕێما حەرچەندە داراو کۊشیایێوە کاریگەری بۍ، چا بڕوێنە بۍ، کە دژوو ئەقڵیەتوو باڵادەسوو پیایا تەنیا کۊشیایی چەکداری بۊ بە جواب. هەمان وەختەنە گەشمەرڎەبیەی قەومێوە نزیکیش؛ هامڕا ژیانە (سەمرا تونچ)ە، بییە بایسوو ئانەی هامڕاما ژیانە کۊشیایی هامڕێما پێسە گەریلۍ درێژە پەنە بدۊ و چی ڕووەوە قووڵتەرە بۊوە. ساڵەو ٢٠١٥ کە هجووموو قڕکەرڎەی سەروو گەلەکەیماوە زیاتەرۍ بێنۍ، هامڕاما ژیانە سەروو بنەماو یادکەرڎەیۊ گەشمەردا و وەنەپێتەیۊ چا هجوومانە سەروو گەلەکەیماوە زیادشا کەرڎەن، ڕووەش کەرڎە کەشەکاو کوردستانی و هەرێموو گارزانی تێکەڵ بە ڕیزەکاو گەریلای بییە.

هامڕاما ژیانە  نامۍ کناچە ماموۍ وێش، هامڕاما ژیانە (سەمرا تونچ)ەش ورچنییە و ژیوای گەریلایەتییش پێسە سەرەتاێوە تازە پەی وێش قبووڵ کەرد. هامڕاما فرە بە شێوازی کۊمۊناڵ و هامڕایەتی قووڵوو ژیوای گەریلای کاریگەر بی و ژیوای پەکەکەیش پێسە ڕاو یاوایش بە ڕاسی ورسەنگنا. مامەڵە و ورسونیشتوو ڕێزدارانەو هامڕایاما وەراوەر بە یۊی و پەیوەندیی پتەوو ئادیشایچ کاریگەریی گەورەش سەروو  هامڕا ژیانێوە نیارە. هامڕاما ژیانە جە ڕاو پەروەرڎەو وێشۊ ماوێوە فرە کەمنە فێرەو ژیوای گەریلای  و ژیوای کەشی بییە، بە قووڵبیەیۊی قەوەت جە کەسایەتیی وێشنە ورچەرخیای گرنگش کەرد. هامڕاما ژیانە تا بەشیوێوە کارا بەشداریی جە قۊناغوو جەنگی دژوارینە کەرۊ بێت بە پێویسش زانا وێش بواروو سەروازیینە وزۊ وەڵۍ، تا بەشداریی هەڵمەتەو ڕزگارکەرڎەی ئێزدییەکانە دەسوو چەتەکاو داعشیوە کەرۊ، ڕووەش کەرڎە شەنگالی. هامڕێما چاگە بە شێوێوە کارا بەشدارییش جەنگوو دژ بە چەتەکاو داعشینە کەرد و  جە ڕووەو سەروازییوە ئەزموونی گرنگش دەس وست. هەرپاسە ئینە بی بە فرسەتێوە پەی هامڕێما کە ڕاسیی گەلەکەیما نزیکۊ بشناسۊ و فرە بە کۊشیایی ژەنە ئێزدییا دژوو چەتەکاو داعشی کاریگەرە بێ. هامڕێما هەرێموو ئاڤاشینینە درێژە بە کۊشیایی وێش دا ٤ ساڵۍ چا وەڵتەر  چا هەرێمەنە بە شێوێوە کارا دلۍ ڕیزەکاو گەریلاینە بەشدارە بییە. هامڕاما هەرێموو ئاڤاشینینە کە ئا وەختە جەنگ چاگە  دژوار بۍ و دژوو دەوڵەتوو تورکی ئەرەگیرکەری فرەو چالاکییانە بەشدارە بۍ و بە ئازایەتییش و بە تووڕەیی و قینۍ قووڵێش وەراوەر پا دوژمنی پاسەش کەرد، کە ئەنجای سەرکەوتانەش بەدەس بارۊ

هامڕاما ژیانە بە بەشداریی چالاکانەش چالاکییەکانە و هەڵوێستوو وێش  بییە بە  نموونە پەی  هامڕایاش و هەمیشە پێسە گەریلایێوە یەژا ستاری وێش وزۍ وەڵێ. بە ئەزموونکەرڎەی تاکتیکی تازەی گەریلایی،  کۊشیایینە قووڵتەرە بییۊ و دەورێوە گەورەش جە بەیاگەیاونای تاکتیکەکانە بێ.  هەبوو. دماو چالاکییە سەرکەوتەکاش هەرێموو ئاڤاشین، هامڕاما گەرەکش بۍ ئایدۊلۊژیا و خەتەو ژەنۍ ئازادێنە گنۊ وەڵۍ و پا ئامانجەیچە بەشداریی پەروەرڎەو ئەکادیمیاو گەشمەرڎە بێریتانۍ بی. 

هامڕا ژیانە گرنگیی فرەش پا ئەکادیمیایە دا، تافرەتەرین ئیسفادە جە پەروەرڎەی کەرۊ و کەسایەتییش چی  بوارەنە پەرە پەنە بدۊ. هامڕا ژیانە مزانۊ چارەسەروو سیستموو پیاسالاری یاواینەین جە ویرۊکەکاو ڕابەر ئاپۊی، جە ئەنجاموو پڕۊسەو پەروەرڎەی و ئارڎەینەینە فاڕیای گەورە جە کەسایەتیی هامڕا ژیانێنە ڕووەش دا و هەمیشە بەرڎەوامە بۍ جە بەیاگەیاونای فاڕیایەکانە. هەرپاسە هامڕا ژیانە ژەنێوە ئازادەو پاژکی بۍ، پێسە هامڕایاش هەڵوێست و ئیرادەی گەورەش بەدەس  ئارد و دماتەر لوا هەرێموو مەتینای کە جەنگەکە چا قورس بێ. ئامادەیی ئانەیش بۍ  پەی ئا پرۊسە سەختەیە بۊ بە جوابێوە. هامڕا ژیانە بە جۊشوخرۊشێوە فرەوەو تونێلەکاو جەنگینە و فرە بوارانە مەتینانە یاگێش گێرتە و بە هەمان جۊشوخرۊشۊ پەرەش بە مدرامانی و کۊشیای دا. هەرپاسە کەشوو ئۊرتێنە پەی فاڕای تونێلەکاو جەنگی هەوڵێوە گەورێش نیشانە دا بۊ بە قەڵێوە مۊدێرنە و چەنی هامڕایاش گرد جارێوە هجوومەکاو دوژمنی پووچەڵۍ کەرێوە. هامڕا ژیانە گەرەکش بۍ، مدرامانی شۊڕشگێڵنانەو زەندورای و کەشوو هەکاری و ئۊرتۍ بیاونۊ سەرکەوتەی و پەی ئینەیچ گرد  کۊشیایێوەش کەرد.

هامڕاما جوابوو گردوو هجوومەکاو دوژمنیش داوە و  نیشانەش دا کە قەت یاگێش بە دوژمنی مەدۆ، هامڕاما جە ئەنجاموو بەکارئاردەی چەکی کیمیاوی و بۊمبی ئەتۊمی لاو دەوڵەتی ئەرەگیرکەروو تورکیوە گەشمەردێ بییە. بە کۊشیایی خوێش بییە بە کۊشەرێوە نموونەییە پەی گردوو ژەناو کوردی و نامێ وێش بە ئاوەو ئاڵتوونی لاپەڕەکاو تارێخیینە کۊشیایی شۊڕشەکەیمانە تۊمار کەرد.