هەپەگە ئامارەو جەنگوو ئەوەڵ مانگەو ساڵەو ٢٠٢٤یش ئاشکرا کەردە و بە پاو ئەرەیاۋناکەو هەپەگەی جە مانگەو کانوونوو دووەمیەنە جە جەنگ و ئۆپراسیۆنە شۆڕشگێڵنیەکانە ٩٩ سەروازۍ تورکی ئەرەگیری سزادریېنۍ.
هاموەخت سوپاو تورکی ئەرەگیری بە چەکی قەڎەغەکریا شش جارۍ هجومش کەردەن و جە ئاکامەنە ٣ گەریلۍ گەشمەرڎۍ بیێنۍ.
ناوەنڎوو ئەرەیاۋنای و چاپەمەنی هەپەگەی جە بارەو جەنگوو بەینوو سوپاو تورکی ئەرەگیری و گەریلاکاو ئازاڎیی، ئۆپراسیۆنە شۆڕشگێڵنییەکا و ئەنجاموو هجومە ئەرەگیریەکا جە مانگەو کانوونوو دووەم و ساڵەو ٢٠٢٤ ینە ئەرەیاۋنێوەش وەڵاکەردۆ.
بە پاو وردەکاری ئامارەو ئەوەڵ مانگەو ساڵی، جە ماوەو ئی مانگێنە ٧٩ چالاکیۍ گەریلای جە دژوو سوپاو تورکی ئەرەگیری ئەنجامدریێنۍ کە یۊشا ئۆپراسیۆنی شۆڕشگێڵنی بیەن. چا چالاکیانە ٩٩ سەروازۍ تورکی ئەرەگیری بە سزایاوێنۍ، ١٢ ئەرەگیرێچ زامڎارۍ بیێنۍ. جە هەمان وەختەنە ٣ گەریلێچ گەشمەرڎۍ بیێنۍ.
جە چالاکیەکانە ٢١ سەنگەرۍ وڕێنۍ، پەنج کامێرۍ حەراریۍ، ترۊمبێلېوە سەروازی، جبەخانێوە، ٢ مەنتیقۍ لۆجستیۍ، ٣ کۆنتینەرۍ، دووۍ سیستمۍ راداری، کامێرێوە چەمڎاری تەرماڵی و دووۍ چەکۍ ئەی فۆری دلېنەبریێنۍ.
گەریلاکۍ دەسشا سەروو ژمارێوە فرە جە کەلوپەلی سەروازیرە گێرت
گەریلاکۍ دەسشا گرتەن سەروو ٢ چەکا ئۆتۆماتیکی بی کەی سیرە، ٧ چەکۍ ئێم پی تی، پەنج چەکۍ نارنجۆکشانۍ، ١٢ دوربینۍ کە پەنجشا تەرماڵ و حۊتشا دووربینۍ شەوۍ بێنۍ، ئینە جگە جە بڕێوە فرە کەلوپەلی سەروازی تەری.
جە ئامارەکۍ هەپەگەینە ئامان، کە سوپاو تورکی ئەرەگیری چا ماوەنە ٢٣٨ جار بە فڕۆکەی جەنگی هجومش کەردەن. ئەرەیاۋیا کە سەنگەرەکۍ گەریلای ٦ جارۍ بە تەقەمەنی قەڎەغەکریای هجومشا کریان سەر و ١٨ جارۍ درۆنی بە بۊمب چنیا دژوو سەنگەرەکا بەکار ئامێنۍ.
جە ئەرەیاۋناکەو هەپەگەینە ئەرەیاۋییا کە چنی هەلومەرجوو دژواروو زمسانیچ گەریلاکۍ ئازاڎیی کوردسانی جە دژوو هجومە ئەرەگیریەکا، سیاسەتوو گۆشەگیری، قڕکەردەی، ئەسڕیەیۆ و نکوڵی بە شێوێوە تاریخی مدرامان کەرا و ئانەیچ ئامان، " گەریلاکاو ئازاڎیی کوردسانی هامن- زمسان جە گرڎ مېڎانێنە، جە گرڎ یاگۍ و جە گرڎ ساتێوەنە ۋێشا یاونان پا ئاستیە کە جە کۊشیای ئازاڎیی گەلەکەیمانە دەسکۊتێوە گۊرەن. گەریلاکێما بە شێوێوە بەقوەت دەسشا بە ساڵەی تازۍ کەردەن، ئاراسە و رەوتوو کۊشیای ساڵەو ٢٠٢٤یشا دیاریکەردەن و ڕاو سەرکۊتەیشا دیاری کەردەن".
ئەرەیاۋناکەو هەپەگەی سەروو ئی مژاریە پی جۆرەنە:
"گەریلاکۍ ئازاڎیی کوردسانی جە ئەوەڵ مانگەو ساڵەو ٢٠٢٤یچەنە درێژەشا بە مدرامانی تاریخی ۋێشا جە دژوو نکوڵی، ئەسڕیەیۆ، قڕکەردەی، سیاسەتوو گۆشەگیری و هجومە ئەرەگیریەکا. هێزەکێما کە جە هەلومەرجی دژواروو زمسانیچەنە ۋەرپەرچوو هجومەکا دەوڵەتوو تورکی ئەرەگیری مڎاوە، بە چالاکی و ئۆپراسیۆنە شۆڕشگێڵنییەکا پێرفۆرمانسێوە گرنگوو جەنگیشا خوڵقنا. گەریلاکۍ ئازاڎیی کوردسانی پا ئاستەی سەروو بنەماو سەرجە نۆ ۋۍ ڕێکوستەیۆ پنەش یاوێنۍ، بە قاڵبیەیۆ جە تاکتیکی، پێرفۆرمانسی بەرزی، شارەزایی جە جموجۆڵ و رێبازوو چالاکینە، سەلمناشا کە تێزوو جەنگوو هەپەگەی راس و دروسا. جارێوەتەر ئانە وینیا کە وەختێوە گیانی فیدایی ئاپۆیی، رێبازوو تاکتیکی گەریلایی مۆدێرنیتەی دیموکراتیکی بە قەرارداریۍ گۊرۆ جابەجێ کریۆ، هیچ هێزێوە مەتاوۆ ۋەران ۋەرش مردۊوە، کریۆ گرڎ جۆرە تەکنەلۆژیێوە دوژمنی دلېنە بریۆ. چالاکی و ئۆپراسیۆنە شۆڕشگێڵنییەکا هێزەکاما هەم گورزەی قورسەشا جە سوپاو تورکی ئەرەگیری شانا، هەم رژێموو ئاکەپە-مەهەپەی فاشیستیش لەرناوە، هەمیچ نیشانەشدان کە سیاسەتوو قڕکەردەی کە پەشتی بە نکوڵی و ئەسڕیەیۆ بەسۆ مەتاوۆ بیاوۆ ئەنجام.
گەریلاکاو ئازاڎیی کوردسانی هامن- زمسان جە گرڎ مېڎانێنە، جە گرڎ یاگۍ و جە گرڎ ساتێوەنە ۋێشا یاونان پا ئاستیە کە جە کۊشیای ئازاڎیی گەلەکەیمانە دەسکۊتێوە گۊرەن. گەریلاکێما بە شێوێوە بەقوەت دەسشا بە ساڵەی تازۍ کەردەن، ئاراسە و رەوتوو کۊشیای ساڵەو ٢٠٢٤یشا دیاریکەردەن و ڕاو سەرکۊتەیشا دیاری کەردەن.
هامڕێما سەرخۆبوون سەرحەد، رزگار چاوڕەش و ژێهات کە بە رۆحی فیدایی ئاپۆیی بەشداریشا جە کۊشیای دژواروو مانگەو کانونوو دووەمینە کەرد، گرڎ جۆرە دژواری و ئاستەنگیێوەشا ماڵارە و گورزەی قورسەشا جە دوژمنی شانا و گەشمەرڎۍ بیۍ. هامڕا قارەمانەکێما پا ئاستەیشا کۊشیاو ئێمەیشا یاونا بە ئاستێوە بەرز. ئێمە جارێوەتەر وەعد واوەی کەرمۍ، کە ئێمە سەروو رێبازوو هامڕایاما ڕاکەرمۍ و ئامانجەکاشا بیاونمۍ بە سەرکۊتەی.
ئامارەو جەنگی جە مانگەو کانوونوو دووەمینە پی جۆرەنە:
هجومەکۍ دەوڵەتوو تورکی
هجومەکۍ بە فرۆکەی جەنگی: ٢٣٨
هجومەکۍ بە تەقەمەنی قەڎەغەکریا: ٦
هجومەکۍ بە درۆنی بە بۊمب چنیای: ١٨
ئا هامڕێما کە گەشمەرڎۍ بیۍ: ٣ هەڤاڵۍ
چالاکیەکاو گەریلای
کۆو گرڎیی چالاکیەکا: ٧٩
ئۆپراسیۆنی شۆڕشگێڵنی: ١
چالاکی سابۆتاژ: ٢
چالاکی هەماهەنگی گەریلای: ٣
چالاکی نیشانە ماڕۍ: ٦
چالاکی دەسوەردای و جەنگی: ٢٢
چالاکی بە چەکی قورس: ٤٥
کوشیۍ و زامڎارەکۍ دوژمنی
ئا ئەرەگیرۍ کە بە سزایاوێنە: ٩٩
ئا ئەرەگیرۍ کە زامڎارۍ بیێنۍ: ١٢
ئا کەرەسە سەروازیۍ کە دلېنە بریێنۍ:
ترۊمبێلی سەروازی: ١
جبەخانە: ١
یاگۍ لۆجستیە: ٢
شۊنماو مەنەیۆ: ٧
کۆنتینەر: ٣
خێمۍ: ٢
سەنگەر: ٢١
سیستموو راداری: ٢
کامێرەی حەراری: ٥
کامێرەی چەمڎاری تەرماڵ: ١
سیستموو پەیوەندی: ١
درۆنی بەبۊمب چنیا: ١
ژێنڕاتۆر (مۆلیدە): ١
چەکی ئەی فۆر: ٢
نارنجۆکشانی زنجیردار: ٢
تەلەفونی موبایل: ٨
ئا ئامێرۍ کە گورزەشا ونە شنیێنە:
حەفارە: ١
گەڵابە: ١
کۆنتینەر: ٢
سەنگەر: ٢٠
ئا چەک و کەلوپەلە سەروازیۍ کە دەسشا سەرەرەگیریان؛
چەکی نێم ئۆتۆماتیکی بی کەی سی: ٢
گولۍ بی کەی سی: ٢٠٠
چەکی نارنجۆکشان: ٤
چەکی نارنجۆکشانی یەک دانەیی: ١
چەکی ئێم پی تی-٥٥: ٧
گولۍ چەکی ئێم پی تی- ٥٥: ٢٥٠
کامێرەی تەرماڵ: ٥
دوربینوو شەوۍ: ٧
لەیزەروو چەکی: ٢
دوربینوو چەکی: ٥
ئامێروو دەسنیشانکەردەی چەکی: ١
ئامێری بێتەل: ٢
باتری ئامێروو بێتەلی: ١
بلاجیکتۆر: ٢
کاردی: ٢
بۆمبی دوکەڵ: ٣
باتری دووربینوو تەرماڵی: ٥
هێلەکی گولەنەبڕ: ٣
پاڵتاوی (قەمسەڵە) سەروازی: ٢
بیستۆک (هێدفۆن): ٢ ".
