ناوەندوو ئەرەیاونای و چاپەمەنیی هەپەگەی سەبارەت بە دووێ گەریلا گەشمەردا ئی ئەرەیاونایەشە وەڵا کەردۆ: 

"لە ماوەی مانگەو دمایینە دوژمن هەرێمەکاو گاباری و مەیدانەکاو ماوا، هەزەخ و کەربۆرانوو گابارینە بە بەردەوامی ئۆپەراسیۆنێش کەردێ. ئەنجامدا. هامڕێما جیا جە هەزاران سەرواز، بەکرێگیریایا و کۆنترایا،  هەرێموو گابارینە ڕووبەڕوو تەکنیکی تایبەتوو سوپای ئەرەگیرکەرەو تورکی بیێوە عاسمانەنە و زەمینۆ. بەڵام سەرەڕاو گردوو ئینیشا هامڕێما سەرنیشتوو کوردستانینە سەروو خەتەو فیداییبییەیوە مدرامانشا کەرد و جوابوو گردوو هجوومەکاو دوژمنیشا داوە. بە دەیان هجوومێ و ئۆپەراسیۆنێ دوژمنیشا پووچەڵێ کەردێوە. وەختوو جەنگەکاشانە دژوو دوژمنی، وانەی تارێخییشا بە دوژمنی دا و گورزی قورسشا یاونێ لا. هامڕێما هەرەکۆل و ئەکین شانە بەشانە چەنی هامڕایاما شەڕڤان و ئاخین و بێریتانێ جەنگشا کەرد و فرەو جاری گورزی قورسشا وەنەو دوژمنی دا و دوژمنشا ماڕا. هامڕێما هەرەکۆل و ئەکین  ١٣و تەمموزو ٢٠٢٤ جە ئەنجاموو بۆردومانی هەسوو دوژمنینە گەشمەردێ بیێ. شێوازوو گەشمەردەبییەی هامڕایاما هەرەکۆڵ و ئەکین جارێوی تەر نیشانەش دا کە سوپای ئەرەگیرکەرەو تورکی نمەتاوۆنە لە دژوو ٢ گەریلایا جەنگ بکەرۆ، چونکوم تەرسنۆک و بێئیرادەن.

هامڕامان هەرەکۆل چەنی دووێ برایای تەریش پەیوەندییشا بە ڕیزوو گەریلایوە کەردەن، هامڕاێوی ساعێب کەسایەتی و فرە چالاک بێ، پەڕ بە دڵ شەسیایش پەی گەل و وڵاتەکەیش بێ، هەبوو، دڵسۆزوو گەشمەردا و کەسێوی ئازا بێ. هامڕاما هەرەکۆڵ شۆڕشگێڵنێوی قەوەت بێ، پێسەو بەحرێوی جووڵەنە بێ، کەس نەتاوێ وەرش بگێرۆ.  حەریاگێونە هەرمانێوەش بدریێ ملەرە، یا هجوومێوە بیێ  پەی سەروو گەلەکەیمان، هامڕاما چابێ. بە ئایدۆلۆژیی ئاپۆییوە ڕۆح و کەسایەتیی وێش پەروەردە کەرد و پێسەو گەریلایێوی نەتەرسی، پێسەو سوپاێوە جووڵە کەرێ. هامڕاما هەرەکۆڵ پێسەو باهۆزێوی شۆڕشی بێ، فرەو هەرێمەکاو پارێزنای میدیاینە و  مەیدانەکاو شۆڕشینە و جە گردی گرنگتەر فرەو هەرێمەکاو سەرنیشتوو کوردستانینە بە بەردەوامی کۆشیا. هامڕاما هەرەکۆڵ هەر جە یوەم ڕۆوە کە بەشدار مبۆنە  تا ڕۆو گەشمەردەبییەیش بە هەرمانە و کۆشیایە شۆڕشگێڵنییەکاش، بی بە ئەفسانێوی دلێ هامڕا گەریلاکاشەنە. هیچ وەربەسێو نەتاوێ ڕاگێریی جە هامڕایما هەرەکۆڵی بکەرۆ، جە کەسایەتیی شۆڕشگێڵنیی هامڕای سەرمەشقوو پارتیمانە کەماڵ پیر، گەریلاو سەردەمی تازەو کەسایەتیی وێشنە بنیات نیا و پێسەو فەرماندەو هەرێموو گاباری وەرپەرسیی تارێخییش گێرت گەردەن. هامڕا هەرەکۆڵ سەرەڕاو گرد جۆرە سەختی و زەحمەتیێوە، پەی بەیاگەیاونای وەرپەرسییە تارێخییەکەیش کۆشیای بێوێنەش کەرد. هامڕاما هەرەکۆڵ پێسەو ڕۆڵێو فەداکاروو گەلوو گەڤەری و فەرماندێوی سەرمەشقی تارێخوو کۆشیایمانە ممەنۆوە. فەرماندەی فیدایی و سەرمەشق پێسەو بەرچەم جیلۆ، ڕزگار گەڤەر، ولات هەرینکی، گەڤەر ئەردەم، عەگید جڤیان، ولات گەنچ، عەلی کانیرۆژ، شاهین گەڤەر، تێکۆشەر گەڤەر، ڕۆژبین دێرسیم، چاڤڕێ کاموران و باگەر گەڤەر گەلوو ئێمەی گەڤەریوە سەرەشا وردا و کۆشیای بێوێنەشا تۆمار کەرد. گەلەکەما پێسەو گردوو گەشمەرداو گەڤەری باوشییش پەی گەشمەردە هەرەکۆڵ شیاریشی کەردەو. گەلی وەڵاتپارێزنوو گەڤەریما بەشداریێوی قەوەتشا جە کۆشیای ئازادیی کوردستانینە کەرد و بە پایتەختوو سەرەوردایەکا ئشناسیا، ئا گەلە هەرگیز وێشا تەسلیموو دوژمنی نەکەردەن، بە هەزارا ڕۆڵێ وێشا بەشدارێ ئی ئەم ڕێبازەیە کەردێنێ، بە هەمان شێوە خاوەنداریی جە هامڕا هەرەکۆڵ شیاری مکەرا. بێگومان گەنجێ سەرەوردەرێ و یارێ گەڤەری ڕێبازوو فەرماندە هەرەکۆڵ شیاری مگێرانە وەر و چەکەکەیش هورمگێراوە و کۆشیایەکەیش بە سەرکەوتەی مخەمڵنانە.

هامڕاما ئەکین ئامانۆس تا بۆ بە هومێدوو ئازادی پەی گەلەکەیما و گردوو ژەنا، ببۆ بە خولقنەروو دماتەروو ژیوای ئازاد و گەریلایێوی گەورەی، بەشداروو دلێ کۆشیای بی، بە عەشقێوی فرەوە کۆشیا. پێسەو  گەریلایێوی فیدایی کە دڵسۆزوو ئازادییا، گردوو سەختییەکاش ویەرنێ. سەروو پیمانەکاو پەکەکەی و پاژکی وێش ژیوناوە. گەریلایەتیی یەژا ستارینە بێ بە پسپۆڕییوە، ڕووەش کەردە سەرنیشت و کۆشیا. هامڕاما ئەکین جە ژیوای و جەنگەنە سەروو بنەماو خەتێ فیدایەتیێوە هەنگامەکێش نیێ و بە قارەمانێ کۆشیا و گەشمەردە بی. سەرەوەشیی وێما پەی بنەیانەی بەڕێزوو گەشمەردەی و گردوو گەلی وەڵاتپارێزنوو کوردستانیما بەرموزمێ. وەعدما ئەوەخوای مکەرمێوە سەروو ڕاو هامڕایە فیداییا و ئاپۆییاماوە  هەنگامە بنیەیمێ و ئامانجەکاشا سەربوزمێ و یادکەردەیوەیشا نەوەیان زیندە بازمیوە. 

زانیارییەکێ سەبارەت بە هامڕا گەشمەرداما ئینەنە:

شناسنامێ: هەرەکۆل شیار

نامێ و دمانامێ: تەنەر ئۆغمەن

یاگێ پەیدابییەی: جۆلەمێرگ

نامێ ئەدێ و تاتەی: زوبەیدە – عبدولرەحمان

شۆنەو وەختوو گەشمەردەبییەی: ١٣و تەمموزوو ٢٠٢٤/ گابار

*****

 شناسنامێ: ئەکین ئامانۆس

نامێ و دمانامێ: چنار ئەحمەد

یاگێ پەیدابییەی: قامیشلۆ

نامێ ئەدا و تاتەی: سالیحە- سەعید

شۆنە و وەختوو گەشمەردەبییەی: ١٣و تەمموزو ٢٠٢٤/ گابار."