ناوەنڎو یاۋنەری و چاپەمەنی هەپەگەی ئامارەو جەنگو مانگەو تەمووزیش ئاشکراکەرڎە، بە پاو ئامارەکۍ گەریلاکۍ جە ١٣٠ چالاکیېنە ٧٢ ئەرەگیرېشا سزادېنۍ. گورزەشا جە ٥ کۆپتەرا سکۆرسکی شانان و چا مانگېنە ٧ گەریلۍ گەشمەرڎۍ بیېنۍ.
ناوەنڎو یاۋنەری و چاپەمەنی هەپەگەی ئامارەو جەنگو مانگەو تەمووزیش ئاشکرا کەرڎ. جە ئەرەیاۋناکەو هەپەگەینە ئی مژارۍ وزیېنۍ ڕووە:
"پەیماننامەو لۆزانی کە ۋڵاتەکەماش کەرڎ بە چواربەشۍ، بە ئامانجو ئانەی گەلەکەیما دلۍ سیستمو نەتەوە دەوڵەتەکانە تاۋنۊوە و قرکەرڎەی گەلەکەیما بیاۋنۊ ئەنجام، پایېش نیا سەڎ ساڵەو ۋېشۊ. پەیماننامەکە جە ماوەو ١٠٠ ساڵا ۋېشەنە بی بە مەڵامەتو چنڎین کۆکوژیا، هجومی ئەرەگیری، جە ئاکامەنە گەلوو کورڎی بە سەڎان هەزار گەشمەرڎېش بەخشۍ، گرڎو ناڕەزایەتیە رەواکا گەلوو کورڎی، بە کۆکوژی سەرکوت کریۍ، شناسنامە و داواکاری گەلوو کورڎی پۍ ژیای ئازاڎیی بە نەبیەی نریارە. هەلەو ئانەی بە زۋان، شناسنامە و کولتورو ۋېشۊ سەرو خاکو ۋېشۊ بژیۋۊ و تاۋۊنە چارەنۋیسو ۋېش دیاری کەرۊ کە ئا مافۍ پۍ گرڎو گەلا جەهانی رەوېنۍ، بەڵام پۍ گەلوو کورڎی بە زیاڎە نریېرە و بە داخۊ سیستمی باڵادەسی جەهانی ئا تاوانېشا بە هامبەشی ئەنجامدا. بە بەخشای قوربانی و سەرەڕاو هەڵوێسی پەرتەوازەی و لاوازیەکایچ گەلوو کورڎی سەڎ ساڵېن جە ۋەران ۋەرو ئا فەرمانەو مەرڎەینە قوربانیۍ فرېش بەخشېنۍ و بیەو ۋېش یاۋنان بە ئارۊی. پارتەکەما پەکەکە کە جە ٥٠ ساڵۍ ۋیەرڎەنە سەرمەشقی کۊشیای ئازاڎیی گەلوو کورڎیش کەرڎ، پا ۋەڵۍ کۊتەیەیی کە جە کورڎسان و بەرو کورڎسانی ئارڎ ئاراوە؛ پەیماننامەو لۆزانیش دڕی کە قەرارو مەرڎەی و جە کفن پێچایش سەرو گەلەکەیمارە سەپنابۍ.
دەوڵەتو تورکی قڕکەری کۆلۆنیالیستی و رژێمو جەنگی تایبەتی کە گەرەکش بۍ جە سەڎ ساڵەشەنە ئا پەیمانە کۆکوژیۍ بیاۋنۊ ئەنجام، جە ساڵوەگېڵ و پەیماننامەو لۆزانینە جە ٢٤و تەمووزو ٢٠١٥ ی کۆنسێپتی ۋەرفراوانو قڕکەرڎەیش دەسپنەکەرڎ. چا هەشت ساڵەی ۋیەرڎەنە گەلوو کورڎی و جمیەری ئازاڎیی مدرامانۍ گۊرەش کەرڎ، کۊشیایۍ ئەفسانەییش جە ١٠٠ ساڵی ۋیەرڎەنە نیشانەدا، قوربانیۍ گۊرېش بەخشۍ، بە پارېزناو بیەو ۋېش سەلەمناش کە ئیتر بیەن بە راستیېوە کە مەکریۊ نکوڵیش ۋنەکریۊ و پاکتاو مەکریۊ.
دەوڵەتوو تورکی هجوومە ئەرەگیەییەکێش بۍ مردنای درێژە دۍ پەنە
دەوڵەتوو تورکی قاڕچنی و کۊلۊنیالیستی، کە دوژمنی قەسەموارڎەن جگە جە جەنگی تایبەتیی وێش،جە مانگەو تەمووزی ویەرڎەینە هەوڵێش دۍ ئانە سەد ساڵی ویەرڎەنە نەتاواش کەرۊش سەرجەنۊ کەرۊش وبە هجوومی ئەرەگیری بیاونۊش ئەنجام. جە بۊتاننە، دێرسیمنە، خەرزاننە و هەرێمەکاو پارێزنای مێدیاینە هجوومۍ و ئۊپراسیۊنەکاش بۍ مرڎای درێژە بدۊ پەنە. جە ماوەو مانگەو تەمووزینە سەرنیشتوو کوردستانینە و هەرێمەکاو پارێزنای مێدیاینە ١٧ جارۍ ئۊپراسیۊنش کەرد. ٢٨٣ جارۍ بە فڕۊکەی جەنگی، ١٦٨ جارۍ بە هەلیکۊپتەری هجوومبەر، بە سەدان جارێچ بە کاتیوشا، تانک و چەکی قورس هجوومش کەرد و مەیڎانەکێش بۊردومانۍ کەرڎی. ٩ جار بە تەقەمەنیی قەدەغەکریا هجوومش کەرد سەروو سەنگەرەکاو مدرامانی. ٤ جارێچ دژوو سەنگەرەکاما جە مەیڎانەکاومدرامانوو سیدای و زاپینە، ٢ جاریچ دژوو سەنگەرەکاما مەیڎانوو مدرامانوو کەشوو ئێف ئێموو هەرێموو گەشمەرڎە دەلیلوو وەرنیشتوو زاپینە؛ بە گرڎی ٦ جارۍ بۊمبی ئەتۊمیی تاکتیکی بەکار ئاما.
١٣٠ چالاکی، ٧٢ ئەرگیرۍ سزا دریێ
گەریلاکاو ئازادیی کوردستانی دژوو گرڎوو هجوومەکاو دوژمنی بێمرڎای کۊشیای وەرگێرییشا جە گەلوو کوردی و کوردستانی درێژە دا پەنە. هێزەکێما جە مانگەو تەمووزینە؛ ١٣٠ چالاکیێشا کەرڎی. جە ئەنجامنە ٧٢ ئەرەگیرۍ کە یۊ چانیشا ئەفسەرێوە باڵا بۍ سزا دریۍ و ١٦ ئەرەگیرێچ بریندارۍ بیۍ، هەرپاسە سەیارێوە فرۍ سەروازیۍ و کەلوپەلۍ سەروازیۍ مەڕیۍ و زەرەرشا وەنە دریا.
٧ گەریلۍ گەشمەرڎی بیۍ
گەریلاکاو ئازادیی کوردستانی بە گیانفیدایی و مدرامانی گەورەو ڕۊچۍ مەرڎەی ١٤ تەمووزیوە سەروو خەتەو گەشمەرڎاوە ملا. لە جە مانگەو تەمووزینە هامڕێما میرزا بارگران (میرزا سەزەک)، بەنگین بارمان (هەرۊ کاراتاش) و ڕێدوور سیسەر (گوڤەن ئۊزجان) کە بە هەمان ڕۊح، هۊشمەندی و بڕواوە سەرنیشتوو کوردستانینە کۊشیێنێ؛ هامڕێما ڤیان مێردین (لەیلا ئەلچیئۊغڵو)، زنار سەرچیا (زنار محەمەد عەبدولغەنی)، باوەر ئارین (مەسعود دەمیرکران) و بەرخودان فارقین (سەرڎار مەچین) هەرێمەکاو پارێزنای مێدیاینە گەشمەرڎی بیۍ. جە خەرزانەوە تا مەتینا، جە بۊتانۊ تا زاپ هامڕێما کە بە قەرارڎاری، ڕۊحوو گیانبازی و بڕوێوە بێهامتاوە وێگێرییشا کەرد، بە سەرمەشقایەتیی کۊشیای ئازادیما تێکەڵ بە کارەوانوو گەشمەرڎا بیۍ. هەڵوێستوو سازشنەکەرڎەی هامڕا گەشمەرڎاما، کە تا دماهەناسەشا وێگێری کەرد، بەرڎەوام جە لاو ئێمەوە پێسە هامڕایا ئادیشا بە نموونە منریارە و بۊ مایۍ بەدەسئارڎەی ئامانجی و سەرکەوتەی.
ئاماروو مانگەو تەمووزی:
ئۊپراسیۊنەکاو دوژمنی: ١٧
هجوومەکۍ بە فڕۊکەی جەنگی: ٢٨٣
هجوومەکۍ بە هەلیکۊپتەری هجوومبەر: ١٦٨
هجووم بە تەقەمەنیی قەدەغە: ٩
هجووم بە بۊمبی ئەتۊمیی تاکتیکی: ٦
***
هامڕێما کە گەشمەرڎی بیێ: ٧
هامڕێما، کە بە دیلی کەوتێنۍ دەسوو دوژمنی: ٢
***
کۊی گرڎینوو چالاکییەکاو گەریلای: ١٣٠
چالاکیی سابۊتاژ: ١
چالاکیی هەماهەنگیی گەریلای: ٤
چالاکیی نیشانەماڕێ: ١٧
چالاکیی چەکی قورسی: ٥٢
چالاکیی جەنگی- دایوەنەی: ٥٥
***
ژمارەو ئا ئەرەگیرا کە سزا دریێنێ: ٧٢ یۊشا ئەفسەرۍ باڵان))
ژمارەو ئا ئەرەگیرا بریندارۍ بیێنێ: ١٦
***
ئا چەک و کەرەسە سەروازیۍ کە مەڕیێنێ:
سەیارەی سەروازیی جۊروو ئامارۊک، ١
سیستموو ڕاداری: ٢
سیستموو کامێرای چەمداریی حەراری: ٨
چەکی ئەی ٤: ١
سەنگەر: ٤
سەنگەروو کاتیوشای: ١
پانێلوو وزەو وەرەتاوی: ١
درۊن: ١
ئامێروو بڕیەی پەیوەندییەکا (ژامەر): ١
بۊمبشان: ٢
خەیمێ: ٢
کۊگاو تەقەمەنی: ١
***
ئا ئامێر و کەلوپەلە سەروازیۍ کە گورزشا وەنە دریا:
هەلیکۊپتەری سکۊرسکی: ٥
سەنگەر: ٥
خەیمێ: ١
هـ . ش / س . ز
