هەپەگە ئشناسنامەو گەریلێوەش ئاشکرا کەرد، کە جە هەرێمەکاو پارێزنای مەدیاینە جە ئاکامو هرووژمێوەنە گەشمەرڎەبیەن و چا بارۆ ئەرەیاۋناش، "هەمڕاما دەمهات جەنگاوەرێوە ئاپۆیی بۍ، حەقەتینێوە ئەرەکۊشایش دماو ۋێش جیائاست، کە حەجگیز جە یاڎ نمەکریۆ".
ئەرەیاۋناکەو مېیانو ئەرەیاۋنای و چاپەمەنی هەپەگەی پی جۆرەنە:
"هەمڕاما دەمهات ٩و نۆۋەمبەرو ٢٠٢٤ جە ئاکامو هرووژمێوەنە پەی سەرو هەرێمەکاو پارێزنای مەدیای لووا کارەوانو گەشمەرڎاوە.
هەمڕاما دەمهات کە بە کەسایەتی ۋێشۆ کە جەوهەرەکەش جە گەلو بۆتانیوە سەرچەمە گێرۍ و بە فەلسەفەو رابەر ئاپۆی و بە پەیوەندی هەمڕایانەو پەکەکەی بناغێوە هێقمش سازکەرد، بی بە جەنگاوەرێوە قارەمان، جە سەرەتاو بەشداربیەیشۆ تا دما هەناسەو گەریلایەتیش سەرکۊتەیش بە مەرام گێرت. پەی ئانەیچ سەرو هێڵۊو گیانبازی ۋێش وەڵۍ وست و جە گرڎو ساتەکا ژیۋایشەنە پەی ئانەی ئاستو جەنگاوەری ۋێش جە پراتکیچینە نیشانە بڎۆ، کۊششی تەمامش کەرڎ. هەمڕاما دەمهات کە رۆ دماو رۆی زیاتەر حەقەتینو ئەرەکۊشایش درک پنەکەرڎ، ۋەرو ئانەی سەرەمڕە رووەش جە سەرنیشتوو کوردەسانی بۍ. هەمڕاما زانۍ کە ئا سەرکۊتەیەی جە سەرنیشتوو کوردەسانی بەدەس ئۍ سەرکۊتەی تەمامو کوردەسانین و پەی ئانەی چا مېڎانەنە کۆشش بکەرۆ بە تامەزرۆیۍ گۆرۆ هەوڵەکێش وستۍ گەڕ. هەمڕاما دەمهات کە پېسە جەنگاوەرێوە ئاپۆیی ۋێش بە تەمامی بە ئەرەکۊشای بەخشا بۍ، چکۊ پەنەوازش کەردەبیۍ، گەرەکش بۍ چا بۆ و گرڎ کاتۍ هەوڵ دۍ کە ۋەرپرسیاری ۋێش بە شێوێوە سەرکۊتانە بەیاگۍ بیاونۆ. هەمڕاما دەمهات کە پا تایبەتمەندیا ۋێشۆ پەی گرڎو هەمڕایاش بی بە جەنگاوەرێوە ئاپۆیی نمونەیی، دماو ۋێش حەقەتینێوە ئەرەکۊشایش جیائاست کە حەجگیز جە یاڎ نەشۆ.
پېسە هەمڕایاش قەول مڎەیمۍ کە ئێمە ئا ئەرەکۊشایەو ئاڎیی رادەسو ئێمەش کەرڎەن، بیاونمۍ بە سەرکۊتەی و سەرەوەشی جە گرڎو گەلی وڵاتپارێزنو کوردەسانی و بەتایبەتی بنەیانەی قارەمانو هەمڕا دەمهاتی مکەرمۍ.
ئشناسنامەو هەمڕا دەمهاتی:
ناسنامۍ / دەمهات سلۆپی
نامۍ و دما نامۍ / دەنیز شەن
شۊنەماو جە ئەڎابیەی / شڕنەخ
نامۍ ئەڎۍ و نامۍ تاتەی / مریەم- محەمەد شیرین
شۆنەماو کاتو گەشمەرڎەبیەی / ٩و نۊۋەمبەرو ٢٠٢٤/ هەرێمەکاو پارێزنای مەدیای
