ڕێکوزیاو زوانی و پەرەوەردەو گلێرگەی دیموکراتیکوو شەنگالی مەکتەبوو خەربات قەوالاینە بە بەیاننامێوی ڕۆو زوانوو کوردیش مەبارەک کەرد. بە نامێ ڕێکوزیاکەیوە لاو مامۆساو زوانی کوردییوە بەیاننامەکە ونیاوە.

بەیاننامەکە ئینەنە:

"وەختێو بابەتێو مبۆنێ بە چاند و زوان، ئا وەخت جە بناغەو گلێرگەی میاومێنە، چونکوم هیچ گلێرگیوی بەبێ چاند و زوان نیانێ. زوان حەقیقەتوو ئینسانیا، پەوکای پێویسا خاوەنداریی وەنەو چاندی و زوانیما بکەرمێ.

زوان چالاکییوی بنەڕەتیی ئینسانیا، پەوکای گەر بە زوانوو وێما بنویسمێ و بوانمێوە، ئا وەخت چاند و زوانوو وێما ئاشنێ بیمێ.

زوان پایێوە بنەڕەتییەو گلێرگەیەنە. پەوکای ١٥و گوڵانی پەی زوانی کوردی ڕوێوی تایبەت و گرنگا. پەوکای زوان بە حەرئەلفبێیو بەکار بێ، حەر ئەلفبێیوی تایبەتمەندیی وێش هەنش. بەڵام دلێ گردوو شێوە ئەلفبێیەکانە ئەلفبێی لاتینی حەرە دۆڵەمەندا و فرە بەکارئامان.

١٥و گوڵانی ڕۆو زوانی کوردییا، پیسەو ڕێکوزیاو زوانی و پەرەوەردەو گلێرگەی دیموکراتیکوو شەنگالی ڕۆو زوانی کوردی مەبارەک مکەرمێ و خاوەنداریی وەنەو زوانی و بیەیما مکەرمێ. چون زوان قەڵاێوی سەختە و نەگیریێ ئینسانینە. حەر زوانێو، تارێخ، چاندێ و ئشنساەرەوێوی گلێرگێوەن.

پەوکای مشۆم خاوەنداری وەنەو چاندوو وێما بکەرمێ. بە زوانوو وێما بنویسمێ و بوانمێوە تا حەقیقەتوو وێماما فکر نەشۆوە. چونکوم زوانما حەقیقەتمانە. جارێوی تەر پیسەو ڕێکوزیاو زوانی و پەرەوەردەو گلێرگەی دیموکراتیکوو شەنگالی  ئەم ڕوەیە مەبارەک مکەرمێ. بییەی و شناسنامەیما مپارێزنمی."

دماو وانایەو بەیاننامەکەی، وانیارێ دەسشا کەردۆ بە وانەکاشا.