فەرماندەو گردی هێزەکا ئاسایشو دلېینەو سەرنیشتوو وەرکەوتوو سووریای دەسنیشانشکەرد هرووژمەکێ دۆڵەتو تورکی ئەرەگیری با بەمەڵامەتو زینەبییەیۆ چەتەکا داعشی و ئەرەیاوناش: "گردو هێزو وێما وزمێ گەڕ پەی ئاشتی و سەقامگیریی."
فەرماندەو گردی هێزەکا ئاسایشو دلېینەو سەرنیشتوو وەرکەوتوو سووریای پێوەس بە هرووژمەکا ئی دماییەو چەتەکا داعشی ئەرەیاونێوەش دا و ماچۆ: "هێزەکێما بە گردو هێزو وێشاوە پەی ئاشتی و سەرقامگیریی هەرێمەکەی هەرمانە مکەرا."
جە بەشێوە تەرو ئەرەیاوناکەینە ئاماژە بە هرووژمەکا دۆڵەتو تورکی پەی سەرو بەنداو تشرینی و سردەو قەرەقۆزاقی کریان و جەختکریانۆ چانەی ئی هرووژمێ با بەمەڵامەتو ئانەی شانەو چەتەکا داعشی سەرجەنۆ چالاکییەکاشا ئەنجام بڎانە و ئامان: "چا چوارچێوەنە جە شارۆچکەو شەهبای و دەگاکا دێرەزۆرینە شانەکۍ داعشی خاڵێوە وشکنای هێزەکاماشا کەرد ئامانج. بەڵام بە هۆشیاری هێزەکاما ئی هۆڵە پوچکریاوە و دەسشا بە ئۆپەراسیۆنو پاکەردەیۆ کەرد. ئی هرووژمە دماو چن سەعاتێ جە بەئامانجگێرتەی نوقتۍ وشکنای وادی ئەل ڕەملەی و پانێشتوو حەسەکەی ئەنجام دریا."
جە ئەرەیاوناکەینە جەختکریانۆ چانەی کە ئی هرووژمێ حیچ کاتێ دوورشا نمەوزۆوە جە ئەرکو پارێزنای خاکی و ئەرەیاونانشا: "هێزەکێما بانۍ بە قەڵغانو پارێزنای کە ئارامی و ئاسایشو هەرێمەکا پارێزنا و بە گردو هێزو وێماوە هەرمانە مکەرمێ پەی ئاشتی و ئاسایشو هەرێمەکەی".
