جە چوارچێوەو هەڵمەتەی مېیاننەتەوەیی "ئازادی پەی عەبدوڵا ئۆجالانی، چارەسەری سیاسی پەی پەرسو کورد"ینە، جە کەمپو واشوکانی کۆچبەرا سەرێکانی شارو حەسەکەینە، نمایشگاو وێنەی و کتێبەکا ڕابەرو گەلوو کوردی عەبدوڵا ئۆجەلانی کریاوە.

نمایشگاکە دووۍ ڕوۍ بەردەوام بۆنە، ٥٠ وێنۍ و ١٥٠ کتێبۍ ڕابەرو گەلوو کوردی عەبدوڵا ئۆجالانی نیشانە دریۍ، هەرپاسە تابلۆکۍ بە قسەکاو ڕابەرو گەلوو کوردی عەبدوڵا ئۆجالانی نیشانە دریۍ.

بێجگە جە کۆچبەرا کەمپەکەی دەیان ئەندامۍ ئەرەمەرزیا مەدەنی و سەروازییەکا شارەکەی بەشدارۍ نمایشگاکەی بێنۍ.

ئەندامو کۆمیتەو کلتووری و هونەری واشوکانی محەمەد عەلۆ ئەرەیاۋناش نمایشگاکە جە چوارچێوەو چالاکییەکانە بە داواو ئازادیی جەسەیی ڕابەرو گەلوو کوردی عەبدوڵا ئۆجالانی ڕێکوزیان، واتش: "جە سەیەو فیکر و فەلسەفەو ڕابەر عەبدوڵا ئۆجالانینە شۆڕشو هەرێمو سەرنیشت و ۋەرکۆتوو سوریای یاوان بە ئاستو پێوەرە ژیۋای پێکئامایەکا".

دماتەر بەشدارا گێڵۍ دلۍ هۆڵو نمایشگاکەیرە.