١٧و شوباتی سەعات ١١:٠٠  شاروو کۊڵنوو ئەڵمانیاینە دژوو گۊشەگیریی تنڎوو سەروو ڕابەروو گەلوو کوردی عەبدوڵا ئۊجالانی ڕاپیماێوە جەماوەری ساز کریۊ. هونەرمەنداو کوردی پەی بۊ بەشداربییەی چەنەش داواشا کەردە.

پەیاموو هونەرمەندا پێسنەن:

بەرماڵ جەم: ماوەو ٢٥ ساڵان ڕابەر ئاپۊ و گلێرگەی کوردی ئینا گۊشەگیریێوە دژوارنە، تا مۍ گۊشەگیری دژوارتەر بۊ. پەی ماڕای ئا گۊشەگیرییە ١٧و شوباتی شاروو کۊڵنینە بە سەدان هەزار کەسۍ بەشداریی جە ڕاپیمایێوە جەماوەریینە کەرا. داوا وەنەو گەلەکەیما و دۊساما کەرمێ، کە ١٧و شوباتینە بەشدارۍ ئا ڕاپیمایە با.  

بەسەر شاهین: پێسە مزاندۍ سەرتاسەروو جیهانینە و بەتایبەتی ئەورووپانە گەلوو کوردی ئینۍ چالاکیینە. بە ئامانجوو ئازاڎیی پەی ڕابەر ئاپۊی و دەسەبەرکەردەیی قەوارەی پەی گەلوو کوردی چالاکیۍ کریا.  چالاکییەکەو ١٧و شوباتی  شاروو کۊڵنینە گەورەتەرین چالاکیی چانەنە. بە سەدان هەزار کوردۍ پەی ڕابەر ئاپۊی و ئایندەیشا جەمۍ با. ئێمەیچ پێسە دەنگ و هونەرمەنداو شمە دایم ئینایمۍ چەنیتا و مەیمۍ سەروو سەکۊی.

دەنیز دەمانە: ڕسبەر ئاپۊ پەی ژیواێوە ئازاڎی و ئیکۊلۊژیکی، دروستتەرین چارەسەر پێشکەش کەرۊ. پەوکای مشۊم گردوو ئینسانیەتی پەی ئازاڎیی ڕابەر ئاپۊی هەوڵۍ بدا. ١٧و شوباتی شاروو کۊڵنوو ئەڵمانیاینە پەی ڕابەر ئاپۊی چالاکیێوە تارێخیی ساز کریۊ، تۊیچ بەشداروو ئی  چالاکییە  تارێخییەی بە.

لەیلا ئەکینجییە: ماوەو ٢٥ ساڵان ڕابەر ئاپۊ ئینا چێروو گۊشەگیریێوە تنڎینە. دژوو ئا کەردەوە نایاسایی و نادادییا و پەی کورڎسانێوە ئازاڎی و سەربەوێ، بەیدۍ ١٧و شوباتی شاروو کۊڵنوو ئەڵمانیاینە پێوە ڕاپیمای کەرمێ.

نوارینە: ١٧و شوباتی کۊڵننە پەی ئازاڎیی ڕابەر ئاپۊی چالاکیێوە کریۊ، داوا وەنەو گردوو گەلەکەیما و وەڵاتپارێزنا ئەورووپانە کەرمێ، کە پەی ئازاڎیی ڕابەر ئاپۊی و ماڕای گۊشەگیری سەریش بەشدارۍ چالاکییەکەی با.

ئۊزگور ئیشک: ١٧و شوباتی شاروو کۊڵنینە بەمەبەسوو شەرمەزارکەردەیی پیلانگێڵنی دژوو ڕابەر ئاپۊی، ڕاپیمایێوە جەماوەری کریۊ. ئێمە پێسە ژەناو کەڤانی زێڕێنی داوا وەنەو گەلەکەیما کەرمێ، کە بەشدارۍ ئی ڕاپیمایە با.