جە شاروو مەریوانوو وەرکەوتوو کورڎستانینە ٧ چالاکۍ کورڎۍ، کە هەوڵۍ کوشنایۊ ئاویروو دارسانەکا دێنۍ، بە تەقایۊ ئەڵغامی بەسەختی بریندارۍ بیۍ.

ئەرەیاونیا کە سوپاو پاسدارا ئاویرش وەرڎان جە لەوەڕگەی و دارسانەکاو مەنتێقەکەی و ئانەیچ وزیان ڕووە، کە ماوەو چند ڕوێن ئاویرەکە بەرڎەواما.

وەختێوە بارزان پیروزی، مادیح نیکپەی، بورهان مەککی، ئارام کەیوان، سەیوان نیکپەی و دوو کەسۍ تەرۍ کە نامەکێشا نەزانیێنە گەرەکشا بییەن بەشدارۍ با لە کوشنایۊ ئاویرەکەو مەنتێقەو کانی میرانینە، بە تەقایۊ ئەڵغامی بریندارۍ بیۍ.

بریندارەکۍ فاڕیێنێوە پەی خەسەخانەو مەریوانی و وچیان کە زەخمەکێشا سەختێنۍ و حاڵشا خاس نییا.  

س.ز