شێخ محێدین عەلی جە ۋێڕاۋەبەری ڕابیتەو ئەهلو بەیتی باسش جە زۊرداری و سەرکوتکارییەکا دۊڵەتو ترکی جە عەفرینەنە کەرڎ، کە بە زۊر ئیسلامەتی سەرو ئێزیدییەکارە سەپنانە و ئەرەیاۋناش، ئا جۊرە کردەۋۍ دژو ئاین و ئیسلامینۍ.
شێخ محێدین عەلی جە ۋێڕاۋەبەری ڕابیتەو ئەهلو بەیتی سەبارەڎ بە فاڕاو دیمۊگرافی جە عەفرینەنە و پاکتاوکاری و جینۊسایدو دۊڵەتو ترکی جە عەفرین پۍ ئاژانسو هەواڵی فورات (ANF)ی قسېش کەرڎۍ.
شێخ محێدین عەلی ئەرەیاۋناش؛ کردەوەکۍ دۊڵەتو ترکی دژو دینیەنۍ و ۋاتش، "حیچ کەسۍ مافو ئانەیش نییا بەزۊر دین و کەسێۋە، یان جەمېۋە فاڕۊ. پێویسا خاسە دڵو گرڎ کەسێۋەنە بۊنە، ئینە ئیسلامی راسین."
شێخ محێدین عەلی ۋاتش؛ خوڎا فەرماۋۊ، 'زوڵمو ستەم مەکەرڎۍ'، ئەشۊ ۋەشەۋیسی دڵو ئیماندارانە بۊ و ۋاتش: "مەبۊ درەختە عمردارەکا کە چنین ساڵانێن ۋەی کریا بڕیاۋەو، تاڵان کریا و دلېنەبریا."
شێخ محێدین عەلی ۋاتیچش، "گرڎ ڕوۋۍ ھجوم کریۊ سەرو سەرنیشتوو ۋەرکەوتوو سوریای. عەفرینەنە درەختەکا بڕاۋە، گەرەکشانە عەفرینی جە ڕاسیی ۋێش دووروزاۋە و جە نەریتە قەڎیمی و ڕەسەنەکەو ۋێش دوورش وزاۋە. حەرپاسە گەرەکشانە ئایین و باوەڕیەکا خەڵکی بە زەبرو زەنگ و زۊرەملۍ فاڕا. ئینەیچ دژوو دین و ئیسلامیا".
ھ.ش
