ڕۆو پەنج شەممەی ٢٠٢١/٩/٢ی، بۆردو ڕۆچنەی بە ئامادەبیەی بەڕێز وەزیرو ڕۆشنویری و ڕۆشنویرا و نویسەرا و چالاکواناو دەڤەرو هەورامانی یەکەمین کۆنیشتو وێش بە نامێ(هەنگامێ پەی ئەژناسیای هەورامانو پانیشت (باشور)و کوردستانی بە یونسکۆی) بەردڕاوە.
بۆردو ڕۆشنویری پێکئامان: جە ڕۆشنویرا و چالاکواناو هەورامانی و ڕێکوزیاکاو(ژیوای)و (یانەو سیاوچەمانەی) و ڕاوەبەرو ڕۆشنویر بەڕێز(محەمەد فتاح)ی.
دمای ئانەی وتارو بۆردی پێشکەش کریا جە لاو دەسەو ئەرەمەرزناو بۆردیۆ، ڕۆشنویرو نوویسەرو دڵسۆزەکاو هەورامانی ئی هەنگامێش دۆڵەمەندتەرە کەردە.
هاموەخت بەڕێز وەزیرو ڕۆشنویر کاک(حمەو حمە سەعیدی) جە وتارەکێشەنە پاڵپەشتی وێش پەی بۆردەکەی و هەر هەوڵێوە نیشانەدا کە جە پێناو لواوەڵێ ئاوات و وەشڵەیەکا خەڵکو هەورامانی بۆ. بەڕێزشا هەر پاسە باسو کۆشاکاو وێشا و ئا کۆسپ و تەگەراشە کەرد، کە جە ماوەی ویەردەنە ڕووبەرووش بێنێ پەی وەنەی بە زوانو هەورامی.
جەنابشا ئاماژەش پانەی دا، کە ئینا هەوڵ و تەقەلانە جە ئایندەی نزیکەنە کۆنفرانسێ پەی هەورامانو تەختی و هەورامانو باشوورو کوردوستانی ڕێکوزۆ.
ئومێدکەرمێ ئی بۆردە به هامکاری گرد لاێ تاومێ هەورامانو باشوورو کوردستانیچ(هەورامانو لهۆنی) بە هەمان شێوەو (هەورامانو تەختی) بلۆنە لیستو میراتی کولتووری جەهانی.