بە پاو ئامارەو ڕێکوزیاو جەمەو مافو ئینسانو کوردەسانی کە بە ئەرەیاونێوە وەڵاش کەردەنۆ، تەنیا جە مانگەو ئادارینە جە لایەنو دۆڵەتو ئێرانیۆ هەشت هامولاتیێ کوردیێ وەرکەوتوو کوردەسانینە جە قەنارە دریێنێ، وە ٨٠ هاموڵاتیێ کوردیێ باڵبەس کرێنێ و چڕیێنی پەی دادگای، کە بڕێشا بە بێ ڕا پنەداو دادگای باڵبەسکریێنێ.

 ئەرەیاوناکەینە ئامان: "جە مانگو ئادارو ئێساڵینە هەشت هاموڵاتییێ کوردێ جە ئێران و وەرکەوتوو كوردەسانینە جەسێدارە دریێنێ، کە جا هەشت کەسەیە دووێشا ژەنێ بیێنی. حەر جە هەمان مانگەنە ٨٠ هاموڵاتییێ کوردێ جە وەرکەوتوو کوردەسانینە جەلایەنو وەزارەتو ئیتلاعاتس ئێرانیۆ چریێنێ و بەشێوەشا باڵبەسکریێنی، کە نۆ کەسێشا ژەنێ بیێنێ.

ڕێکوزیاکە تۆمەتو باڵبەسکەردەکەیش بە بێ بنەما وەسفکەرد و ماچۆنە: "جە ماوەو مانگەو ئادارو ئێساڵینە جە لایەنو دەزگاو دادوەری ئێرانیۆ بە تۆمەتی بی بنەما بە گرڏی سزاو شش ساڵا زینانی کەردەی سەرو دووێ هاموڵاتییا کورددا سەپنریا."

یاگێ ئاماژەینە، بە پاو ئامارەو مانگانەو ڕێکوزیاو جەمەو مافەکا ئیناسنی، جە مانگەو شووباتو ئێساڵینە ١٢ هاموڵاتیێ کوردێ جە ئێرانەنە جەقەنارە دریێنێ و ٦٣ کەسێ چڕیێنێ وەزارەتو ئیتلاعاتو ئێرانی و بەشێشا دەستگیر کریێنێ، کە  چوار کەسێشا ژەنێ بیێنی.