فەرماندەیی گرڏی یەکینەکا پارێزناو ژەنا (یەپەژە)ی بە ئەرەیاونێوە نویسریا گەشمەرڏە بییەو جەنگاوەرێشا دەستان ڕژهاتی ئەرەیاونا، کە ٨و کانوونو دووەمی ٢٠٢٥ینە جە ئەنجامو هرووژمی ئاسمانی دۆڵەتو تورکی ئەرەگیری جە کاتو ئەرکەکەیشەنە جە بەنداو تشرینی گەشمەرڏێ بیێنە.

جە سەرەتاو ئەرەیاوناکەینە بە ڕیز و پنەزانایۆ یاڏو گەشمەرڏە داستانێ کریاوە و جە کەسێتی گەشمەرڏێنە قەولو بەردەوام بییەی جە دۆزو ئازادی ژەنا و گەلا واوەی کریانۆ و ئامان: " جەنگاوەرەو یەپەژەی دەریا حاجی بە ناسنامو دەستان ڕۆژهاتیێ، کاتێ جە بەرەو وەڵێ بەنداو تشرینینە جە وەراوەرو چەتەکا دۆڵەتو تورکی ئەرەگیری جەنگ کەرێ، جە ٨و کانوونو دووەمو ٢٠٢٥نە بە هرووژمی فڕۆکەی جەنگی دۆڵەتو تورکی گەشمەرڏی بییە. سەرسڵامەتی وێما پەی بنەیانەو قارەمانە فەشمەرڏەکاما و گەلوو وڵاتپارێزیما وازمێنە."

حەر جە ئەرەیاوناکەینە دەستنیشان کریان گەشمەرڏە دەستانە با نەریتە شۆرشگێڵنییەو بنەیانەکەیشۆ جە ساڵو ٢٠٢١نە بەشداری ڕێزەکا یەپەژەی بۆنە و جە جەنگەکا سەرێ‌کانی و گرێ سپینە دەورێ کاریگەر گێڵنۆنە.

جە بەردەوامی ئەرەیاوناکەینە ئاماژە بە کاریگەری ئەزموونو پەڕ شکۆدارو گەشمەرڏە دەستانی کریان جە ئەوەکۆشای ١٢و یەپەژەینە کە بیی بە نموونەو ئارین میرکانەکا و ئامان: "پێسەو یەپەژەی پەی هەمیشەی خاوەنداری جە میراتو گەشمەرڏاما مکەرمێنە. ئانێ ڕاما ڕۆشن مکەراوە گەشمەرڏەکێمانێ.

شناسنامەو گەشمەرڏێ پی جۆرە وسیان ڕووە:

نامێ و دما نامێ: دەریا حاجی

ناسنام: دەستان ڕژهات

نامێ ئەڏێ و تاتەی: نەجمە – حەسەن

کات و یاگێ گەشمەرڏە بییەی: ٨و کانوونو دووەمی ٢٠٢٥ / بەندا

و تشرینی.