جە فەرەنسا و ئەڵمانیانە ڕۆوبییەو رابەر ئاپۆی موبارەک کریا
بەچنین چالاکیێ جیاوازێ ٤و نیسانی ٧٦ـەمین ساڵوەگەڕو ڕابەر ئاپۆی جە دراگینیانو فەرەنسای، میونخ و ماینزو ئەڵمانیای موبارەک کریا.
بە دیمەن
موبارەک کەردەو ٤و نیسانی
جە چنین شارو فەرەنسا و ئەڵمانیاینە بە جۆشۆ ٤و نیسانی، ڕۆوبییەو ڕابەر ئاپۆی موبارەک کریا. هەرپاسە چنین چالاکیێ کلتووری و ژیوگەیێ ئەنجام دریێ.
دراگینیان
زەماوەنەو ٤و نیسانی جە مییانگەو چاندنو کوردی دراگینیانی بە بەشداری دەیان کەسا ئەنجام دریا. جە تەلارەو زەماوەنەکێنە وێنەو ڕابەر ئاپۆی و گەشمەرڏا ڕاو ئازادی هورواسیابێ.
زەماوەنەکێ بە دەقێوە ڕێز ونە نییای دەسش پنەکەرد، دماتەر سینەڤیزیۆنێوە سەرو ئەوەکۆشای گەلوو کوردی نمایش کریا. دماتەر سەرو گرنگی ٤و نیسانی قسێ کریا و دەستنیشان کریا ڕۆوبییەو ڕابەر ئاپۆی دیارییێ بێ پەی گەلا چێردەسی.
ماینز
جە شارا ماینزی بە چالاکییێ ژیوگەی کە دار نییای بێ جە کامپا زانکۆو جۆهانز تۆتەنبێرگ، خاوەنداری جە موبارەک کەردەو ٤و نیسانی کریا.
چالاکی ژیوگەیەکەنە جەخت کریاوە سەرو پەنەوازی ئازادی جەسەیی ڕابەر ئاپۆی، هەرپاسە ئاماژە کریا پانەی تەنیا ئازادی جەسەیی ڕابەر ئاپۆی تاوۆنە ئایندێوە دیموکراتیک برەخسنۆ.
میونخ
زەماوەنەو ٤و نیسانی جە میونخەنە بە سەرمەشقایەتی مییانگەو کوردی دیموکراتیکی جە باریۆ ئەنجام دریا.
جە زەماوەنەکێنە سەرو نامێ تەڤگەرو ژەنا و پاژکی پەیام ونریاوە و دلێشەنە ئاماژە بە گرنگی ئەوەکۆشای ڕابەر ئاپۆی پەئ ئازادی کریا. دماتەر جە زەماوەنەکێنە سینەڤیزیۆنێوە دەربارەو فەلسەفە و ئەوەکۆشای ڕابەر ئاپۆی نمایش کریا.
